Alliance Kev Saib Xyuas Cov Kev Pab Saib Xyuas Mob Nkeej Rau Tom Tsev (In-Home Supportive Services; IHSS, raws li sau hauv lus Askiv)

Kom nkag hauv lub Alliance Kev Saib Xyuas Cov Kev Pab Saib Xyuas Mob Nkeeg Rau Tom Tsev (In-Home Support Services; IHSS, raws li sau hauv lus Askiv) koj yuav tsum ua raws li txhua yam thiaj li tsim nyog tau txais. Qhov no txhais hais tias koj yuav:

• Ua raws li cov cai rau cov kev ua haujlwm uas tsim los ntawm lub Chaw Tso Cai Cov Kev Pab Cuam Saib Xyuas Pej Xeem (Public Authority, raws li sau hauv lub Askiv).
• Nyob lossis ua haujlwm rau hauv lub Cheeb Nroog Monterey.
• Tsis tau raug muab tshem tawm ua ntej los ntawm Central California Alliance for Health (lub Alliance) vim kev dag, kev dag ntxias lossis kev ua tsis tiav ntaub ntawv.

Lub Chaw Tso Cai Cov Kev Pabcuam Saib Xyuas Pej Xeem mamli qhia rau koj paub thaum koj tsim nyog tau txais los nkag rau qhov kev npaj kho mob thiab mamli muab daim ntawv thov ncuv npe nkag ua ntej rau koj. Koj yuav tsum ua kom tiav daim ntawv thov thiab xa daim ntawv rov qab rau lub Chaw Tso Cai Cov Kev Pab Cuam Saib Xyuas Pej Xeem (Public Authority, raws li sau hauv lub Askiv) kom sai li sai tau thaum tau txais kev qhia kom ua li ntawd. 

Koj yuav tsum xaiv ib tug thawj kws kho mob (primary care provider; PCP, li sau hauv lus Askiv) thaum koj ncuv npe nkag hauv. Yog koj tsis xaiv ib tug PCP thaum koj nkag hauv, peb yuav xaiv ib tug rau koj.

Yog koj tsis muaj ib tug PCP, koj nrhiav tau ib tug nyob hauv peb Phau Ntawv Teev Npe Cov Kws Kho Mob Nyob Ooslais. Koj kuj rub tawm tau IHSS Phau Ntawv Teev Npe Cov Kws Kho Mob yog xav tau hom uas tau muab luam tawm. Yog koj tsis tau mus saib koj tus PCP tshiab, teem sijhawm rau tus neeg mob tshiab ua ntej dhau 120 hnub tom qab koj ncuv npe.

Cov kev pab cuam yuav tsum tau txais los ntawm ib tus kws kho mob uas koom nrog peb. Koj tus kws kho mob yuav tsum tau txais kev pom zoo (hu ua kev tso cai ua ntej) ua ntej yuav muab qee yam kev pab cuam.

• Rau cov lus qhia txog qhov kev npaj kho mob cov pab kho mob uas txais tau, nyeem Daim Ntawv Qhia Txog Cov Kev Kho Mob Uas Pab Them Rau.
• Rau cov lus qhia kom meej, nyeem Daim Ntawv Qhia Txog Cov Kev Pab Kho Mob Uas Txais Tau thiab Cov Kev Fajseeb Kho Mob.
• Rau cov lus qhia kom meej txhij txhua, nyeem lub Alliance Kev Saib Xyuas IHSS Phau Ntawv Rau Tus Tswvcuab.

Thaum ncuv npe nkag tag lawm, koj yuav tsum tau them nqi (ib tus nqi) txhua lub hli. Lub Chaw Tso Cai Cov Kev Pab Cuam Saib Xyuas Pej Xeem (Public Authority, raws li sau hauv lub Askiv) mam li qhia rau koj:

• Paub txog tus nqi uas koj yuav tau them.
• Paub txoj hauv kev los them.

Thov hu rau lub Chaw Tso Cai Cov Kev Pab Cuam Saib Xyuas Pej Xeem (Public Authority, raws li sau hauv lub Askiv) ntawm tus xov tooj 831-755-4466 (TTY: 831-784-2131) yog xav paub ntxiv txog:

• Kev tsim nyog tau txais.
• Kev ncuv npe nkag.
• Cov nqi tau them.
• Qhov kev pib txais qhov kev fajseeb kho mob.

