Alliance Compliance Plan

HOM PHIAJ

Central California Alliance for Health (Alliance) qhov Kev Pab Cuam Txog Kev Ua Raws Txoj Cai (Compliance Program; raws li sau hauv lus Askiv) (ua kom ntseeg tau tias lub koom haum thiab nws cov neeg ua haujlwm khiav haujlwm raws li cov cai hauv kev cog lus, cai tswj hwm thiab cai lij choj. Los ntawm nws qhov Kev Pab Cuam Txog Kev Ua Raws Txoj Cai, lub Alliance yuav tswj hwm nws txoj haujlwm lag luam kom ntseeg tau tias txhua yam mus raws li cov cai no. Lub Alliance tau mob siab rau kev tiv thaiv thiab tshawb xyuas kev ua txhaum cai, thiab thaum tsim nyog, yuav tsum tau daws kho txhawm rau xyuas kom meej tias nws cov kev khiav haujlwm lag luam mus raws li cov cai tswj kav. Alliance txhawb nqa txoj kab lis kev cai ntawm lub koom haum uas txhawb kev coj ncaj ncees thiab kev cog lus rau kev ua raws li txoj cai lij choj. Lub Alliance yuav siv cov kauj ruam tsim nyog txhawm rau xyuas kom meej tias nws cov neeg ua haujlwm paub txog cov kev cai thiab paub hais tias lawv yuav ua haujlwm kom zoo sib xws mus kom tau raws li cov cai ntawd. Txhawm rau tswj hwm nws txoj kev ywj pheej, lub Alliance Qhov Kev Pab Cuam Txog Kev Ua Raws Txoj Cai yuav ua haujlwm ywj pheej hauv cov cheeb tsam haujlwm thiab qhov kev pab cuam yam tsis muaj kev ntshai txog ntawm kev cuam tshuam rau kev txheeb xyuas kev ua tsis raws txoj cai.

Hauv qab no yog ib cov lus piav qhia txog qhov yuav ua li cas lub Alliance thiaj yuav mus raws li phau ntawv qhia txog Kev Ua Raws Txoj Cai Tau Zoo thiab Qhov Kev Pab Cuam Txog Kev Ncaj Ncees uas tau muab tshaj tawm los ntawm Pawg Saib Xyuas Kev Txiav Txim Txog Kev Ua Txhaum Cai Hauv Tebchaws Meskas.

COV CAI TXHAWB, COV TXHEEJ TXHEEM, THIAB COV QAUV NTAWM KEV COJ UAS TAU SAU TSEG

Cov cai txhawb thiab cov txheej txheem yuav ua kom ntseeg tau tias cov tswvcuab ntawm Pawg Coj, cov neeg ua haujlwm, thiab cov neeg ua haujlwm raws kev cog lus, uas xam muaj Cov Kws Kho Mob Hauv Pab Pawg, Cov Neeg Ua Haujlwm Raws Kev Cog Lus Txuas Ntxiv thiab Cov Neeg Ua Haujlwm Raws Kev Cog Lus Txuas Ntxiv Tom Ntsis, nkag siab thiab ua lawv cov feem xyuam haujlwm mus raws li cov luag haujlwm raws cai tswj hwm thiab kev cog lus thiab txoj cai lij choj uas siv tau. Lub Alliance tswj cov cai txhawb thiab cov txheej txheem uas qhia tau hais tias muaj kev ua raws li cov kev cai thiab cov kev hloov kho tshiab raws li qhov tsim nyog txhawm rau qhia txog kev ua mus raws cov kev khiav haujlwm thiab cov cai uas hloov pauv. Cov neeg ua haujlwm ntawm qhov Chaw Ua Haujlwm Saib Xyuas Kev Ua Raws Txoj Cai yuav ntsuam xyuas yam xwm yeem txog cov kev hloov pauv rau cov cai txhawb thiab cov txheej txheem thiab daws cov uas tsim nyog uas txheeb pom los ntawm kev soj ntsuam hauv lub phiaj xwm. Cov cai txhawb thiab cov txheej txheem uas tsim hauv cov chaw ua haujlwm uas tsim nyog, raug ntsuam xyuas thiab pom zoo raws tus txheej txheem Ntawm Txoj Cai Nkag Txhawb. Cov neeg ua haujlwm txog kev ua raws txoj cai yuav siv lub software tswj hwm ntawm kev ua raws cai los xyuas kom meej tias txhua txoj cai txhawb ntawm Alliance tau txais kev ntsuam xyuas thiab/lossis raug muab hloov kho yam tsawg kawg yog ib xyoos ib zaug. Cov Cai Txhawb thiab Cov Txheej Txheem muaj rau txhua tus neeg ua haujlwm los ntawm Alliance qhov Chaw Ceev Cai Txhawb uas nyob rau hauv nws lub Intranet.

