Lub Rau Hli yog Lub Hlis Kev Noj Qab Haus Huv Ntawm Txiv Neej Hauv Lub Teb Chaws. Lub Hlis Kev Noj Qab Haus Huv Ntawm Txiv Neej tsom rau qhov tias vim li cas nws thiaj tseem ceeb rau cov txiv neej los saib xyuas lawv li kev noj qab haus huv. Tsuas yog ib nrab ntawm cov txiv neej laus tau mus ntsib tus kws kho mob rau kev saib xyuas pov thaiv nyob rau xyoo tag los. Cov txiv neej yuav tau txais kev saib xyuas qeeb txog thaum pom cov teeb meem tshwm sim loj lawm, ces thiaj ua rau cov yam no tshwm sim phem. Tam sim no yog ib lub sijhawm zoo rau cov txiv neej los teem sijhawm kuaj saib xyuas pov thaiv nrog rau lawv tus kws kho mob.
Kev saib xyuas pov thaiv yog dab tsi? Vim li cas nws thiaj tseem ceeb?
Kev saib xyuas pov thaiv yog kev kuaj mos raws sijhawm. Qhov no suav nrog cov kev ntsuam xyuas thiab cov kev kuaj. Cov kev pab cuam no tuaj yeem pab pov thaiv mob nkeeg, nrhiav teeb meem kev noj qab haus huv yooj yim thiab pab txhawb thoob plaws kev noj qab haus huv.
Mus saib xyuas pov thaiv mob yog ib feem rau koj ua kom tau txais cov lus teb rau koj cov lus nug txog kev noj qab haus huv. Tab txawm tias koj hnov muaj kev noj qab haus huv, kev ntsuam xyuas tas li yog ib txoj hauv kev zoo los lees paub txog koj li kev noj qab haus huv lossis nrhiav kom pom teeb meem ua ntej.
Muaj cov kev saib xyuas pov thaiv li cas rau cov txiv neej?
Cov kev saib xyuas pov thaiv nquag muaj rau cov txiv neej yog:
- Kev ntsuam xyuas lub cev. Kev ntsuam xyuas ib xyoos ib lwm pab ua kom paub txog cov teeb meem kev noj qab haus huv, zoo ib yam li ntshav siab, ntshav muaj roj thiab ntshav qab zib.
- Ntsuam xyuas. Cov kev ntsuam xyuas tuaj yeem pab nrhiav cov yam ntxwv mob thaum ntxov, thaum tseem kho tau. Cov teeb meem kev noj qab haus huv uas nquag muaj nyob rau cov txiv neej feem ntau yog mob khees xaws hauv thooj ntim kua phev, mob khees xaws hnyuv laus thiab mob plawv.
- Cov tshuaj txhaj tiv thaiv kab mob. Cov tshuaj txhaj tiv thaiv kab mob tawm tsam mob nkeeg, xws li khaub thuas thiab pneumonia.
- Kev noj qab haus huv fab kev sib deev. Sib tham txog ntawm cov kev hnyav siab txog kev sib deev nrog koj tus kws kho mob. Kom tau txais kev kuaj rau tej kab mob sib kis los ntawm kev sib deev li qhov xav tau.
Lub Alliance puas them rau kev saib xyuas pov thaiv?
Yog. Koj tuaj yeem tau txais cov kev saib xyuas pov thaiv yam tsis sau nqi ntawm koj.
Kuv yuav ua kev teem caij saib xyuas pov thaiv li cas?
Hu koj tus kws kho mob los teem sijhawm. Koj tus kws kho mob tus xov tooj muaj hauv daim npe nyob ntawm koj Daim Npav ID Tswvcuab Ntawm Alliance.
Alliance cov tswvcuab cov kev pab kho mob uas txais tau! Txoj Kev Pab Cuam Kom Noj Qab Haus Huv (Healthier Living Program) pab koj tswj kev noj qab haus huv, xws li mob hawb pob, ntshav qab zib lossis ntshav siab. Qhov no yog pub dawb rau cov tswvcuab.
Thaum koj tuaj koom lub rooj cob qhia 6-lub vij, koj tuaj yeem tau txais daim npav khoom plig rau lub khwTarget muab txog $ 50.
Yog xav paub ntxiv txog yam khoom plig uas peb muab, mus saib peb nplooj ntawv Txoj Kev Pab Cuam Txiaj Ntsig Pab Rau Kev Noj Qab Haus Huv. Lossis hu rau Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580.
