Los Pib Tau
Nyob rau txhua qib ntawm lub neej. Rau ib tug xwm txheej mob twg.
Tau txais kev tso siab, txoj kev pab kho mob ntawm Medi-Cal uas tsis yuav nqi los ntawm ib pab pawg hauv cheeb tsam uas nkag siab koj.
Lub Alliance - koj tus phooj ywg hauv kev yog koj tus kheej uas muaj dag zog tshaj plaws.
Zoo Saib Tos Txais koj los rau Central California Alliance for Health (lub Alliance). Vim tias koj tsim nyog tau txais Medi-Cal txoj kev pab them nqi kho mob, tam sim no koj yog ib tus tswvcuab ntawm lub Alliance txoj kev npaj kho mob lawm. Lub Alliance muab Medi-Cal txoj kev pab them nqi kho mob rau cov cheeb nroog Mariposa,Merced, Monterey, San Benito thiab Santa Cruz. Peb pab cov tswvcuab pib nrog lawv lub Alliance txoj kev npaj kho mob, nrhiav tus kws kho mob, teb cov lus nug txog lawv cov kev pab cuam saib xyuas kev noj qab haus huv thiab muab cov kev pab kom paub yuav ua li cas thiaj muaj kev noj qab haus huv. Tib neeg muaj kev noj qab haus huv, neeg zej zog muaj kev noj qab haus huv yog lub zeem muag uas peb ua haujlwm rau txhua hnub!
Peb nyob ntawm no los pab koj. Koj tuaj yeem sib tham tau nrog Alliance ib Tus Neeg Sawv Cev Ntawm Cov Kev Pab Cuam Tswvcuab los ntawm kev hu xov tooj 800-700-3874, hnub Monday txog Friday thaum 8:00 a.m. txog 5:30 p.m. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).
Muaj lus nug txog kev hloov pauv rau kev pab them nqi Medi-Cal?
Yog xav paub ntxiv txog koj qhov kev pab them nqi kho mob Medi-Cal, hu rau koj lub nroog lub Chaw Haujlwm Pabcuam Zej Zog lossis Lub Chaw Haujlwm Pabcuam Kev Noj Qab Haus Huv. Yog tias koj muaj Medi-Cal, koj lub nroog yuav tsum qhia rau koj paub yog tias muaj kev hloov pauv rau koj qhov kev pab them nqi kho mob. Kawm ntxiv ntawm peb nplooj ntawv FAQ.
Peb muaj cov chaw ua haujlwm nyob hauv cov cheeb nroog Mariposa, Merced, Monterey, San Benito thiab Santa Cruz. Cov neeg ua haujlwm hauv lub Alliance kuj nyob hauv cov nroog no ib yam vim peb paub tias nws tseem ceeb kom muaj kev sib raug zoo ze nrog cov neeg zej zog uas peb muab kev pab cuam rau.
Raws li yog ib tus tswvcuab tshiab, ntawm no nws yog qee cov kauj ruam yav tom ntej:
Raws li yog ib tus tswvcuab tshiab, koj yuav tau txais Daim Npav ID Ua Tswv Cuab Ntawm Alliance hauv qhov chaw xa ntawv. Koj tseem tuaj yeem thov kom muab ib daim tshiab xa tuaj rau koj yog tias koj daim npav poob lawm lossis koj cov ntaub ntawv hloov los ntawm kev sau tiav Daim foos Hloov Daim Npav ID.
Koj yuav xaiv ib tug kws kho mob los mus ntsib rau tagnrho koj cov kev saib xyuas kev noj qab haus huv uas koj xav tau. Peb hu tus kws kho mob ntawd tias yog koj Tus Thawj Kws Kho mob (Primary Care Provider) lossis PCP(raws li sau hauv lus Askiv). Yog tias koj tsis xaiv ib tus PCP thaum lub hlis xaus, peb yuav xaiv ib tus rau koj. Thaum koj muaj ib tus kws kho mob, nco ntsoov teem sijhawm mus kuaj mob thiab kev kuaj mob thawj zaug tsis pub dhau 120 hnub (4 lub hlis) thaum koj los ua Alliance ib tus Tswvcuab. Yog tias koj xav tau kev pab xaiv ib tus kws kho mob, peb tuaj yeem pab tau. Peb yuav pab koj rau txoj kev no uas nyob rau nplooj ntawv Find a Doctor. Koj tuaj yeem hu tau Lub Chaw Pab Cuam Tswvcuab los txais tau kev pab.
Lub Alliance pab them rau feem ntau cov kev pab kho mob uas yog muab los ntawm koj cov kws kho mob, cov tsev kho mob loj thiab cov kws pab kho mob uas muaj ntaub ntawv tso cai muab kev pab. Phau Ntawv Rau Tus Tswvcuab muaj tagnrho cov lus qhia hais txog txhua yam ntawm koj li Alliance cov kev pab cuam txais tau, cov kev pab cuam thiab tus tswvcuab cov cai. Koj tuaj yeem mus xyuas Phau Ntawv Rau Tus Tswvcuab saum ooslais (online) lossis sau tiav Daim foos Thov Rau Phau Ntawv Rau Tus Tswvcuab kom tau txais ib phau ntawv luam tawm xa tuaj rau koj. Kawm kom paub ntxiv txog koj txoj kev npaj kho mob nyob rau ntawm nplooj ntawv Hais Txog Koj Txoj Kev Npaj Kho Mob.
Muaj ntau cov kev pab cuam uas koj tuaj yeem ua tau koj tus kheej saum oos lais (online), xws li kev hloov koj cov ntaub ntawv tiv tauj tuaj rau koj thiab nrhiav cov ntawv foos uas koj tej zaum xav tau. Mus nrhiav ntxiv tau ntawm peb Nplooj Kev Pab Cuam Saum Oos Lais (Online).
Puas muaj lus nug? Tsis yog koj ib leeg xwb! Peb nplooj FAQ muaj ib daim ntawv teev cov lus nug uas cov tswvcuab nquag nug txog. Koj kuj yuav pom peb cov lus teb rau cov lus nug ntawd.
Peb nyob ntawm no los pab koj.
Koj tuaj yeem sib tham tau nrog Alliance ib Tus Neeg Sawv Cev Ntawm Cov Kev Pab Cuam Tswvcuab los ntawm kev hu xov tooj 800-700-3874
Hu Rau Lub Chaw Pab Cuam Tswvcuab
Cov Kev Pab Txhawb
Xov Xwm Tseeb
Kev Pab Rau Cov Tswvcuab
- DAIM NTAWV FOOS THOV HAIS KEV TSIS TXAUS SIAB
- Phau Ntawv Rau Tus Tswvcuab
- Txoj Kev Pab Cuam Txiaj Ntsig Pab Rau Kev Noj Qab Haus Huv
- Txoj Cai Txuas Ntxiv ntawm Kev Saib Xyuas Medi-Cal
- Txoj Cai Saib Xyuas Kev Txuas Ntxiv Mus ntawm IHSS
- Cov Lus Tsis Txaus Siab thiab Kev Thov Rov Qab
- Phau Ntawv Rau Tus Tswvcuab
- Cov Lus Qhia Txog Cov Txiaj Ntsig
- Daim Ntawv Thov Kev Tsis Txaus Siab Txog Medicare
© 2026 Central California Alliance for Health | Lub vev xaib cov lus taw qhia