Daim Ntawv Ceeb Toom Txog Kev Txwv Tsis Pub Lwm Tus Paub Txog

• Koj thov tau los saib lossis txais ib daim luam txog koj cov kev noj qab haus huv thiab cov nqi kho mob thiab lwm yam ntaub ntawv kuaj mob nkeeg uas peb muaj txog koj. Nug peb seb yuav ua qhov no tau li cas.
• Peb mam li xa ib daim luam uas qhia txog koj cov kev noj qab haus huv thiab cov nqi kho mob, feem ntau tsis pub dhau 30 hnub ntawm hnub uas koj tau thov. Tej zaum peb yuav tsub ib tug nqi raws qhov tsim nyog.
• Peb hais tau tias peb "tsis kam" rau qhov koj kev thov rau tej yam ntaub ntawv, xws li cov ntawv sau tseg txog kev kho puas siab puas ntsws lossis tej yam lus qhia los siv rau cov rooj lus sib foob, txhaum plaub lossis kev txiav txim. Yog tias peb tsis pom zoo rau koj lo lus thov, peb mam li sau ntawv tuaj qhia rau koj tias vim li cas.
• Koj muaj txoj cai los hais kom ib tug kws muaj laisxees kho mob los muab daim ntawv tsis pom zoo los xyuas. Peb mam li qhia seb koj puas muaj txoj cai no los siv.

• Koj nug tau kom peb kho koj cov ntaub ntawv kuaj mob nkeeg thiab cov nqi kho mob yog koj xav tias nws tsis raug lossis tsis tiav. Koj yuav tsum sau ua ntawv thov. Nug peb seb yuav ua qhov no tau li cas.
• Peb hais tau tias peb "tsis kam" rau qhov koj kev thov, tiamsis peb mam li sau ntawv tuaj qhia rau koj tsis pub dhau 60 hnub.
• Yog tias peb tsis pom zoo rau qhov koj thov, koj muaj txoj cai xa koj cov lus tuaj los muab tso ua ke rau hauv koj cov ntaub ntawv.

• Koj thov tau kom peb siv ib txoj hauv kev tshwj xeeb los txuas lus nrog koj (piv txwv tias, kom peb hu rau koj tus xov tooj hauv tsev lossis tom chaw ua haujlwm) lossis xa ntawv mus rau lwm qhov chaw nyob. Nug peb seb yuav ua qhov no tau li cas.
• Peb mam li ua raws li cov kev thov uas tsim nyog ua tau, thiab peb mam li hais tias "kam" yog tias koj qhia rau peb tias nws yuav phom sij rau koj yog tias peb tsis ua raws li koj hais.

• Koj thov tau kom peb tsis txhob siv lossis qhia txog cov ntaub ntawv kuaj mob nkeeg thaum koj mus kho mob, thaum peb them nqi lossis thaum peb khiav haujlwm. not to use or share certain health information
• Peb tsis thas ua raws li qhov koj tau thov, thiab tej zaum peb yuav hais tias "tsis kam" yog tias nws yuav cuam tshuam koj li kev kho mob.
• Peb yuav tsum pom zoo ua raws li qhov koj tau thov, yog tias koj nug kom peb tsis txhob qhia tej yam dabtsi nrog ib qho kev npaj kho mob yog tias koj lossis lwm tus neeg, uas tsis yog qhov kev npaj kho mob, tau them rau txoj kev kho mob tagnrho thiab thaum txoj cai tsis tso cai kom qhia.

• Koj thov tau rau daim ntawv teev tseg (teev txhua yam) txog cov sijhawm uas peb tau qhia tej yam txog koj cov kev kho mob mus txog li rau xyoo ua ntej lub hnub tim uas koj tau thov, seb peb qhia rau leej twg, thiab vim li cas.
• Peb yuav muab tag nrho cov lus qhia tiam sis peb yuav tsis muab cov uas qhia txog koj cov kev kho mob, cov kev them nqi, thiab cov kev pab kho mob, thiab lwm cov lus qhia (xws li tej co uas koj hais kom peb muab, lossis cov uas raug yuav tsum tau qhia los ntawm kev cai lij choj). Peb pub koj txais cov ntawv ntawd uas teev txhua yam mus txog ib xyoos pub dawb tiam sis tej zaum yuav tsub tus nqi raws qhov tsim nyog yog tias koj xav tau ib co ntxiv ua ntej 12 lub hlis tsis tau dhau.

• Koj thov tau rau lub sijhawm thaum twg los tau rau daim luam txog daim ntawv ntawm no, txawm tias koj twb pom zoo txais daim ntawv no uas siv Internet xa los tsis ua li cas. Peb mam li muab ib daim luam rau koj kom sai.
• Koj kuj nrhiav tau daim ntawv ceeb toom no hauv peb lub website ntawm
  https://thealliance.health/

• Yog tias koj tau tso cai rau ib tug neeg los muaj cai sawv cev tam koj thaum txiav txim siab txog tej kev kho mob (medical power of attorney), lossis yog tias koj muaj ib tug neeg uas muaj cai saib xyuas koj, lossis yog tias koj tau sau ntawv tso cai rau peb los sawv cev rau koj, tus neeg ntawd yuav siv tau koj cov cai thiab txiav txim tau rau koj cov ntaub ntawv kuaj mob nkeeg.
• Peb yuav saib xyuas kom tus neeg ntawd muaj kev tso cai raws li nov thiab los sawv cev tau rau koj ua ntej peb txiav txim dab tsi.

• Koj tuaj yeem uas ib qho kev tsis txaus siab yog tias koj xav tias koj cov cai raug ua txhaum thiab koj hu tau rau peb ntawm cov lus qhia nyob rau hauv nqe lus ua sau tias “Peb Cov Luag Haujlwm” ntawm nplooj ntawv 5 hauv tsab ntawv ceeb toom no.

• Koj kuj tuaj yeem sau tau daim ntawv tsis txaus siab mus rau Lub Tuam Tsev Haujlwm Saib Xyuas Cov Kev Pab Kho Mob (Department of Health Care Services; DHCS, raws li sau hauv lus Askiv), thiab Teb Chaws MekasLub Tuam Tsev Haujlwm Saib Xyuas Kev Noj Qab Haus Huv thiab Kev Pab Pej Xeem Lub Chav Ua Haujlwm Saib Xyuas Pej Xeem Cov Cai (U.S. Department of Health and Human Services Office for Civil Rights).

Nyob rau qhov uas koj tuaj yeem qhia rau peb txog koj cov kev xaiv txog ntawm qhov peb qhia tawm, koj muaj cai los qhia peb kom:

Qhia tej yam txog koj thaum muaj tej yam kev phem loj heev uas raug lub ntiaj teb.

Txuas lus nrog koj thaum muaj tej yam kev thov sau nyiaj pab.

Yog tias koj qhia tsis tau rau peb tias koj nyiam li cas, piv txwv tias koj tsis meej pem lawm, peb yuav qhia tej yam txog koj yog tias peb ntseeg tias nws yuav yog qhov koj xav tau. Tej zaum peb yuav qhia tawm koj cov ntaub ntawv thaum nws yuav tsim nyog los pab txo ib qho mob hnyav thiab kho koj txoj kev noj qab haus huv lossis kev nyab xeeb.

Nyob rau cov kev no, peb yuav tsis qhia koj cov ntaub ntawv tshwj tsis yog tias koj tau sau ntawv tso cai rau peb:

Muag tej yam lus qhia txog koj.

Tej yam lus uas tau sau txog koj txoj kev kho tswv yim puas siab puas ntsws.

Cov ntaub ntawv qhia txog koj txoj kev kho los pab txiav txoj kev siv yeeb tshuaj.

Pab tswj xyuas txoj kev kho mob uas koj txais

• Peb siv tau koj cov ntaub ntawv kuaj mob nkeeg thiab muab qhia tawm rau cov kws txawj kho mob uas tab tom pab koj.

• Peb siv thiab qhia tawm tau tej yam txog koj los pab khiav peb lub koos haum thiab tiv tauj tau rau koj thaum twg tias peb yuav tsum tau.

• Peb siv thiab qhia tau tej yam txog koj rau cov neeg muaj daim ntawv cog lus ua haujlwm ua ke nrog peb (Cov Lag Luam Ua Haujlwm Ua Ke Nrog Peb) uas pab peb khiav tej yam dej num. Lawv yuav tsum kos npe rau daim ntawv cog lus tias lawv yuav khaws tej yam txog koj kom zoo tsis pub qhia tawm rau lwm tus ua ntej peb yuav qhia tej yam rau lawv.

• Peb yuav tsis tso cai siv cov ntaub ntawv txog koj caj ces los txiav txim seb peb puas kam pab them rau koj cov nqi kho mob thiab tus nqi rau qhov pab them ntawd.

Piv txwm: Peb qhia koj lub npe thiab chaw nyob rau lub chaw haujlwm uas muaj daim ntawv cog lus los luam tawm thiab xa peb cov npav rau peb cov tswvcuab.

Them rau koj cov kev pab kho mob

• Peb siv thiab qhia tawm txog tej yam txog koj cov kev kho mob thaum peb them rau koj cov kev pab kho mob.

• Peb yuav qhia tawm koj cov ntaub ntawv kuaj mob nkeeg rau cov neeg pab txhawb qhov kev npaj kho mob los saib xyuas qho kev npaj kho mob.

