Kev Pab Cuam Saum Ooslais (Online)

Yog tias koj Daim Alliance Tswvcuab Npav ID tau raug puas tshuaj, poob, lossis raug neeg nyiag lawm, koj tuaj yeem thov tau kom xa ib daim tshiab tuaj rau koj. Mus sau tiav daim foos thov saum oos lais los thov rau ib daim npav ID.

Hloov kho tshiab cov ntaub ntawv uas peb muaj qhia txog koj tus kheej, xws li koj li chaw nyob lossis tus xov tooj. Mus sau tiav daim foos saum oos lais los kho tshiab koj cov ntaub ntawv.

Koj tuaj yeem xaiv lossis hloov koj tus kws kho mob tseem ceeb hauv online.

Ua raws li cov kauj ruam no kom nrhiav tau tus kws kho mob tshiab: 

1. Mus rau qhov Cov Chaw Pabcuam phab. 
2. Xaiv koj txoj kev npaj.  
3. Nyem rau ntawm Cov Kws Muab Kev Pab Kho Mob Thawj Zaug (PCP).  
4. Kos lub thawv rau "Txais Cov Neeg Mob Tshiab."“ 
5. Sau koj tus lej ZIP kom nrhiav tau tus kws kho mob nyob ze koj.  
6. Nyem "Nrhiav ib tus neeg muab kev pab."“ 
7. Saib cov txiaj ntsig tshawb nrhiav thiab xaiv ib tus kws kho mob. 
8. Sau lub npe kws kho mob thiab cov ntaub ntawv ntawm chaw kho mob. 
9. Sau tiav Xaiv Daim Ntawv Thov Kws Kho Mob Hauv Online.  

Cov Kev Pabcuam rau Cov Tswvcuab yuav tshuaj xyuas koj daim ntawv thov. 

Yog koj daim ntawv thov raug pom zoo, koj tus kws kho mob tshiab yuav pib ua haujlwm rau thawj hnub ntawm lub hlis tom ntej. 

Koj tuaj yeem hu rau Cov Kev Pabcuam rau Cov Tswv Cuab ntawm 800-700-3874 kom tau kev pab. 

Xaiv ib tus neeg los ua koj tus neeg sawv cev rau koj. Tus neeg no yuav tuaj yeem los sib tham tau nrog lub Alliance txog cov kev saib xyuas kev noj qab haus huv uas koj xav tau. Mus sau tiav Daim Foos Thov Rau Ib Tus Neeg Sawv Cev Rau Koj.

Yog tias koj muaj Medi-Cal thiab lwm qhov kev fajseeb kho mob, koj yuav tsum hloov kho dua tshiab koj lwm qhov kev fajseeb kho mob ntawd cov ntaub ntawv txhua zaus uas nws hloov. Qhov no txhais tau tias koj yuav tsum qhia rau peb paub yog tias koj muaj ntxiv, rho tawm lossis hloov koj lwm qhov kev fajseeb kho mob. Koj yuav tsum tau ceeb toom qhia tawm txhua qhov hloov pauv tag nrho:

1. Lub Alliance. Siv daim Hloov Kho Dua Tshiab Lwm Qhov Kev Fajseeb Kho Mob daim foos.
2. Koj lub cheeb nroog lub chaw ua haujlwm. Hu rau koj lub cheeb nroog lub chaw ua haujlwm hauv zos los ntawm kev hu xov tooj lossis mus rau saum oos lais (online) rau California Lub Tuam Tsev Haujlwm Saib Xyuas Cov Kev Pab Kho Mob (Department of Health Care Services; DHCS, raws li sau hauv lus Askiv) lub vev xaib (website).

Kom hloov kho dua tshiab nrog rau koj lub cheeb nroog lub chaw ua haujlwm hauv zos los ntawm xov tooj:

• Lub Cheeb Nroog Mariposa: Hu rau 209-966-2000 lossis hu dawb ntawm 800-421-6741.
• Lub Cheeb Nroog Merced: Hu rau 209-385-3000 lossis 855-421-6770.
• Lub Ceeb Nroog Monterey: Hu rau 877-410-8823.
• Lub Cheeb Nroog San Benito: Hu rau 831-636-4180.
• Lub Cheeb Nroog Santa Cruz: Hu rau 888-421-8080.

Yog tias koj tau them nyiaj rau ib qho kev pab cuam saib xyuas kev noj qab haus huv uas raug pab them los ntawm lub Alliance, koj tuaj yeem thov tau kom lub Alliance them nyiaj rov qab rau koj. Mus sau tiav Daim Foos Thov Them Nyiaj Rov Qab Rau Tswvcuab.

Yog tias koj xav kom Alliance qhia tawm koj cov ntaub ntawv hais txog koj li kev noj qab haus huv rau lwm tus uas koj xaiv, sau lossis ua tiav daim foos nthuav tawm ntaub ntawv no. Koj tuaj yeem qhia tau rau peb paub tias peb tuaj yeem qhia tawm tau cov ntaub ntawv dab tsi thiab siv sijhawm ntawv ntev npaum cas los qhia tawm.

Koj tuaj yeem thov tau kom lub Alliance tsis txhob qhia tawm koj cov ntaub ntawv hais txog koj li kev noj qab haus huv los ntawm electronically (kev xa ntawv saum oos lais) nrog rau koj cov kws pab kho mob. Nrhiav cov foos uas koj xav tau los sau tiav nyob rau peb nplooj ntawv Thov Kom Txwv Tsis Pub Lwm Tus Paub Txog Koj lossis Koj Li Ntaub Ntawv Kho Mob.

Kom txais tau ib daim theej rau Phau Ntawv Rau Tus Tswvcuab, koj yuav tsum tau thov kom peb xa ib daim tuaj rau koj. Qhov kev txais no muaj rau koj yam tsis tau them nqi.

Koj tuaj yeem nrhiav tau ib daim foos rau ntawm peb lub vevxais.