California Cov Kev Pab Cuam Kho Menyuam Yaus (CCS) Qhov Kev Npaj Kho Mob Rau Cov Menyaum Yaus

Lub Alliance pab nrog kev tswj xyuas kev kho mob thiab kev pab saib xyuas kev kho mob los txhawb nqa thiab txhim kho kev saib xyuas kho mob thoob plaws rau cov menyuam yaus uas yog ib feem ntawm txoj kev pab cuam WCM. Cov neeg ua haujlwm ntawm lub Alliance tuaj yeem pab cov tsev neeg ncuv npe nkag hauv CCS los ntawm:

• Kev qhia rau lawv txog qhov kev siv thiab them nyiaj li cas rau kev kho mob thiab cov kev pab cuam dhau ntawm Qhov Kev Npaj Kho Mob Rau Cov Menyaum Yaus.
• Piav qhia txog lawv tus menyuam cov kev mob thiab muab kev pab xa mus rau cov kws pab kho mob tshwj xeeb uas yuav pab kho tau tus mob.
• Pab cov tsev neeg thov rau cov kev pab cuam rau zej zog xws li Nyiaj Pab Rau Cov Neeg Uas Tsis Taus (Supplemental Security Income; SSI, raws li sau hauv lus Askiv), cov nyiaj pab yuav zaub mov, cov kev pab cuam tsev nyob thiab lwm cov kev pab cuam kho mob.
• Pab cov tsev neeg daws lawv cov kev txhawj xeeb lossis cov kev tsis txaus siab txog lawv tus menyuam li kev kho mob.
• Pab cov tsev neeg siv cov kev pab cuam thiab ua ntawv thov rov txiav txim dua yog tias lawv tus menyuam tsis tau txais kev pom zoo rau kev saib xyuas kho mob.

Cov me nyuam yaus uas muaj noob nyoog yau dua 21 xyoos uas muaj cov kev xav tau txog kev saib xyuas kev noj qab haus huv tshwj xeeb uas yuav tsum tau txais kev kho nrog cov tshuaj, kev phais mob lossis kev rov kho kom zoo tuaj. Txoj kev pab cuam CCS ntawm lub cheeb nroog txiav txim siab txog tias leej twg thiaj tsim nyog tau txais rau CCS.

Piv txwv ntawm CCS kev tsim nyog muaj xws li cov mob ntev xws li:

• Cov hom mob ua hnoog qeev rau hauv lub ntsws.
• Cov ntshav tsis khov vim tsis muaj qhov tsis txaus ntawm cov ntshav txhaws.
• Cov teeb meem uas cuam tshuam rau kev txav, leeg nqaij, sib npaug, thiab lub cev.
• Cov kab mob rau lub plawv.
• Tus kab mob khees xaws.
• Kev raug mob.
• Cov kab mob sib kis ua rau cov kab mob loj. Sequelae yog qhov tshwm sim ntawm tus kab mob, kev mob lossis raug mob tom qab nws tshwm sim.

Yog tias koj xav tias koj tus me nyuam yuav tuaj yeem tsim nyog tau txais, tiv tauj rau pab pawg Tswj Hwm Kev Saib Xyuas ntawm lub Alliance tau ntawm 800-700-3874, ext. 5512. Peb pab pawg koom muaj cov kws tu neeg mob, cov neeg ua hauj lwm rau zej tsoom thiab cov neeg koom tes rau kev saib xyuas los pab koj tus me nyuam nrog kev tswj hwm qhov xwm txheej thiab kev koom tes saib xyuas.

Koj kuj tuaj yeem nug koj tus kws kho mob xa koj mus rau txoj kev pab kho mob CCS hauv koj lub cheeb nroog, lossis koj tuaj yeem mus xyuas hauv koj cheeb nroog lub vev xaib (website) los kawm paub txog qhov los ua koj qhov kev xa mus ntawm koj tus kheej tau li cas:

• Cheeb Nroog Mariposa 
• Cheeb Nroog Merced
• Cheeb Nroog Monterey
• Cheeb Nroog San Benito
• Cheeb Nroog Santa Cruz

Yog tias koj tus menyuam tsim nyog rau CCS Whole Child Model program, koj tus kws kho mob yuav kho lawv rau lawv cov kev xav tau kev kho mob tshwj xeeb. Koj kuj tseem yuav tau muab ib pab neeg saib xyuas kev kho mob tshwj xeeb rau koj kom paub tseeb tias koj tus menyuam tau txais kev kho mob uas lawv xav tau.