Pab pej xeem cov teeb meem txog kev noj qab haus huv thiab kev nyab xeeb

• Peb tuaj yeem muab cov ntaub ntawv kuaj mob nkeeg uas hais txog koj los qhia tawm rau tej kev kho mob zoo li no:

  • Los pab tiv thaiv kab mob

  • Pab muab khoom siv kho mob xa rov qab vim tsis nyab xeeb

  • Qhia txog tej yam kev mob uas tshwm sim vim cov tshuaj

  • Qhia txog kev tsim txom, kev tsis saib xyuas, lossis kev sib ntaus sib ceg hauv tsev

  • Kev tiv thaiv lossis pab txo ib qho teeb meem loj rau txhua leej txoj kev noj qab haus huv lossis kev nyab xeeb.

Kev Sib Pauv Ntaub Ntawv Kuaj Mob Nkeeg (Health Information Exchange; HIE, raws li sau hauv lus Askiv))

• Peb koom nyob rau hauv ib txoj kev sib pauv ntaub ntawv kuaj mob nkeeg (HIEs, raws li sau hauv lus Askiv), uas yog ib qho kev tso cai rau cov kws kho mob muab kev pab cuam kho mob los pab saib xyuas thiab mus muab tau cov ntaub ntawv uas qhia txog peb cov tswvcuab kom nrawm zog. Cov kev HIEs los kuj tuaj yeem pab tau cov kws kho mob thiab cov chaw ua haujlwm pab saib xyuas kev noj qab haus huv rau pej xeem kom:

  • cov kev txiav txim siab muaj kev paub ntau ntxiv;

  • tsis tau mus txais ib yam kev kho mob tshaj ib zaug (xws li cov kev ntsuam xyuas); thiab,

  • txo tej yam yuam kev kho mob thaum mus kho mob.

• Yog tias koj tsis xav kom peb qhia tawm koj cov ntaub ntawv kuaj mob nkeeg rau txoj hauv kev no, thov ceeb toom rau peb uas yog sau kom tiav Daim Foos Rho Npe Tawm Ntawm HIE Rau Tus Tswvcuab rau Ntaub Ntawv Kuaj Mob Keeg Txwv Tsis Pub Qhia Tawm Yog Tsis Tau Kev Tso Cai (Personal Health Information; PHI, raws li sau hauv lus Askiv).

Ua kev tshawb fawb

• Peb siv tau lossis qhia tau tej yam txog koj rau cov kev tshawb fawb kho mob los tau.

Ua raws li tsab cai hais

• Peb yuav qhia tej yam txog koj yog tias lub xeev lossis tsoom fwv teb chaws cov cai hais kom peb qhia, nrog rau lub Lub Tuam Tsev Haujlwm Saib Xyuas Kev Noj Qab Haus Huv thiab Kev Pab Pej Xeem yog tias lawv xav pom tias peb yeej ua raws li tsoom fwv teb chaws txoj cai uas txwv tsis pub qhia lwm tus.

Teb cov kev thov rau tej  yam nruab hauv ib ce thiab cov ntsig nqaij thiab los koom tes nrog ib tug  kws kuaj ib ce lossis tus thawj coj rau lub tsev pam tuag

• Peb qhia tau tej yam tau txog koj rau cov chaw ua haujlwm saib xyuas kev txais tej yam nruab hauv lub cev.

• Peb qhia tau tej yam txog koj txoj kev kho mob rau tus neeg tu cev thaum ib tug neeg tag sim neej, tus kuaj ib ce, lossis tus thawj coj rau lub tsev pam tuag thaum ib tug neeg tag sim neej.

Teb cov lus los ntawm lub chaw pab nyiaj rau cov neeg poob haujlwm, tub ceev xwm, thiab lwm yam uas tsoom fwv tau thov rau

• Peb siv lossis qhia tau tej yam kev kho mob txog koj rau:

• Cov kev thov rau nyiaj poob haujlwm.

• Rau tub ceev xwm siv lossis rau ib tug tub ceev xwm.

• Rau cov chaw ua haujlwm saib xyuas kev noj qab haus huv rau tej yam uas txoj cai pom zoo.

• Rau tej yam tshwj xeeb uas tsoom fwv siv xws li tub rog, kev nyab xeeb hauv lub teb chaws, thiab kev pab tiv thaiv cov nom tswv.

Teb cov kev foob thiab tej yam kev lig kev cai

• Peb yuav qhia tawm tau txog koj cov ntaub ntawv kuaj mob nkeeg yog tias peb tsuas ua li ntawd los teb rau tim xam lossis daim ntawv khoo kom teb, lossis vim tias peb ua raws li lub xam daim ntawv khoo.