Ua ib Daim Ntawv Hais Kev Tsis Txaus Siab

Yog tias koj tsis txaus siab nrog ib tus kws muab kev pab kho mob lossis lub chaw kho mob, nws zoo tshaj yog tias koj nrog lawv tham ua ntej. Qhia rau ib tus neeg hauv lub chav ua haujlwm paub txog yam tshwm sim sai li sai tau. Hais kom nws los pab kho qhov teeb meem ntawd. Lub Alliance yuav nyob ntawm no los pab koj, yog li ntawd thov hu rau peb yog xav tau kev pab.

Yog tias koj tsis txaus siab rau qhov kev pab kho mob uas koj tau txais nyob hauv ib lub tsev kho mob loj lossis lwm qhov chaw, koj tuaj yeem thov kom tham nrog ib tus neeg kws tu neeg mob, tus neeg ua haujlwm pab cuam neeg zej zog lossis tus neeg sawv cev rau cov neeg mob. Tom qab ntawd, hu rau lub Alliance es peb thiaj tuaj yeem pab tau koj.

Yog tias koj tau txais ib daim nqi kho mob uas raug pab them los ntawm lub Alliance, hu rau tus xov tooj ntawm lub tuam tsev them nqi uas nyob rau ntawm daim ntawv. Qhia rau lawv paub tias koj muaj lub Alliance raws li koj qhov kev fajseeb kho mob thiab hais kom lawv xa ib qho kev thov rau yam kev pab kho mob ua lawv tau muab rau koj tuaj ncaj qha rau peb. Tom qab ntawd, hu rau peb tam sim ntawd. Qhia peb tus nqi, hnub time uas tau txais kev pab kho mob thiab vim li cas koj thiaj li txais tus nqi yog li ntawm peb thiaj li pab tau koj.

Tsis muaj sijhawm txwv rau kev xa daim ntawv tsis txaus siab, tab sis peb xav kom koj xa daim ntawv ze rau hnub uas koj txhawj xeeb. Yog tias Lub Koom Haum tsis kam lees koj qhov kev pabcuam uas tau thov thiab koj tsis pom zoo nrog qhov kev txiav txim siab no koj tuaj yeem xa daim ntawv thov rov hais dua. Daim ntawv thov rov hais dua muaj sijhawm txwv thiab yuav tsum xa tsis pub dhau 60 hnub txij li hnub uas tau txiav txim siab.

Muaj ntau txoj kev los sau ntawv yws los sis daim ntawv tsis txaus siab.

• Hu xov tooj: Hu Rau Lub Chaw Pab Cuam Tswvcuab. Muab rau peb koj tus lej Alliance ID, koj lub npe thiab qhia tias vim li cas koj tsis txaus siab.
• Los ntawm sau ntawv:
  1. Rub tawm lossis thov rau ib daim ntawv foos thov hais kev tsis txaus siab. Yog tias koj yog ib tus Medi-Cal tswvcuab koj tuaj yeem rub tawm thiab sau tiav Medi-Cal Tswvcuab Daim Ntawv Foos Thov Hais Kev Tsis Txaus Siab thiab Kev Thov Kom Rov Qab Txiav Txim Dua. Yog tias koj yog ib tus IHSS tswvcuab, koj tuaj yeem rub tawm thiab sau tiav IHSS Tswvcuab Daim Ntawv Foos Thov Hais Kev Tsis Txaus Siab thaib Kev Thov Kom Rov Qab Txiav Txim Dua. Koj tuaj yeem hu tau rau Lub Chaw Pab Cuam Tswvcuab los thov kom lawv xa ib daim ntawv foos tuaj rau koj, lossis koj tuaj yeem thov ib daim ntawv foos los ntawm koj tus kws kho mob.
  2. Sau tiav daim ntawv foos thov hais kev tsis txaus siab.
  3. Xa daim ntawv foos mus rau:
     Lub Tsev Tsis Txaus Siab
     1600 Green Hills Road, Suite 101
     Scotts Valley, CA 95066, Tebchaws Asmeskas

• Saum oos lais (online): Sau tiav hauv oos lais (online) Daim Ntawv Ua Hais Kev Tsis Txaus Siab.
• Tim Ntsej Tim Muag: Mus rau peb lub chav haujlwm los tham tim ntsej tim muag nrog ib tus neeg sawv cev txog koj li kev tsis txaus siab.
• Tus Kws Kho Mob Lub Chaw Haujwm: Koj tuaj yeem ua ib qho kev hais kev tsis txaus siab ncaj qha nrog rau koj tus kws kho mob lub chaw haujlwm.

Kev pab txhais lus muaj thaum koj ua ib daim ntawv hais kev tsis txaus siab lossis thov kom rov hais dua.