Tsis muaj nqi yuav tau them ua ntej rau tej kev pab uas duav nqi. Txhawm rau kawm paub kom ntau ntxiv txog cov kev pabcuam uas duav txog, ces mus saib tshooj lus “Cov Lus Piav Qhia Txog Tej Txiaj Ntsim” hauv Phau Ntawv Qhia Tswvcuab Alliance Kev Saib Xyuas IHSS Uas Tau Suav Sau Tej Pov Thawj Kev Duav Txog.

Alliance Kev Saib Xyaus IHSS (In-Home Support Services; IHSS, raws li sau hauv lus Askiv) cov tswvcuab muaj tus nqi uas lawv yuav them tus kheej txhua xyoo ntau tshaj plaws uas yog $3,000 txhua xyoo tau txais kev kho mob. Tag nrho txhua cov nqi koom them uas koj tau them nyiaj rau kom duav txog cov kev pabcuam yuav muab suav nkag rau tus nqi uas lawv yuav them tus kheej txhua xyoo ntau tshaj plaws uas yog $3,000. Tus nqi koom them yog ib qho nyiaj uas tsis hloov pauv uas koj yuav them rau ib qho kev pabcuam kho mob uas duav txog.

Lub Alliance yuav soj xyuas txog tag nrho txhua cov nqi koom them. Peb yuav xa cov ntaub ntawv ceeb toom txog tej nyiaj tseem tsis tau them ntawm lub Alliance Kev Saib Xyuas IHSS (In-Home Support Services; IHSS, raws li sau hauv lus Askiv cov tswvcuab. Cov ntaub ntawv ceeb toom no yuav qhia rau pom txog cov nqi koom them nyob rau niaj hnub no uas yuav suav nkag rau tus nqi uas lawv yuav them tus kheej txhua xyoo ntau tshaj plaws. Cov ntaub ntawv ceeb toom yuav raug xa mus rau thaum cov tswvcuab nkag mus siv cov kev pabcuam hauv lub xyoo kho mob no.

Vim koj yog ib tug tswvcuab koj tuaj yeem xaiv tsis txais tsab ntawv no los tau. Hu rau Tsoom Ua Haujlwm Pab Cuam Tswvcuab txhawm rau kom paub cov ntaub ntawv ceeb toom txog tej nyiaj tseem tsis tau them yog hais tias tsis xa ntawv mus nug. Koj kuj tseem tuaj yeem xaiv tsis txais tej ntaub ntawv ceeb toom tau tib si.

Thaum koj ua tau raws li koj tej nqi ua yuav them tus kheej txhua xyoo ntau tshaj plaws hauv lub xyoo kho mob lawm, ces Alliance yuav xa ib daim ID card tshiab tuaj rau koj.

Tej nqi them premium ces tsis suav nrog tus nqi uas yuav them tus kheej qhov ntau tshaj plaws txhua xyoo. Txhawm rau kawm paub kom ntau ntxiv txog cov kev pabcuam uas duav txog, ces mus saib tshooj lus “Cov Lus Piav Qhia Txog Tej Txiaj Ntsim” hauv Phau Ntawv Qhia Tswvcuab Alliance Kev Saib Xyuas IHSS Uas Tau Suav Sau Tej Pov Thawj Kev Duav Txog.

Alliance Kev Saib Xyuas Cov Kev Pab Saib Xyuas Mob Nkeeg Rau Tom Tsev (In-Home Support Services; IHSS, li sau hauv lus Askiv) cov tswvcuab tuaj yeem siv tej tau tus nqi pob tshab kom pom tías tus nqi them rau qhov kev pabcuam yuav raug nqi li cas ua ntej lawv tau txais kev saib xyuas. Koj tuaj yeem pom ntau lub Alliance kev them nyiaj rov qab hauv cov chaw pabcuam koom nrog. Tus nqi them nyiaj yuav siv txawv raws li qhov chaw nyob ntawm kho kev pabcuam.

Piv txwv xws li:

• Ib qho kev pabcuam uas koj siv nyob hauv chav ua haujlwm kuj yuav kom koj them li $10.
• Ib qho kev pabcuam uas koj siv nyob hauv chav mob nkeeg thaum muaj xwm ceev kuj yuav kom koj them li $25.
• Ib qho kev pabcuam uas koj siv thaum mus pw kho mob lawm kuj yuav kom koj them li $0.