Cov Lus Nquag Nug

Medi-Cal yog California lub khoos kas saib xyuas kev noj qab haus huv Medicaid. Nws muab kev pab them fab kev kho mob raws li tsim nyog uas tsis xam nqi los sis tus nqi qis..Txhawm rau kom tau txais Medi-Cal, koj yuav tsum ua kom tau raws li qee cov cai teeb tseg txog kev muaj cai tau txais.

Cov txiaj ntsig Medi-Cal uas muaj tag nrho suav nrog:

• Cov kev pab cuam kho neeg mob uas tsis tau pw hauv tsev kho mob (neeg mob sab nrauv).
• Kev kho mob xwm txheej ceev.
• Pw hauv tsev kho mob.
• Kev saib xyuas leej niam thiab tus me nyuam mos yug tshiab.
• Cov kev pab cuam kho kev noj qab haus huv fab siab ntsws thiab kev quav yeeb quav tshuaj (Substance Use Disorder, SUD, raws li sau hauv lus Askiv), uas suav nrog kev kho kev noj qab haus huv fab kev coj cwj pwm.
• Cov tshuaj kho mob raws li daim ntawv sau yuav tshuaj.
• Cov khoos kas xws li kev kho mob fab lub cev thiab kev ua hauj lwm (tau hu ua cov kev pab cuam txhim kho kom rov zoo li qub thiab txhim kho kev txawj) thiab cov cuab yeej.
• Cov kev pab cuam hauv chav ntsuam xyuas kab mob.
• Kev pov thaiv thiab saib xyuas kev noj qab nyob zoo thiab kev tswj xyuas tus kab mob uas tsis txawj zoo tu qab.
• Cov me nyuam yaus (kev kho mob me nyuam yaus) cov kev pab cuam, uas suav nrog kev saib xyuas kho qhov ncauj thiab qhov muag pom kev.
• Kev Kho Hniav thiab Qhov Muag.
• Cov Kev Pab Txhawb Nqa Hauv Tsev.

Feem ntau lawm cov neeg uas muaj Medi-Cal ces tau txais cov txiaj ntsig thiab cov kev pab cuam los ntawm lub phiaj xwm saib xyuas kev noj qab haus huv uas raug tswj. Tej zaum kuj yuav muab qee cov khoos kas los ntawm Medi-Cal Nqi-rau-Kev Pab Cuam.

Central California Alliance for Health (lub Alliance) yog ib txoj kev npaj kho mob uas tswj hwm. Peb muaj peb txoj kev npaj: Medi-Cal, TotalCare (HMO D-SNP) thiab Cov Kev Pab Saib Xyuas Mob Nkeej Rau Tom Tsev (IHSS). Lub Alliance ua haujlwm nrog Lub Xeev California los muab kev pab them nqi kho mob rau cov neeg uas nyob hauv Mariposa, Merced, Monterey, San Benito thiab Santa Cruz counties. Peb pab cov tswv cuab pib nrog lawv txoj kev npaj pov hwm kho mob, teb cov lus nug txog lawv txoj kev kho mob thiab kawm paub yuav ua li cas kom noj qab nyob zoo. Peb mob siab txog peb cov tswv cuab! Koj tuaj yeem kawm paub ntau ntxiv txog Lub Alliance ntawm peb Txog Peb nplooj ntawv.

Medi-Cal muaj rau cov neeg uas ua tau raws li cov cai tsim nyog. Yog xav paub ntxiv txog Medi-Cal lossis xav paub seb koj puas tsim nyog rau qhov kev pov hwm kev noj qab haus huv no, hu rau koj lub nroog chaw ua haujlwm lossis mus saib Lub vas sab BenefitsCal.

Koj kuj siv tau qhov Cov cuab yeej online ntawm Lub Chaw Haujlwm Saib Xyuas Kev Noj Qab Haus Huv ntawm California (DHCS) kom paub tseeb tias koj puas tsim nyog tau txais kev pab. Nws yooj yim thiab ceev! Nco ntsoov tias koj yuav tsum sau daim ntawv thov Medi-Cal kom tiav kom paub tseeb.