Lub Chaw Ua Haujlwm Saib Xyuas Kev Ua Raws Cai yuav tswj hwm cov cai txhawb uas siv qhov Kev Npaj Txog Kev Ua Raws Cai no, uas xam muaj xws li cov hauv qab no:

• Cov cai txhawb uas piav qhia txog cov luag haujlwm ntawm cov tswvcuab ntawm Pawg Coj hauv qhov kev npaj, cov neeg ua haujlwm, thiab cov neeg ua haujlwm raws kev cog lus txhawm rau tswj hwm qhov kev zais cia ntawm cov xov xwm kho mob uas muaj kev tiv thaiv (protected health information; PHI, raws li sau hauv lus Askiv) raws li cov cai hais kom ua ntawm Tsab Cai Hais Txog Yam Nqa Tau thiab Kev Lees Feem Xyuam Ntawm Kev Fajseeb Kho Mob (Health Insurance Portability and Accountability Act; HIPAA, raws li sau hauv lus Askiv) thiab Cov Kev Khiav Haujlwm Hauv Qhov Kev Pab Cuam Ntawm HIPAA;
• Cov cai txhawb uas piav qhia txog Alliance qhov Kev Pab Cuam Txog Kev Dawb Huv, uas xam muaj cov txheej txheem uas muab siv txhawm rau tiv thaiv, txheeb xyuas, tshuaj ntsuam, thiab daws kev dag ntxias, kev tso pov tseg, thiab kev tsim txom (fraud, waste, and abuse; FWA, raws li sau hauv lus Askiv);
• Cov cai txhawb ntsig txog kev ceeb toom, kev tshuaj ntsuam, thiab kev daws teeb meem txog kev tsis ua raws cai;
• Cov cai txhawb ntsig txog kev saib xyuas txog ntawm cov chaw ua haujlwm, uas xam muaj Cov Chaw Pob Haujlwm thiab Cov Chaw Pob Haujlwm Tom Ntsis, thiab cov kev khiav haujlwm ntawm qhov Kev Pab Cuam Txog Kev Saib Xyuas Uas Muab Rau Lwm Tus Pab; thiab
• Cov cai txhawb hais txog cov kev tshuaj xyuas raws cai tswj hwm thiab cov kev khiav haujlwm ntawm qhov Kev Pab Cuam Txog Kev Tshuaj Xyuas Sab Haud thiab Kev Soj Ntsuam

Daim ntawv teev npe tag nrho ntawm Lub Tsev Haujlwm Saib Xyuas Kev Ua Raws Cai tuaj yeem pom hauv Cov ntawv ntxiv A.

Tsis tas li ntawd, qhov Kev Npaj Txog Kev Ua Raws Cai xam muaj Txoj Cai Kev Coj Ua, uas muaj nyob rau hauv cov ntaub ntawv uas nws nyob nws ib qho, uas qhia Alliance cov tswvcuab ntawm Pawg Coj, cov neeg ua haujlwm, thiab cov neeg ua haujlwm raws kev cog lus ua lawv cov dejnum lag luam raws li tus xeeb ceem kev tsheej kws, kev ncaj ncees, thiab raug cai. Lub Chaw Ua Haujlwm Saib Xyuas Neeg Ua Haujlwm kuj tseem qhia txog cov kev npaj siab no hauv lawv Phau Ntawv Qhia Rau Neeg Ua Haujlwm. Ntxiv rau qhov kev ua kom muaj rau cov neeg ua haujlwm hauv Alliance, Qhov Kev Npaj Txog Kev Ua Raws Cai thiab Txoj Cai Kev Coj Ua no raug muab tshaj tawm rau sawv daws ntawm Alliance lub Intranet.

