Lub Cim Qhia Txog Kev Ua Koob Tsheej 30 Xyoo ntawm Central California Alliance for Health

Tsev > Kev Kho Mob Alliance Medi-Cal > Lub Chaw Pab Cuam Tswvcuab > Cov Xov Xwm Txog Cov Koob Tshuaj Tiv Thaiv Tus Kab Mob COVID-19

Cov Xov Xwm Txog Cov Koob Tshuaj Tiv Thaiv Tus Kab Mob COVID-19

Koj pab tiv thaiv tau koj tus kheej thiab cov neeg uas nyob ib ncig ntawm koj thaum koj txais koob tshuaj txhaj tiv thaiv kab mob.

Pab tiv thaiv koj tsev neeg tag nrho thaum koj thiab koj cov menyuam uas muaj noob nyoog 6 lub hli thiab laus dua txais koob tshuaj txhaj tiv thaiv COVID-19.
Cov tshuaj tiv thaiv COVID-19 tuaj yeem muab tau tib lub sijhawm nrog lwm cov tshuaj tiv thaiv.

Qhov kev pheej hmoo ntawm kev mob hnyav los ntawm COVID-19 nce ntxiv thaum muaj hnub nyoog thiab cov kab mob ntev.
Kev txhaj tshuaj tiv thaiv COVID-19 raws li cov lus qhia yog ib kauj ruam tseem ceeb los pab tiv thaiv kom tsis txhob mob hnyav los ntawm COVID-19.

Tom qab txais koob tshuaj txhaj tiv thaiv kab mob COVID-19, tej zaum koj yuav muaj lwm yam mob tshwm sim los ntawm cov tshuaj. Tej co mob no qhia tias koj lub cev tab tom tsim kev pov hwm los tiv thaiv koj.
Yog tias koj tau txais koob tshuaj txhaj tiv thaiv kab mob tag nrho lawm, koj tseem yuav tsum ua raws li tej kev cai ua los ntawm lub tsoom fwv teb chaws, lub xeev, thiab zej zog cov thawj coj, lossis nyob hauv koj qhov chaw ua haujlwm thiab tej lub lag luam hauv zej zog.

Kev Saib Xyuas Tagnrho

Koob tshuaj txhaj tiv thaiv kab mob COVID-19 yog ib hom tshuaj uas muaj kev nyab xeeb thiab zoo

Cov koob tshuaj txhaj tiv thaiv kab mob COVID-19 yeej muaj kev nyab xeeb thiab yuav pab tau. Lus qhia pab txog kev nyab xeeb ntawm kev tshuaj txhaj tiv thaiv kab mob COVID-19 muaj nyob ntawm lub CDC vevxais nplooj ntawv.

Leej twg tuaj yeem txhaj tshuaj tau vav xees COVID-19?

Txhua tus neeg uas muaj noob nyoog 6 lub hli thiab laus dua los txais tau koob tshuaj txhaj tiv thaiv kab mob COVID-19 los tau. Yog tias koj muaj lus nug txog koob tshuaj txhaj tiv thaiv kab mob COVID-19 rau koj tus kheej lossis rau koj tus menyuam, ces nrog koj tus kws kho mob tham lossis mus xyuas lub CDC lub vevxais.

Kuv yuav tsum tau txais koob tshuaj txhaj tiv thaiv kab mob COVID-19 twg thiab thaum twg?

Yog xav paub ntxiv txog seb koob tshuaj txhaj tiv thaiv kab mob COVID-19 twg zoo rau koj thiab koj tsev neeg, mus xyuas daim ntawv Xyoo 2024–2025 Lub Sijhawm Teem Caij Txhaj Tshuaj Tiv Thaiv Kab Mob COVID-19 thiab nrog koj tus kws kho mob thiab kws muag tshuaj tham.

Cov Lus Qhia Txog COVID-19 Rau Cov Neeg Cev Xeeb Tub thiab Cov Neeg Pub Niam Mis

Cov pojniam uas xeebtub feem ntau ntsib kev phom sij uas yuav ua rau lawv mob heev thaum raug tus kab mob COVID-19 ntau tshaj dua cov neeg uas tsis xeebtub. Yog tias koj xeebtub thiab kis tau tus kab mob COVID-19, koj yuav ntsib kev phom sij rau koj lub cev xws li kev mob ntshav siab, kev kub ntxhov nrog koj li ntshav, kev tuag tau thiab menyuam tuag tau hauv plab.

Yog tias koj xeebtub lossis pub mis niam, koj kuj tuaj yeem mus txais koob txhaj tshuaj tiv thaiv tus kab mob COVID-19 tau. Kev mus txais koob txhaj tshuaj tiv thaiv kab mob thaum koj xeebtub tuaj yeem pab tiv thaiv rau koj tej yam mob los ntawm tus kab mob COVID-19.

Yog tias koj muaj lus nug dab tsi txog koob txhaj tshuaj tiv thaiv kab mob, nrog koj tus kws kho mob tham. Koj kuj tuaj yeem nyeem Lub Chaw Pab Tiv Thaiv Kab Mob Thiab Pab Tswj Mob (Centers for Disease Control; CDC, raws li sau huav lus Askiv) cov ntaub ntawv qhia txog Cov Koob Txhaj Tshuaj Tiv Thaiv Tus Kab Mob COVID-19 Thaum Xeebtub lossis Pub Niam Mis kom kawm paub ntxiv.