Cov chaw ua haujlwm Medi-Cal hauv nroog

• Cheeb Nroog Mariposa
  Health & Human Services Agency
  209-966-2000
  800-266-3609
• Cheeb Nroog Merced
  Lub Chaw Ua Haujlwm Muab Kev Pab Rau Cov Pej Xeem
  209-385-3000
  855-421-6770
• Cheeb Nroog Monterey
  Lub Tuam Tsev Ua Haujlwm Muab Kev Pab Cuam
  877-410-8823
• Cheeb Nroog San Benito
  Lub Chaw Haujlwm Saib Xyuas Kev Noj Qab Haus Huv thiab Tib Neeg, Kev Pabcuam rau Pej Xeem
  831-636-4180
• Cheeb Nroog Santa Cruz
  Lub Tuam Tsev Ua Haujlwm Muab Kev Pab Rau Cov Pej Xeem
  888-421-8080

Hais txog tus Xov Tooj Pab Cov Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).

Alliance Kev Saib Xyuas Cov Kev Pab Saib Xyuas (In-Home Support Services; IHSS, raws li sau hauv lus Askiv) yog ib qho kev npaj kho mob rau cov tib neeg uas muab cov kev pab cuam txhawb nqa nyob rau hauv tsev uas nyob rau lub Cheeb Nroog Monterey. Qhov kev npaj kho mob yuav muab cov kev pab them rau cov neeg uas tsim nyog tau txais uas muaj npe nrog rau Lub Cheeb Nroog Monterey Lub Chaw Tso Cai Cov Kev Pabc Cuam Saib Xyuas Pej Xeem rau Kev Txhawb Hauv Tsev (Public Authority for In-Home Supportive Services) [lub Chaw Tso Cai Cov Kev Pab Cuam Saib Xyuas Pej Xeem (Public Authority; raws li sau hauv lub Askiv)].

Kom nkag hauv lub Alliance Kev Saib Xyuas Cov Kev Pab Saib Xyuas Mob Nkeeg Rau Tom Tsev (In-Home Support Services; IHSS, raws li sau hauv lus Askiv) koj yuav tsum ua raws li txhua yam thiaj li tsim nyog tau txais. Qhov no txhais hais tias koj yuav:

• Ua raws li cov cai rau cov kev ua haujlwm uas tsim los ntawm lub Chaw Tso Cai Cov Kev Pab Cuam Saib Xyuas Pej Xeem (Public Authority, raws li sau hauv lub Askiv).
• Nyob lossis ua haujlwm rau hauv lub Cheeb Nroog Monterey.
• Tsis tau raug muab tshem tawm ua ntej los ntawm Central California Alliance for Health (lub Alliance) vim kev dag, kev dag ntxias lossis kev ua tsis tiav ntaub ntawv.

Kawm ntxiv rau ntawm peb nplooj ntawv Alliance Care IHSS.

Lus Cim: Yog tias koj tab tom nrhiav kev pab txhawb nqa hauv tsev (IHSS), qhov no txawv ntawm Alliance Care IHSS txoj kev npaj kho mob. Yog xav paub ntxiv txog kev tau txais kev pab txhawb nqa hauv tsev hauv koj lub nroog, mus rau ntawm Lub vas sab hauv internet ntawm California Lub Chaw Haujlwm Saib Xyuas Kev Pabcuam Zej Zog.

Yog koj tsiv teb tsaws chaw lossis hloov koj tus xov tooj, koj yuav tsum tiv tauj lub Alliance thiab koj lub nroog chaw ua haujlwm Medi-Cal. Yog xav qhia rau lub Alliance, siv daim foos Hloov Kho Cov Ntaub Ntawv Tus Kheej lossis hu rau Cov Kev Pabcuam rau Cov Tswv Cuab ntawm lub Alliance. Siv cov lej hauv qab no los tiv tauj lub nroog chaw ua haujlwm Medi-Cal: