Lub Alliance Cov Cai Thiab Cov Kev Coj Ntsig Txog Kev Ntaus Ntawv Hauv Xov Tooj
- Lub Alliance Cov Cai Thiab Cov Kev Coj Ntsig Txog Kev Ntaus Ntawv Hauv Xov Tooj cuam tshuam rau thaum koj siv lub Central California Alliance for Health (“lub Alliance”) Cov Kev Pab Sau Ntaus Ntawv ("Cov Kev Pab"). Yog tias koj siv Cov Kev Pab no, twb yog txhais tias koj tuaj yeem ua raws li cov cai no. Cov cai no mas pib kav hnub kiag uas koj pib siv Cov Kev Pab (txiav txim koom siv). Thaum koj txiav txim koom siv, koj yuav tau cov xov ntawv hauv xov tooj los ntawm lub Alliance los ntawm tus xov tooj luv 59849. Tej zaum yuav sau ntawv xa xov txog tej yam xws li:
- Yuav ua li cas thiaj tau kev saib xyuas nrog lub Alliance.
- Cov kev kuaj thiab cov koob tshuaj txhaj tiv thaiv kab mob.
- Seb koj puas tsim nyog tau txais kev pab Medi-Cal.
- Cov kev kawm txog kev kho mob thiab kev noj qab nyob zoo.
Qhov uas xa xov tuaj pes tsawg zaum tej zaum yuav hloov tau.
- Tej zaum Cov Cai Thiab Cov Kev Coj yuav raug hloov tau. Lub Alliance muaj cai hloov Cov Cai Thiab Cov Kev Coj thaum twg los tau ntau npaum li txoj cai tso cai hloov kho. Cov kev kho tshiab yuav cuam tshuam rau thaum peb muab tso tawm rau ntawm peb lub vevxais. Koj lees hlo tias nyob nyob mus mas koj tuaj yeem rov mus xyuas saib Cov Cai Thiab Cov Kev Coj no xwv thiaj tso siab tias koj yuav paub yog tias tau muaj dabtsi raug hloov kho tshiab. Yog tias koj yeej meem siv Cov Kev Pab no, ces yog txhais tias koj txais yuav ua raws li civ kev hloov kho tshiab no.
- Lub Alliance lossis cov kev pab cuam uas muab kev pab no tej zaum yuav muab Cov Kev Pab no tu nrho, hloov, lossis xuam tso tseg tag nrho lossis ib feem twg, rau laj thawj twg los tau. Koj kuj yuav muab Cov Kev Pab no xuam tso tseg lossis tu nrho thaum twg los tau yog tias sau lo lus “STOP” mus rau 59849 lossis sau xa ntawv email mus rau [email protected] thiaj muab tu nrho. Yuav siv dua tshiab, ntaus ntawv sau lo lus START mus rau 59849. Yuav tau kev pab siv, ntaus ntawv sau lo lus HELP mus rau 59849. Koj kuj hu tau rau lub Alliance Chaw Kev Pab Cuam Tswvcuab ntawm 800-700-3874.
- Lub Alliance tsis tsub nqi rau Cov Kev Pab no, tiam sis tej zaum koj lub tuam txhab xov tooj yuav suav cov kev siv no es yuav noj nyiaj ntawm koj cov nqi xov tooj.
- LUB ALLIANCE MUAB COV KEV PAB NO "ZOO LI ZOO TAU" THIAB TSIS MUAB KEV LAV DABTSI LI NROG RAU. Tej zaum koj yuav txais tsis tau Cov Kev Pab no rau ntawm txhua thaj tsam, txhua lub sijhawm, lossis hauv txhua lub xov tooj. Koj lees hlo tias koj tuaj yeem tsis foob lub Alliance lossis peb cov tuam txhab uas muab kev pab no kom lav qhov uas cov xov ntawv lossis tej lus qhia twg tsis tshwm, tshwm qeeb, lossis raug xa mus yuam kev rau lwm qhov vim tau siv Cov Kev Pab no.
- LUB ALLIANCE THIAB NWS COV NEEG UA HAUJLWM YEEJ YUAV TSIS LAV QHOV KEV PUAS TWG UAS TSHWM SIM VIM LOSSIS RAUG SIB CUAM TSHUAM NROG QHOV UAS SIV COV KEV PAB NO.
- Lub Alliance tej zaum yuav khaws cov xov ntawv no cia. Nov yog siv rov kuaj xyuas nkaus xwb.
- Thov uas zoo qhia rau koj lub cheeb nroog lub chaw ua haujlwm Medi-Cal yog tias koj tus xov tooj ntawm tes ho raug hloov . Peb tsis lav tej lus qhia uas sau xa mus rau xov tooj uas lwm tus txais pom yuam kev vim koj tsis tau ua zoo qhia tias koj tus xov tooj tau hloov lawm. Peb pom zoo tias koj ua zoo siv cov lej zais (passwords) tiv thaiv koj tus (cov) xov tooj ntawm tes yog tias ua tau.
- Cov ntawv ntaus sau xa mus rau xov tooj tej zaum yuav muaj tej lus qhia txog kev kho mob uas raug tiv thaiv ntaub ntawv kuaj mob nkeeg txwv tsis pub qhia tawm yog tsis tau kev tso cai (Personal Health Information; PHI, raws li sau hauv lus Askiv). Vim cov ntawv ntaus sau xa mus rau xov tooj tsis raug zais lawm, muaj kev pheej hmoo phomsij tias tej zaum lwm tog sab nraud nyiag lossis pom tau cov PHI no, suav nrgo rau luag uas kov koj lub xov tooj. Thaum koj txiav txim txais cov ntawv ntaus sau xa mus rau koj tus xov tooj, twb yog koj lees to taub tias muaj kev pheej hmoo phom sij no uas koj lav koj. Thaum uas twb ntaus ntawv sau mus lawd, tej zaum tej lus qhia no txog koj yuav tsis raug tiv thaiv mus ntxiv hauv qab HIPAA (Cov Ntaub Ntawv Foos Ceeb Toom Qhia Txog Kev Tiv Thaiv Cov Ntaub Ntawv Kho Mob (Health Insurance Portability and Accountability Act; HIPPA, raws li sau hauv lus Askiv). Koj nyeem tau peb Txoj Cai Txwv Tsis Pub Lwm Tus Paub rau ntawm peb lub vevxais.