Kev Npaj Tswv Yim Ua Tiav Xyoo 2022-2026

Txhua nrho tus txheej txheem ntawm kev npaj, Alliance tau txheeb xyuas qhov kev xav tau kom haum rau cov neeg nws pab ntau dua qhov uas nws muab kev pab kho mob. Qhov kev hloov pauv no yuav tsum muaj ib qhov kev hloov pauv kom hwm lub meej mom thiab kev txiav txim tus kheej ntawm cov tswvcuab thiab tsom ntsees rau lawv txoj kev noj qab haus huv raws li qhov txiaj ntsig uas xav tau, uas tsis yog muab kev pab kho mob nkaus xwb. Lub tswv yim no sawv cev rau qhov kev hloov pauv mus rau ib txoj kab ke uas ua rau kev noj qab haus huv ntawm cov tswvcuab zoo dua qub los ntawm kev txiav txim siab thiab kev nqis tes ua sib koom, tsis yog hom kab kev uas cia li muab kev pab kho mob nkaus xwb.

Lub xeev txoj haujlwm CalAIM tau cog lus tias yuav ntxeev cov kev pab cuam thiab cov kev them nqi los mus txhim kho qhov zoo ntawm lub neej zoo thiab cov txiaj ntsig kev noj qab haus huv rau cov tswv cuab ntawm Medi-Cal. Alliance cov hom phiaj tsib lub xyoos yog ua raws li cov hom phiaj ntawm CalAIM thiab yuav pab Alliance tsom ntsees rau cov kev nqis tes ua uas muaj kev hloov pauv kom tau raws li cov kev xav tau ntawm tswv cuab, nrog rau cov tswv cuab qhov kev noj qab haus huv thiab kev noj qab nyob zoo raws li lub hom phiaj ncua ntev.

Alliance yuav nrhiav hau kev los mus txhim kho qhov zoo thiab ua kom cov tswvcuab siv cov kev pab cuam kho cwj pwm los ntawm kev sib koom tes, kev sib sau ua ke uas muaj kev txhim kho thiab lub peev xwm uas nthuav dav ntawm kab ke pab kho cwj pwm. Tam sim no, cov neeg uas muaj Medi-Cal tau txais kev pab kho cwj pwm los ntawm hom kab ke uas nyuaj uas tus tswvcuab yuav tsum tau nrhiav kev pab cuam los ntawm lwm hom kab kev raws qhov hnyav ntawm tus mob kev nyuaj siab lossis puas hlwb lossis kev kuaj mob puas cwj pwm. Hom kab ke no tsis yog tsim qauv los hais txog tus tswvcuab qhov kev xav tau uas hais tawm kom tau txais kev txhawb nqa lossis ntos txog kev tiv thaiv, thiab tsis siv lub zog ntawm kev nkag siab los mus tawm tsam qhov kev qias uas tiv thaiv kev kho mob thiab kev ua kom zoo rov los. Alliance nrhiav kev los daws cov kev cuam tshuam tseem ceeb ntawm qhov kev tsim qauv no, uas xam muaj mob kev nyuaj siab lossis puas hlwb uas tswj tsis tau zoo thiab kev tsis sib xws nyob rau kev siv raws haiv neeg, hnub nyoog thiab cov pej xeem raws thaj chaw.

Alliance yuav kom cov tswvcuab thiab cov neeg koom tes txhawm rau taw qhia thiab sib koom tsim cov kev daws teeb meem txhawm rau daws cov teeb meem rau cov kev pab kho cwj pwm, nrog rau kev qhia txog kev coj noj coj ua, txoj hauv kev uas haum rau tus neeg raws li tus tswv cuab qhov kev xav tau kev txhawb nqa uas tau hais tawm. Alliance tseem yuav txhim kho kev sib koom tes raws cov hom kab kev thiab ua kom muaj kev sib koom ua ke ntawm kev pab kho cwj pwm hauv tej chaw uas yog chaw kho mob thiab tsis yog chaw kho mob.

Coob leej tswvcuab Medi-Cal vam khom rau cov kab ke siloed uas muaj ntau yam txhawm rau daws cov kev xav tau ntawm kev kho mob uas nyuaj thiab cov kev xav tau ntsig txog kev sib raug zoo, feem ntau yuav tsis muaj kev sib pab lossis kev sib koom tes ntawm cov hom kab kev sib tshooj. Txhua yam ntsig txog kev sib raug zoo thiab txhua yam puag ncig, uas xam muaj kev tsis muaj vaj tsev, khoom noj khoom haus thiab kev thauj mus los, los kuj muaj ib qhov kev cuam tshuam loj heev rau kev noj qab haus huv. Muaj qhov tsis txaus hauv lub peev xwm ntawm kab ke kho mob los daws cov teeb meem ntawd vim tias cov kev pab cuam ntawd tsis yog cov txiaj ntsig pab ntawm Medi-Cal lossis vim lawv poob rau hauv cov luag haujlwm sib koom li ntawm cov kev pab cuam silo nyob rau hauv kab ke kho mob.

Txhawm rau txhawb nqa cov tswvcuab uas muaj cov kev xav tau fab kev kho mob uas nyuaj thiab cov kev xav tau ntsig txog kev sib raug zoo txhawm kom tau txais txiaj ntsig ntawm kev noj qab haus huv zoo dua qub, Alliance yuav ua raws txoj hau kev raws kev mob nkeeg ntawm pej xeem thiab yuav tau muaj kev muab ntaub ntawv ntau ntxiv rau cov kws kho mob thiab cov koom haum hauv zej zog mus rau qhov uas muaj kev pab kho mob koom tes uas tau txais txiaj ntsig zoo dua qub thiab saib xyuas kev kho neeg mob. Alliance kuj tseem yuav koom tes nrog cov kws kho mob thiab cov koom haum hauv zej zog txhawm rau txhim kho lub peev xwm rau kev sib koom tes kho mob hauv zej zog (qhov uas cov tswvcuab nyob, ua haujlwm, kawm thiab ua si). Txhawm rau zam kev mob nkeeg ncua ntev thiab txhawm rau txhim kho cov txiaj ntsig kev noj qab haus huv ntawm cov tswvcuab, Alliance yuav koom tes nrog cov neeg koom tes hauv zej zog txhawm rau txheeb xyuas thiab daws qhov tsis txaus hauv cov kev pab cuam uas tuaj yeem txhawb nqa tau kev noj qab haus huv ntawm tswv cuab. Alliance kuj tseem yuav nrhiav kev suav sau cov kev pab cuam txhawb nqa uas hais txog cov kev xav tau ntsig txog kev sib raug zoo uas cuam tshuam txog kev noj qab haus huv mus rau qhov kev kho mob.