Txoj kev pab cuam Qhov Kev Npaj Kho Mob Rau Cov Menyaum Yaus ntawm CCS tuaj yeem pab them rau cov kev pab cuam thiab cov kev kho mob yog tias lawv tsim nyog rau fab kev kho mob. Qee cov kev piv txwv suav nrog:

• Cov kev mus ntsib kws kho mob thiab cov kws kho mob tshwj xeeb.
• Cov kev mus pw hauv tsev kho mob loj.
• Cov Kev Pabcuam Txhawb Nqa Hauv Tsev (IHSS).
• Cov khoom siv ntaub pua.
• Cov kev kuaj mob thiab cov kev xoos fais fab.
• Cov khoom siv kho mob, xws li cov laub thauj neeg mob thiab cov khoom ntsaws pob ntseg kom hnov lus.
• Tshuaj noj.
• Cov khoom siv kho mob.
• Cov kev pab kho mob fab kev puass siab puas ntsws.
• Cov khoom pab txheem.
• Kev kho mob lub cev, kho kom ua tau haujlwm thiab kev pab hais lus.
• Cov kev phais mob.

Qhov Kev Npaj Kho Mob Rau Cov Menyaum Yaus ntawm CCS yog ib feem ntawm txoj kev pab cuam ntawm Medi-Cal ntawm lub Alliance. Tsis muaj tus nqi ntxiv. Yog tias koj tus me nyuam tau txais kev pab them hauv Medi-Cal, lub Alliance yuav them rau cov kev pab cuam uas koj tus menyuam xav tau, txawm hais tias koj tus menyuam tsis tsim nyog tau txais rau Qhov Kev Npaj Kho Mob Rau Cov Menyaum Yaus ntawm CCS.

Nov yog phau ntawv qhia rau cov tsev neeg uas muaj menyuam yaus uas muaj kev xav tau tshwj xeeb. Phau ntawv qhia no qhia cov ntaub ntawv tiv tauj rau cov chaw uas tuaj yeem pab koj thiab koj tus menyuam tau txais kev txhawb nqa uas koj xav tau.

Cheeb Nroog Mariposa

• Askiv
• Mev

Cheeb Nroog Merced

• Askiv
• Hmoob
• Mev

Cheeb Nroog Monterey

• Askiv
• Mev

Cheeb Nroog San Benito

• Askiv
• Mev

Cheeb Nroog Santa Cruz

• Askiv
• Mev

Thaum cov menyuam yaus hauv txoj kev pab cuam Qhov Kev Npaj Kho Mob Rau Cov Menyaum Yaus ntawm CCS muaj 21 xyoos, lawv tsis tau txais kev pab them los ntawm CCS ntxiv lawm. Hloov mus rau qhov lawv tuaj yeem txais lawv qhov kev pab them rau kev noj qab haus huv dhau ntawm qhov phiaj xwm Medi-Cal ntawm lub Alliance. Qhov kev hloov pauv no hu ua kev npaj phiaj xwm kev hloov chaw. Kev npaj phiaj xwm kev hloov chaw pab cov hluas noob nyoog 18-21 los:

• Kawm paub cov kev pab hauv lub neej thiab hauv zej zoj los nyob yam ywj pheej.
• Tsim ib qhov kev npaj nrog tsev neeg thiab lwm cov neeg uas ntseeg siab.
• Tsom rau lawv cov kev txaus siab thiab npaj rau lub neej yav tom ntej.
• Hloov los ntawm kev saib xyuas kev noj qab haus huv ntawm rau menyuam yaus mus rau kev saib xyuas kev noj qab haus huv rau neeg laus.

Kev npaj kev hloov tuaj yeem pab cov hluas nrog kev teeb thiab mus cuag lawv cov hom phiaj ntawm:

• Kev saib xyuas kev noj qab haus huv.
• Kev kawm tom qab-kev tawm tiav tsev kawm theem siab.
• Kev xyaum txog kev ua haujlwm thiab kev kawm los ua haujlwm.
• Kev nrhiav txoj haujlwm.
• Koom hauv cov haujlwm hauv zej zog.
• Nyob ib yam li yog ib tug neeg laus.
• Lwm cov kev pab cuam txhawb nqa nyob ntawm koj yuav tsum tau.

Rau kev pab nrog kev npaj kev hloov, tiv hu rau peb pab pawg Tswj Xyuas Kev Tu Xyuas ntawm 800-700-3874, ext. 5512.

Lub WCMFAC yog ib pawg neeg pab tswv yim rau lub Alliance uas muab cov tswv yim thiab cov lus qhia txog cov cai thiab cov teeb meem uas cuam tshuam rau cov menyuam yaus thiab lawv tsev neeg uas tau txais kev pab los ntawm Alliance's Whole Child Model (WCM). Pawg neeg no muaj cov neeg sawv cev ntawm cov tswv cuab WCM thiab cov chaw zov menyuam.

Cov rooj sib tham WCMFAC sib ntsib los ntawm kev sib tham video ib zaug txhua peb lub hlis (plaub zaug hauv ib xyoos). Cov rooj sib tham yuav muaj nyob rau hnub Monday tav su thiab kav ntev li 90 feeb.

Yog tias koj xav tuaj koom hauv pab pawg, ua kom tiav daim ntawv thov hauv ooslais los yog xa email rau tus neeg saib xyuas WCMFAC ntawm [email protected] los yog hu rau lub Alliance ntawm 800-700-3874 kom paub ntxiv. Tsab email no tsuas yog saib xyuas rau cov ncauj lus WCMFAC xwb.