Yog koj muaj lus nug txog koob tshuaj txhaj tiv thaiv kab mob no, mus xyuas koj lub cheeb nroog lub chaw muab kev pab saib xyuas kev noj qab haus huv rau pej xeem lub vevxais lossis hu tus xov tooj muab kev pab qhia rau koj lub cheeb nroog.

Mariposa

Lub Ceeb Nroog Mariposa Lub Chaw Ua Haujlwm Muab Kev Pab Rau Cov Pej Xeem (Health and Human Services Agency)

Xov tooj: 209-966-2000 lossis 800-549-6741 (Mon-Fri, 8 teev sawv ntxov txog 5 teev tsaus ntuj)

Cheeb Noorg Merced

Cheeb Nroog Meced Lub Chaw Pej Xeem Kev Noj Qab Haus Huv

Tus xov tooj muab kev pab qhia: 209-381-1200 (Hnub Monday-Friday, 8 a.m. mus txog 6 p.m.)

Cheeb Noorg Monterey

Cheeb Nroog MonterLub Chaw Kev Pab Kho mob

Tus xov tooj muab kev pab qhia: 831-769-8700 (Hnub Monday-Friday, 8 a.m. mus txog 5 p.m.)

San Benito

Lub Ceeb Nroog San Benito thiab Lub Chaw Ua Haujlwm Muab Kev Pab Rau Cov Pej Xeem

Xov tooj: 831-636-4180 (Mon-Fri, 8 teev sawv ntxov txog 5 teev tsaus ntuj)

Cheeb Noorg Santa Cruz

Lub Cheeb Nroog Santa Cruz Lub Chaw Muab Kev Pab Cuam Saib Xyuas Kev Noj Qab Haus Huv (Santa Cruz County Health Services)

Tus xov tooj muab kev pab qhia: 831-454-4242 (Hnub Monday-Friday, 8 a.m. mus txog 5 p.m.)

Tiv thaiv koj tus kheej: Tsis txhob siv tshuaj tiv thaiv COVID-19 los dag ntxias

Tsis txhob qhia koj cov ntaub ntawv kev noj qab haus huv ntiag tug lossis cov ntaub ntawv qhia txog koj tus Lej Xaus Saus, cov lej credit card lossis tus as khauj (account) tuam nyiaj nrog cov tib neeg uas koj tsis paub.

Nco ntsoov, Cov tswv cuab ntawm Medi-Cal yuav tau txais cov tshuaj tiv thaiv COVID-19 dawb.

Yog koj ntseeg tias koj tau raug kev tsim txom vim qhov kev dag ntxias los ntawm tus kab mob COVID-19, thov qhia txog qhov uas tau tshwm sim saum Internet mus rau Tsoom Fwv Pab Pawg Tswj Xyuas Lag Luam (Federal Trade Commission).

Koj kuj tuaj yeem hu xov tooj tau rau Teb Chaws Mekas Lub Tuam Tsev Haujlwm Saib Xyuas Kev Noj Qab Haus Huv thiab Kev Pab Pej Xeem Lub Chaw Ua Haujlwm Soj Ntsuam Txog Kev Ua Raws Txoj Cai (U.S. Department of Health and Human Services Office of Inspector) ntawm 800- HHS-TIPS (800-447-8477).

Cov Vis Dis Aus (Video) Hais Txog Tus Kab Mob COVID-19

Cov Vis Dis Aus (Video) Hais Txog Tus Kab Mob COVID-19

COVID-19 Cov Kev Pab

Cov Kev Pab Txhawb Nqa

Lub Alliance tuaj yeem pab koj tau txais kev kho mob yog tias koj tu siab, txhawj xeeb, ntxhov siab, chim siab tom qab kev poob lossis muaj teeb meem nrog cawv lossis tshuaj yeeb. Hu rau Cov Kev Pabcuam rau Cov Tswv Cuab ntawm 800-700-3874 (Hnub Monday - Hnub Friday, 8 sawv ntxov - 5:30 tsaus ntuj). Rau Kab Pabcuam Kev Hnov Lus lossis Kev Hais Lus, hu rau 800-735-2929 (TTY: Dial 711).
Hu rau 211 yog xav paub txog cov kev pab cuam hauv zos.

Cov Ntaub Ntawv Pab Qhia rau Cov Menyuam Yaus thiab Cov Tub Ntxhais Hluas

Cov Kev Pab rau cov Neeg Laus

Lub Xeev California Tus Xov Tooj Qhia Kev Paub Rau Cov Laus Uas Muaj Noob Nyoog Siab thiab Cov Neeg Laus yuav pab txuas koj mus rau Cov Koom Haum Hauv Zej Zog Uas Muab Kev Pab rau Cov Neeg Laus (Area Agencies of Aging). Hu rau 800-510-2020 (tsuas yog hais ua lus Askiv thiab lus Mev). Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 7-1-1).
Lub Chaw Haujlwm Saib Xyuas Cov Neeg Laus ntawm California muaj ib daim ntawv teev cov COVID-19 Cov Kev Pab.