Cov Kev Pab Kho Mob Uas Txais Tau
Raws li yog ib tus tswvcuab ntawm Alliance, koj yuav txais tau cov kev pab cuam saib xyuas kev noj qab haus huv thiab kev txhawb nqa uas tau piav qhia nyob rau tshooj sau tias Mus Txais Kev Kho Mob ntawm lub vev xaib no.
Koj yuav xaiv ib tus kws kho mob los mus ntsib rau koj cov kev saib xyuas kev noj qab haus huv uas koj xav tau. Peb hu tus kws kho mob ntawd tias yog koj Tus Thawj Kws Kho Mob (Primary Care Provider) lossis tus PCP, raws li sau hauv lus Askiv. Siv Cov Chaw Pabcuam los nrhiav ib tug PCP.
Koj tus PCP yuav muab tag nrho koj cov kev saib xyaus kev noj qab haus huv raws li ib txwv mus xyuas raws li koj cov kev xav tau. Yog tias koj xav mus ntsib lwm tus kws kho mob, koj tus PCP yuav tau xa daim ntawv thov mus rau lub Alliance. Qhov no tau hu ua tus PCP li kev xa mus. Nws tas yuav tau ib tus PCP li kev xa mus yog tias mus rau ib qho kev saib xyuas mob xwmtxheej ceev thiab cov kev pab cuam npaj rau tsev neeg. Muaj qee cov kev pab cuam kho mob thiab khoom siv kho mob uas yuav tsum tau txais kev pom zoo los ntawm lub Alliance ua ntej koj tau txais cov kev pab cuam thiab cov khoom siv kho mob ntawd. Qhov no hu tias kev tso cai ua ntej. Koj tus PCP lossis lwm tus kws kho mob yuav xa cov ntawv thov xa txuas mus ntxiv thiab ntawv thov kev tso cai ua ntej rau lub Alliance kom pom zoo.
Lub Alliance yuav pab them rau feem ntau cov kev pab cuam uas yog muab los ntawm koj tus PCP, cov kws kho mob, cov tsev kho mob loj thiab cov kws pab kho mob uas muaj ntawv tso cai ua haujlwm hauv peb pab pawg kws kho mob. Nws muaj tej cov kev pab cuam uas yuav raug them los ntawm Medi-Cal tab sis tsis yog raug them los ntawm lub Alliance.
Rau cov ntsiab lus siab ntawm cov kev pab kho mob uas txais tau nyeem Benefits Matrix.
Yog xav paub ntxiv, nyeem Phau Ntawv Rau Tus Tswvcuab.
Puas muaj lus nug?
Yuav Koom Tau Li Cas
- Lub Ceeb Nroog Mariposa Lub Chaw Ua Haujlwm Muab Kev Pab Rau Cov Pej Xeem (Health and Human Services Agency)
- Lub Ceeb Nroog Merced Lub Chaw Ua Haujlwm Muab Kev Pab Rau Cov Pej Xeem (Human Services Agency)
- Lub Cheeb Nroog Monterey Lub Chaw Ua Haujlwm Muab Cov Kev Pab Cuam (Department of Social Services)
- Lub Ceeb Nroog San Benito thiab Lub Chaw Ua Haujlwm Muab Kev Pab Rau Cov Pej Xeem
- Lub Cheeb Nroog Santa Cruz Lub Chaw Ua Haujlwm Muab Kev Pab Rau Cov Pej Xeem (Human Services Department)