Kev Npaj Rau Tsev Neeg

Cov kev pab cuam npaj tsev neeg tuaj yeem pab koj npaj seb koj yuav ntxiv pes tsawg tus menyuam rau hauv koj tsev neeg, thiab ntev npaum li cas ntawm txhua tus menyuam. Cov kev pab cuam no yog muab rau cov tswv cuab uas muaj hnub nyoog yug tau menyuam suav nrog cov cev xeeb tub thiab cov neeg tom qab yug menyuam. Cov kev pab cuam npaj tsev neeg suav nrog txhua txoj kev tswj kev yug menyuam uas tau pom zoo los ntawm US Food and Drug Administration (FDA). Koj muaj cai tau txais cov ntaub ntawv hais txog txhua txoj kev xaiv thiab xaiv txoj kev uas zoo tshaj plaws rau koj.

Cov kev pab cuam npaj tsev neeg yog ntiag tug thiab tsis pub lwm tus paub. Koj muaj cai tau txais cov kev pab cuam no yam tsis muaj kev yuam lossis kev txwv rau koj txoj kev xaiv kev tswj xeeb tub.

Koj tuaj yeem tau txais cov kev pab cuam kev npaj kom muaj menyuam los ntawm:

• Lub Alliance pab pawg kws kho mob: cov kws kho mob, cov kws tu neeg mob, cov kws saib xyuas menyuam yaus, cov kws pab kws kho mob thiab cov chaw kuaj mob.
• Cov uas nyob sab nraud ntawm lub Alliance pab pawg kws kho mob: txhua tus kws kho mob uas pab npaj kom muaj menyuam lossis ib lub chaw kuaj mob uas kam txais qhov kev fajseeb kho mob Medi-Cal. Koj tsis tas yuav txais kev pom zoo ua ntej los ntawm lub Alliance.

Txawm li cas los xij, Alliance pab them rau cov kev pab rau kev xeebtub, kev kawm thiab txhawb nqa ua ntej thiab tom qab yug me nyuam tas, xws li peb lub khoos kas Txoj Kev Pab Cuam Kom Cov Leej Niam thiab Menyuam Mosliab Noj Qab Haus Huv.

Yog xav paub ntau ntxiv txog qhov kev npaj kom muaj me nyuam sib, hu rau Lub Chaw Pab Cuam Tswv Cuab.