Lub Koom Haum ntseeg tias txhua tus neeg tsim nyog muaj lub sijhawm ncaj ncees los noj qab haus huv thiab txhawb nqa thaum cev xeeb tub. Nov yog li cas koj tuaj yeem txhawb nqa cov neeg cev xeeb tub hauv koj lub neej!
Vim li cas nws thiaj tseem ceeb
Raws li CDC, cov poj niam dub ntsib kev pheej hmoo siab dua ntawm kev tuag los ntawm cov teeb meem ntsig txog kev cev xeeb tub dua li cov poj niam dawb.
Qhov no tsis yog vim lawv lub cev txawv. Qhov no muaj feem cuam tshuam nrog cov yam xws li kev kho mob tsis zoo, cov mob uas twb muaj lawm, kev ntxub ntxaug lwm haiv neeg thiab kev kho tsis ncaj ncees. Cov teeb meem no tuaj yeem ua rau nws nyuaj rau cov niam dub kom tau txais kev kho mob thiab kev txhawb nqa uas lawv xav tau kom noj qab nyob zoo.
Kev tau txais kev saib xyuas thaum ntxov, pom cov cim ceeb toom thiab muaj kev txhawb nqa zoo tuaj yeem pab koj kom noj qab haus huv thaum cev xeeb tub.
Koj ua tau dab tsi
Cov poj niam cev xeeb tub thiab lawv tsev neeg tuaj yeem ua tau:
- Yog tias muaj qee yam tsis zoo, nrog lawv tus kws kho mob tham.
- Paub thiab saib xyuascov cim ceeb toom ceev, xws li:
- Mob taub hau hnyav.
- Tes lossis lub ntsej muag o lossis ua pa nyuaj.
- Los ntshav los yog tso zis ntau dhau.
- Xav tias nkees heev.
- Qhia koj keeb kwm cev xeeb tub thaum mus ntsib kws kho mob txhua zaus txog li ib xyoos tom qab yug menyuam.
- Txuas nrog cov kev kho mob thiab kev txhawb nqa ua ntej, thaum lub sijhawm thiab tom qab cev xeeb tub.
Peb nyob ntawm no los pab!
Yog koj cev xeeb tub los yog nyuam qhuav muaj menyuam, lub Alliance yeej npaj txhij pab koj. Kawm txog peb txoj kev pab rau cov niam tshiab thiab cov neeg saib xyuas menyuam.
Cov kev pabcuam Doula
Koj puas paub tias yog koj cev xeeb tub lossis muaj menyuam hauv ib xyoos dhau los, koj tuaj yeem tau txais kev pab los ntawm doula, yam tsis muaj nqi?
Ib tug doula yog ib tus neeg uas pab koj ua ntej, thaum lub sijhawm thiab tom qab koj tus menyuam yug los. Cov doulas muaj kev cob qhia tshwj xeeb thiab muab kev nplij siab, kev taw qhia, kev txhawb nqa thiab kev tawm tswv yim los pab kom koj lub suab tau hnov. Lawv tsis yog cov kws tu mob lossis cov kws kho mob, tab sis lawv ua haujlwm nrog lawv. Qee cov doulas pab koj thaum lub sijhawm rho menyuam, yug menyuam tuag lossis rho menyuam.
Kawm ntxiv txog qhov txiaj ntsig doula ntawm peb lub vev xaib.
Pab neeg saib xyuas
Yog koj cev xeeb tub los yog nyuam qhuav yug me nyuam (hauv 12 lub hlis dhau los), koj tuaj yeem tau txais kev pab los ntawm peb Kev Tswj Xyuas Kev Kho Mob Zoo Dua (ECM)Qhov kev pab cuam no yuav pab koj thaum koj cev xeeb tub thiab 12 lub hlis tom qab ntawd.
Thaum koj koom nrog ECM, koj yuav tau txais ib pab neeg saib xyuas. Koj yuav muaj ib tus thawj coj saib xyuas uas yuav ua haujlwm nrog cov kws kho mob, cov kws kho mob hlwb, cov kws tshwj xeeb, cov kws muag tshuaj thiab lwm tus kom tau txais kev saib xyuas uas koj xav tau. Koj tus thawj coj saib xyuas yuav txuas koj nrog cov kev pabcuam hauv zej zog. Yog xav paub ntxiv txog qhov kev pab cuam no, mus saib peb lub vev xaib.
Kev pab ua ntej yug menyuam thiab tom qab yug menyuam
Lub Alliance Txoj Kev Pab Cuam Kom Cov Leej Niam thiab Menyuam Mosliab Noj Qab Haus Huv (Healthy Moms and Healthy Babies Program; HMHB, raws li sau hauv lus Askiv) pab cov poj niam cev xeeb tub tau txais kev saib xyuas thaum ntxov thiab kev txhawb nqa thaum lub sijhawm cev xeeb tub thiab tom qab cev xeeb tub. HMHB kuj tseem muab kev kawm los txhawb kev cev xeeb tub kom noj qab nyob zoo.
Cov tswv cuab hauv qhov kev pab cuam HMHB tau txais kev hu xov tooj los ntawm cov kws qhia kev noj qab haus huv ntawm Alliance uas tham txog tej yam xws li kev saib xyuas cev xeeb tub, kev pub niam mis thiab kev ua niam txiv. Lawv kuj muab kev xa mus rau cov peev txheej hauv zos, xws li Cov Poj Niam, Cov Menyuam Mos, thiab Cov Menyuam (WIC) thiab cov kev pabcuam hauv zej zog pub dawb lossis pheej yig.