Yog koj xav tau lub pab qhia ntxiv txog kev ua ib daim ntawv hais kev tsis txaus siab vim tau raug kev cais, mus rub tawm peb Daim Ntawv Tshaj Xo Txog Kev Tsis Cais.

Yog koj xav tau lub pab qhia ntxiv txog yuav txais tau kev pab li cas hauv koj hom lus, mus xyuas peb cov lus qhia txog kev pab txhais lus.

Koj tuaj yeem thov rau ib qhov kev tshuaj xyuas sai, lossis tshuaj xyuas sai-sai, yog koj xav tias lub Alliance tsis kam rau ib qho kev thov uas yog ib qho xwmtxheej ceev lossis yuav ua ib qho kev mob loj heev rau koj li kev noj qab haus huv. Qhov no tuaj yeem suav nrog, tab sis tsis txwv rau, kev mob hnyav, kev ua kom lub neej ploj, kev mob nqaj lossis lub cev ntaj ntsug. Yog tias koj qhov kev hais kev tsis txaus siab tsim nyog, peb yuav daws nws tsis pub dhau 72 teev txij thaum tau txais.

Tsis pub dhau 5 hnub tom qab tau txais koj daim ntawv tsis txaus siab, peb yuav xa ib tsab ntawv rau koj qhia rau koj paub tias peb tau txais nws. Ib tug neeg ua haujlwm ntawm Alliance los ntawm peb Chav Saib Xyuas Kev Tsis Txaus Siab yuav tshawb xyuas koj qhov teeb meem. Ib tug neeg ua haujlwm ntawm Kev Tsis Txaus Siab yuav tiv tauj koj kom sau cov ntaub ntawv ntxiv txog koj qhov kev txhawj xeeb. Tsis pub dhau 30 hnub, peb yuav xa ib tsab ntawv ntxiv rau koj uas qhia rau koj tias peb tau daws koj qhov teeb meem li cas. Yog xav nug txog qhov xwm txheej ntawm daim ntawv tsis txaus siab uas twb muaj lawm, thov hu rau peb kom tham nrog ib tug neeg ua haujlwm ntawm Kev Tsis Txaus Siab.

Yog koj xav tias lub Alliance lossis tus kws kho mob tsis hwm koj txoj kev tsis pub lwm tus paub txog koj, koj muaj cai sau ib daim ntawv hais kev tsis txaus siab mus rau Lub Tuam Tsev Haujlwm Saib Xyuas Kev Noj Qab Haus Huv thiab Kev Pab Pej Xeem (Department of Health and Human Services) rau lub sijhawm twg los ntawm kev tiv tauj rau:

Department of Health thiab Human Services
Office of Civil Rights
200 Independence Avenue SW
Room 509F, HHH Building
Washington, DC, 20201

Kev Ntsuam Xyuas Kev Ncaj Ncees Qib Xeev

Yog tias koj tsis txaus siab rau qhov kev txiav txim siab ntawm kev thov rov hais dua txog kev txiav txim siab txog kev pab lossis kev pabcuam, koj tuaj yeem xa daim ntawv thov kom rov hais dua. Kev Thov Rov Hais Dua yog thaum ib tug tswv cuab ntawm Medi-Cal thov tus kws txiav txim plaub ntug kev cai lij choj (ALJ) los ntawm California Department of Social Services (CDSS) los tshuaj xyuas qhov kev txiav txim siab ntawm Alliance.

Lub Alliance tus neeg ua hauj lwm saib xyuas Kev Tsis Txaus Siab tuaj yeem pab koj sau daim ntawv Sib Hais Qib Xeev nrog CDSS. Koj los kuj tuaj yeem sau tau daim ntawv Kev Sib Hais Qib Xeev ncaj nraim los ntawm siv ib ntawm cov hauv kev hauv qab no:

• Hu xov tooj: Hu 800-743-8525 (TTY: 800-952-8349).
• Los ntawm sau ntawv:
  California Department of Social Services
  Lub Xeev Lub Rooj Sib Hais
  PO Box 944243, Chaw Xa Ntawv 9-17-37
  Sacramento, CA 94244-2430
• Thov rau kev sib hais hauv oos lais hauv CDSS lub website.

Lub Xeev Lub Tuam Tsev Haujlwm Pab Daws Teeb Meeb (State Office of the Ombudsman) yuav pab Medi-Cal cov tswvcuab uas muaj teebmeem nrog lawv txoj kev npaj kho mob. Koj tuaj yeem hu rau lawv tus xov tooj hu dawb ntawm 888-452-8609, hnub Monday-Friday thaum 8 a.m. txog 5 pm.

IHSS cov tswv cuab los kuj txuas lus tau nrog lub California Lub Tuam Tsev Tswj Kev Pab Kho Mob (California Department of Managed Health Care).