Alliance Cov Kev Pab Cuam Txhais Lus

Koj puas xav tau kev pab sib txuas lus nrog koj tus kws kho mob lossis nrog lub Alliance rau hom lus uas koj hais?

Nws yog ib qho tseem ceeb uas koj tuaj yeem tham nrog koj tus kws kho mob kom nkag siab. Yog tias koj thiab koj tus kws kho mob tsis tuaj yeem sib nkag siab rau txhua lub sijhawm, nws yuav cuam tshuam rau koj txoj kev saib xyuas kev noj qab haus huv. Yog tias koj muaj teeb meem tham nrog koj tus kws kho mob, peb tuaj yeem pab tau. Koj tsis thas siv koj tsev neeg lossis phooj ywg los txhais lus rau koj. Lub Alliance cov kev pab txhais lus tuaj yeem pab tau yog tias koj hais lwm hom lus uas tsis yog lus Askiv.

Thaum koj yog Alliance Tus Tswvcuab, koj muaj cai tau txais cov kev pab txhais lus no yam tsis tau them nqi:

• Cov kev pab thiab cov kev pab cuam rau cov neeg uas tsis taus los pab kom lawv txuas lus zoo dua, xws li:
  • Cov neeg uas kawm tiav muab kev pab txhais lus piav tes.
  • Lwm hom ntaub ntawv xws li cov ntaub ntawv uas sau kom loj, cov suab kaws, cov ntaub ntawv uas saib tau hauv lub computer thiab cov ntaub ntawv uas sau ua lwm hom.
• Kev pab txhais lus rau cov neeg uas nws thawj hom lus tsis yog lus Askiv, xws li:
  • Cov neeg uas kawm tiav kev pab txhais lus, rau tim ntsej tim muag lossis hauv xov tooj.
  • Cov ntaub ntawv uas sau ua lwm hom lus.

Yog tias koj xav tau ib tus kws pab txhais lus:

Qhia rau koj tus kws kho mob lub chaw haujlwm paub tias hom lus twg uas koj xav tau thaum koj hu mus teem sijhawm mus ntsib. Feem ntau, ib tug neeg kws pab txhais lus yuav pab koj hauv xov tooj, tab sis ib tug neeg kws pab txhais lus tim ntsej tim muag kuj tseem siv tau. Lub Alliance yuav tsum tau pom zoo rau cov kev thov rau tim ntsej tim muag ua ntej.

Nws kuj muaj ib co kws kho mob hauv peb pawg kws kho mob uas txawj hais lwm hom lus uas tsis yog lus Askiv.

Lub Alliance muaj cov kws kho mob hauv nws pab pawg uas hais lwm hom lus nrog rau lus Askiv. Koj nrhiav tau cov kws kho mob no hauv koj Cov Chaw Pabcuam lossis thaum koj hu mus rau Lub Chaw Pab Cuam Tswvcuab. Koj tus kws kho mob tseem tuaj yeem hu ib tus xov tooj kom tau txais ib tus kws pab txhais lus uas hais koj hom lus.

Daim Ntawv Tshaj Xo Txog Kev Tsis Cais:

Central California Alliance for Health (lub Alliance) cog lus tias yuav kho peb cov tswv cuab kom sib npaug. Lub Alliance tsis cais neeg, tsis suav nrog tib neeg lossis kho lawv txawv vim yog haiv neeg, xim tawv nqaij, lub tebchaws keeb kwm, hnub nyoog, kev tsis taus lossis poj niam txiv neej. Peb ua raws li txoj cai lij choj ntawm lub xeev thiab tsoomfwv tebchaws.

Kev pab cuam txhais lus

Tau cov ntaub ntawv hais txog kev pab txhais lus hauv ntau hom lus txawv teb chaws.

Yog xav tau kev pab txog kev nrhiav tus neeg txhais lus lossis cov ntaub ntawv sau ua koj hom lus, thov hu rau Alliance Health Education Line ntawm 800-700-3874, ext. 5580. Yog tias koj xav tau kev pab txhais lus, peb muaj ib txoj kab xov tooj tshwj xeeb kom tau ib tus neeg txhais lus uas hais koj hom lus, uas muaj rau koj dawb xwb. Rau Hnov Lus lossis Kev Pab Hais Lus, hu rau 800-735-2929 (TTY: Hu 711). Yog xav thov cov ntaub ntawv sau ua lwm hom ntawv, hu rau Cov Kev Pabcuam Rau Cov Tswv Cuab ntawm 800-700-3874 (TTY: Hu 711), 8 teev sawv ntxov txog 5:30 teev tsaus ntuj, hnub Monday txog hnub Friday.