TUS QAUV TSIM TSA THIAB KEV SAIB XYUAS

Pawg Coj Kev Tswj Kav Ntawm Alliance - Pawg Coj Kev Tswj Kav Ntawm Alliance (Pawg Coj) muaj lub luag haujlwm saib xyuas qhov Kev Pab Cuam Txog Kev Ua Raws Cai. Pawg Coj tau txais thiab pom zoo rau lus hais txog ib tsab ceeb toom tuaj ntawm qhov Kev Pab Cuam Txog Kev Ua Raws Cai tuaj tsis tsawg zaus tshaj li txhua lub xyoo thiab yam tsawg kawg yeej tau txais cov ntawv sau ceeb toom txhua peb lub hlis twg txog ntawm cov dejnum hais txog kev ua raws cai. Cov ntawv ceeb toom no xam muaj kev ntsuam xyuas cov dejnum ntawm qhov Kev Pab Cuam Txog Kev Ua Raws Cai, cov txiaj ntsig ntawm cov kev tshuaj xyuas sab hauv thiab sab nrauv, thiab kev ceeb toom txog lwm yam teeb meem ntsig txog kev ua raws cai. Txhawm rau ua kom ntseeg tau tias Pawg Coj paub txog cov ntsiab lus thiab cov kev khiav haujlwm ntawm Alliance qhov Kev Pab Cuam Txog Kev Ua Raws Cai, ces Pawg Coj yuav tau txais kev cob qhia txog kev ua raws cai uas xam muaj kev cob qhia txog kev tiv thaiv ntawm FWA hais txog kev teem sijhawm thiab txhua xyoo tom qab ntawd. Pawg Coj kuj tseem muaj lub luag haujlwm rau kev ntsuam xyuas thiab kev pom zoo txog ntawm cov kev hloov kho rau Alliance qhov Kev Npaj Txog Kev Ua Raws Cai thiab Txoj Cai Kev Coj Ua, uas yuav tau ua yam tsawg kawg ib xyoos ib zaug.

Tus Thawj Tswj Hwm - Tus Thawj Tswj Hwm (Chief Executive Officer; CEO, raws li sau hauv lus Askiv) yuav saib xyuas qhov Kev Pab Cuam Txog Kev Ua Raws Cai thiab nkag koom nrog Pawg Saib Xyuas Kev Ua Raws Cai. Tus Thawj Kws Ceev Xwm Kev Ua Raws Cai (Chief Compliance Officer; CCO, raws li sau hauv lus Askiv) ceeb toom ncaj qha mus rau tus CEO.

Pab Pawg Saib Xyuas Kev Ua Raws Cai - Pab Pawg Saib Xyuas Kev Ua Raws Cai xam muaj tus Thawj Tswj thiab cov neeg sawv cev qib Thawj Coj los ntawm txhua qhov chaw haujlwm thiab tus Thawj Tswj Saib Xyuas Kev Ua Raws Cai. Pab Pawg Saib Xyuas Kev Ua Raws Cai coj qhia tus CCO thiab pab rau hauv kev nqis tes ua ntawm qhov Kev Pab Cuam Txog Kev Ua Raws Cai. Pab Pawg Saib Xyuas Kev Ua Raws Cai yuav sib ntsib yam tsawg yog peb lub hlis ib zaug thiab ceeb toom mus rau Pawg Coj. Lwm yam feem xyuam haujlwm ntxiv ntawm Pawg Saib Xyuas Kev Ua Raws Cai xam muaj xws li:

• Kev ntsuam xyuas cov xov xwm hais txog cov cai tshiab lossis cov kev hloov pauv rau cov cai qub uas tus CCO tau coj los ua ntej lawm, cov neeg ua haujlwm ntawm qhov Chaw Ua Haujlwm Saib Xyuas Kev Ua Raws Cai, lossis cov neeg ua haujlwm ntawm lub Chaw Ua Haujlwm Kev Txuas Lus Nrog Tsoom Fwv, thiab kev txiav txim siab txog cov kauj ruam tsim nyog rau kev nqis tes ua, kev khiav haujlwm, thiab kev ua raws li cov cai;
• Kev ntsuam xyuas thiab kev pom zoo rau qhov Kev Txheeb Xyuas Txog Kev Pheej Hmoo Ntawm Kev Ua Raws Cai txhua xyoo uas yog cov neeg ua haujlwm txog Kev Ua Raws Cai ua tus tsim thiab kev saib xyuas cov txiaj ntsig ntawm cov dejnum kev tshuaj xyuas thiab kev soj ntsuam cov uas tau txheeb xyuas hauv qhov Kev Npaj Haujlwm Txog Kev Tshuaj Xyuas Sab Haud thiab Kev Soj Ntsuam;
• Kev ntsuam xyuas cov ntawv ceeb toom txog kev soj ntsuam thiab kev luj xyuas raws li kev ntsuam xyuas tsis tu ncua txog ntawm cov cai txhawb thiab cov txheej txheem thiab cov kev khiav haujlwm uas twb yeej muaj lawm;
• Kev ntsuam xyuas txhua ib lub xyoos thiab, raws li qhov tsim nyog, kev hloov kho Txoj Cai Kev Coj Ua thiab Kev Npaj Txog Kev Ua Raws Cai;
• Kev ua kom ntseeg tau hais tias Kev cob qhia thiab kev kawm txog Kev Ua Raws Cai raug ua tiav yam tau txais txiaj ntsim zoo thiab raws qhov tsim nyog suav nrog kev saib xyuas ntawm CAPs raug tsim los ntawm cov tswj hwm.
• Kev ntsuam xyuas cov cheeb tsam ntawm kev tsis ua raws cai thiab kev tsim kev nqis tes kho kom yog thiab kev tiv thaiv txhawm rau tiv thaiv lossis txo cov kev txhawj xeeb txog kev ua raws cai;
• Kev ntsuam xyuas cov chaw haujlwm uas muaj tus pab ua, uas xam muaj Alliance cov Chaw Pob Haujlwm thiab Cov Chaw Pob Haujlwm Tom Ntsis, kom ntseeg tau tias lawv cov kev ua haujlwm ntawm cov luag haujlwm uas muaj tus pab ua tau raws li cov luag haujlwm raws kev cog lus, kev cai lijchoj, thiab kev cai tswj hwm, thiab Alliance cov qauv;
• Kev saib xyuas Alliance txoj dejnum uas muaj Kev Dawb Huv Ntawm Qhov Kev Pab Cuam kom ntseeg tau tias lub koom haum cheem, txheeb xyuas, tshuaj xyuas thiab daws tau FWA uas muaj feem thiab/lossis muaj tseeb, sab hauv thiab sab nrauv tib si; thiab,
• Kev ua kom ntseeg tau hais tias Alliance siv cov kev tiv thaiv tsim nyog, uas xam muaj cov cai txhawb raws kev tswj hwm thiab cov txheej txheem, los tiv thaiv kev qhov kev zais cia ntawm PHI thiab xyuas kom meej tias ua raws li cov cai ntawm HIPAA.

Ntxiv rau Pab Pawg Saib Xyuas Kev Ua Raws Cai, lub Alliance muaj lwm cov pab pawg uas saib xyuas nws cov luag haujlwm raws kev cog lus, kev cai lij choj, thiab kev cai tswj hwm, uas xam muaj cov hauv qab no:

Pawg Neeg Saib Xyuas Kev Txhim Kho thiab Kev Noj Qab Haus Huv Equity

Pab Pawg Saib Xyuas Kev Txhim Kho Qib Zoo thiab Kev Ncaj Ncees Ntawm Kev Kho Mob(Quality Improvement and Health Equity Committee; QIHEC raws li sau hauv lus Askiv) yuav soj ntsuam kev nce qib ntawm qhov kev npaj rau haujlwm Kev Txhim Kho Qib Zoo, saib xyuas cov dejnum Kev Saib Xyuas Kev Siv Hluav Taws Xob, thiab tau txais cov ntawv ceeb toom uas tuaj ntawm Pab Pawg Saib Xyuas Kws Tshuaj thiab Kev Kho Mob. Ntxiv ntawd, Pab Pawg Saib Xyuas yuav saib xyuas ntau yam dejnum kev npaj uas xam muaj: cov kev txhawb siab ntawm kev saib xyuas, cov txiaj ntsig ntawm cov Ntaub Ntawv thiab Xov Xwm Txog Kev Tau Txais Txiaj Ntsig Zoo Ntawm Kev Kho Mob (Healthcare Effectiveness Data and Information Set; HEDIS, raws li sau hauv lus Askiv), kev tshuaj xyuas thiab kev cuam tshuam raws kev tawm tswv yim, kev tswj hwm kab mob thiab cov kev pab cuam txog kev kawm, cov kev coj ua raws kab lis kev cai thiab kev hais lus, kev tsis txaus siab thiab cov teeb meem hais txog qib zoo, cov tes haujlwm hais txog kev siv hauv lub chaw ua haujlwm xwm txheej ceev, thiab kev ntsuam xyuas txhua xyoo ntawm Alliance cov lus qhia txog kev mob nkeeg uas tiv thaiv tau. QIHEC ceeb toom txog nws cov dejnum mus rau Pawg Coj yam tsis tu ncua.

Pab Pawg Saib Xyuas Uas Ntsuam Xyuas Txog Kev Tsis Txaus Siab Ntawm Neeg Ua Haujlwm

Pab Pawg Saib Xyuas Uas Ntsuam Xyuas Kev Tsis Txaus Siab Ntawm Neeg Ua Haujlwm (Staff Grievance Review Committee; SGRC, raws li sau hauv lus Askiv) yuav soj ntsuam txog kev ua raws sijhawm thiab kev tsim nyog ntawm kev tshawb fawb txog thiab kev daws teeb meem rau cov kev tsis txaus siab ntawm tswvcuab thiab kev tsis sib haum xeeb ntawm kws kho mob. Ntxiv ntawd, SGRC yuav soj ntsuam kev lis haujlwm ntawm txhua qhov Kev Tsis Txaus Siab txog ntawm kev ua raws fab kev cai lij choj, fab kev cai tswj hwm thiab fab kev cog lus thiab txhawm rau saib xyuas kev txhim kho qib zoo yam tsis tu ncua. SGRC yuav ceeb toom txog nws cov dejnum mus rau Pab Pawg Ua Haujlwm Txhim Kho Qib Zoo Fab Kev Kho Mob Raws Cai thiab Pawg Coj yam xwm yeem.

Tus Thawj Kws Ceev Xwm Kev Ua Raws Cai - Tus CCO, raws li kev taw qhia ntawm tus CEO, coj qhia qhov Kev Pab Cuam Txog Kev Ua Raws Cai hauv kev txhawb nqa ntawm Alliance cov hom phiaj, muab kev coj ua hauv kev tsim, kev siv, thiab kev soj ntsuam Alliance qhov Kev Pab Cuam Txog Kev Ua Raws Cai, thiab ua haujlwm raws li yog tus Kws Ceev Xwm Cai Ntiag Tug ntawm HIPAA thiab Kws Ceev Xwm Tiv Thaiv Kev Dag Ntxias. CCO tswj hwm kev sib txuas lus txog kev ceeb toom ncaj nraim mus rau Pawg Coj, kev muab cov lus ceeb toom raws niaj zaus thiab hloov tshiab rau Pawg Coj txog ntawm cov dejnum hauv qhov Kev Pab Cuam Txog Kev Ua Raws Cai. Tus CCO muaj lub luag haujlwm saib xyuas kev nqis tes ua hauv Kev Pab Cuam Txog Kev Ua Raws Cai, uas xam muaj kev teev tus qauv tsim tsa ntawm qhov kev pab cuam, cov cai fab kev kawm, cov kab ke ntawm kev ceeb toom thiab kev tsis txaus siab, cov txheej txheem daws thiab kho kom yog, thiab cov kev npaj siab txog kev ua raws cai ntawm txhua tus neeg ua haujlwm thiab neeg uahaujlwm raws kev cog lus. Nyob rau hauv lub koom txoos uas tus CCO tsis xyeej, ces tus Thawj Tswj Kev Ua Raws Cai yuav ua haujlwm pab rau tus Kws Ceev Xwm Kev Ua Raws Cai, tus Kws Ceev Xwm Cai Ntiag Tug thiab tus Kws Ceev Xwm Tiv Thaiv Kev Dag Ntxias. Tus CCO, hauv kev koom tes nrog Pab Pawg Saib Xyuas Kev Ua Raws Cai thiab cov neeg ua haujlwm, yuav ua kom ntseeg tau hais tias muaj tus ua cov dejnum hauv qab no:

• Kev ua kom ntseeg tau hais tias cov kev hloov tshiab los ntawm qhov Kev Pab Cuam Txog Kev Ua Raws Cai tau muab nthuav qhia rau tus CEO thiab Pawg Coj raws li lub ncua sijhawm uas teev tseg;
• Kev ua kom ntseeg tau hais tias Alliance cov Kev Pab Cuam Txog Kev Ua Raws Cai, uas xam muaj qhov Kev Pab Cuam Txog Kev Saib Xyuas Uas Muaj Tus Pab Ua, Kev Pab Cuam HIPAA, Kev Pab Cuam Txog Kev Tshuaj Xyuas Sab Hauv thiab Kev Soj Ntsuam, thiab qhov Kev Pab Cuam Txog Kev Dawb Huv Ntawm Kev Pab Cuam ua raws li lub xeev thiab tsoom fwv cov cai, yog yam daws tau teeb meem rau Alliance cov kev tsim nyog muaj, thiab tau txais txiaj ntsig zoo hauv kev txheeb xyuas thiab kev txo cov kev pheej hmoo txog kev ua raws cai;
• Kev ua kom ntseeg tau hais tias muaj cov txheej txheem thiab cov kab ke ceeb toom uas txhawb cov neeg ua haujlwm kom ceeb toom txog kev tsis ua raws, FWA uas muaj feem, lossis lwm yam kev coj ua tsis zoo yam tsis muaj qhov ntshai txog kev ua pauj;
• Kev ua kom ntseeg tau hais tias muaj kev cob qhia txog kev ua raws cai uas tau txais txiaj ntsig zoo thiab cov neeg ua haujlwm paub txog lub Alliance qhov Kev Pab Cuam Txog Kev Ua Raws Cai, Txoj Cai Kev Coj Ua, thiab txhua txoj cai raws kev cai lij choj thiab kev cai tswj hwm uas tsim nyog;
• Kev ua kom ntseeg tau hais tias muaj cov txheej txheem zoo uas ua kom muaj kev sib txuas lus ob tog li ntawm qhov Chaw Saib Xyuas Kev Ua Raws Cai thiab Alliance cov neeg ua haujlwm xws li cov neeg ua haujlwm paub txog cov cai tshiab thiab kev hloov pauv thiab lees paub txog qhov yuav ceeb toom txog kev tsis ua raws cai li cas, FWA uas muaj feem, lossis lwm yam kev ua txhaum cai yam tsis muaj qhov ntshai txog kev ua pauj; thiab
• Kev ua kom ntseeg tau hais tias tau nqis tes ua cov kev npaj txog kev kho kom yog (corrective action plans; CAP, raws li sau hauv lus Askiv) thaum txheeb pom muaj kev tsis ua raws cai thiab hais tias cov CAP daws tau zoo txog lub hauv paus ntawm qhov teeb meem uas txheeb tau.

Tus Thawj Coj Ua Raws Cai - Tus Thawj Saib Xyuas Kev Ua Raws Cai, raws li kev taw qhia ntawm CCO, yuav tswj thiab saib xyuas qhov Kev Pab Cuam Txog Kev Ua Raws Cai hauv kev txhawb nqa Alliance cov hom phiaj, tswj hwm lub Alliance txoj haujlwm Kev Ua Raws Cai, thiab ua tus thawj coj ntawm Pawg Saib Xyuas Kev Ua Raws Cai. Tus Thawj Tswj Kev Ua Raws Cai muaj lub luag haujlwm rau kev nqis tes ua qhov Kev Pab Cuam Txog Kev Ua Raws Cai, uas xam muaj kev ua kom ntseeg tau tias tau nqis tes ua qhov Kev Pab Cuam Txog Kev Ua Raws Cai, kev tswj kev ceeb toom thiab cov kab kev ntawm kev tsis txaus siab, kev qhia cov txheej txheem daws thiab kho kom yog, thiab kev pab qhia cov kev hloov kho rau qhov Kev Pab Cuam Txog Kev Ua Raws Cai kom ua tau raws li qhov kev xav tau ntawm lub koom haum. Tus Thawj Tswj Kev Ua Raws Cai, koom tes nrog Pawg Saib Xyuas Kev Ua Raws Cai thiab cov neeg ua haujlwm, ua kom ntseeg tau hais tias tau ua cov dejnum hauv qab no tiag:

• Kev qhia thiab kev saib xyuas Alliance Cov Kev Pab Cuam Txog Kev Ua Raws Cai, uas xam muaj qhov Kev Pab Cuam Txog Kev Saib Xyuas Uas Muaj Tus Pab Ua, qhov Kev Pab Cuam ntawm HIPAA, Kev Pab Cuam Txog Kev Tshuaj Xyuas Sab Hauv thiab Kev Soj Ntsuam, thiab qhov Kev Pab Cuam Txog Kev Ncaj Ncees Ntawm Qhov Kev Pab Cuam txhawm rau ua kom ntseeg tau hais tias muaj kev ua raws li CCO cov hom phiaj uas tau hais tseg;
• Kev cuam tshuam nrog cov ceg haujlwm ntawm lub tuam txhab thiab kev koom nrog rau hauv thiab paub txog kev ua lag luam txhua hnub;
• Kev tswj cov txheej txheem uas txhawb cov neeg ua haujlwm kom ceeb toom txog cov kev txhawj xeeb txog kev ua raws cai yam tsis muaj kev ntshai txog kev ua pauj;
• Kev ua kom cov ntawv ceeb toom xwm txheej uas muaj feem ntawm FWA, kev nthuav qhia txog PHI, thiab kev tsis ua raws cai raug daws tawm, uas xam muaj cov kev saib xyuas txog kev tshuaj xyuas sab hauv thiab kev tsim cov kev nqis tes ua txog kev kho kom yog lossis kev qhuab qhia, yog tias tsim nyog;
• Kev tswj kev ua ntaub ntawv rau txhua tsab ntawv ceeb toom txog kev tsis ua raws cai uas muaj feem lossis FWA uas tau txais;
• Hauv kev koom tes nrog Alliance qhov Chaw Ua Haujlwm Saib Xyuas Kev Cob Qhia thiab Kev Tsim Kho, kev tsim cov kev pab cuam txog kev cob qhia los xyuas kom meej tias cov neeg ua haujlwm paub txog Alliance qhov Kev Pab Cuam Txog Kev Ua Raws Cai, Txoj Cai Kev Coj Ua, thiab txhua txoj cai raws cai lijchoj thiab txoj cai tswj hwm uas siv tau;
• Kev tswj cov kab ke ceeb toom txog kev ua raws cai thiab kev pib kev tshuaj xyuas los ntawm qhov Kev Pab Cuam Txog Kev Tshuaj Xyuas Sab Haud thiab Kev Soj Ntsuam, cov chaw khiav haujlwm, thiab lub luag haujlwm Kev Dawb Huv Ntawm Qhov Kev Pab Cuam, raws qhov tsim nyog;
• Kev ua kom ntseeg tau tias Alliance tsis ntiav lossis muab kev cog lus nrog cov neeg uas raug tshem tawm ntawm kev tuaj koom hauv cov kev pab cuam ntawm tsoom fwv tebchaws. Lub luag haujlwm no tau raug muab hloov mus rau Alliance lub Chaw Ua Haujlwm Saib Xyuas Neeg Ua Haujlwm, Lub Chaw Pab Cuam Kws Kho Mob, thiab qhov Chaw Saib Xyuas Kev Cog Lus Raws Kev Tswj Hwm; thiab,
• Kev saib xyuas kev tsim kho thiab kev nqis tes ua ntawm cov CAP.

Tus Thawj Saib Xyuas Kev Ua Raws Cai - Tus Thawj Saib Xyuas Kev Ua Raws Cai ceeb toom rau Tus Thawj Tswj Kev Ua Raws Cai thiab muaj lub luag haujlwm rau kev tswj hwm cov dejnum txhua hnub ntawm cov luag haujlwm tseem ceeb ntawm qhov Kev Pab cuam Txog Kev Ua Raws Cai, uas xam muaj Kev Pab Cuam HIPAA, Kev Pab Cuam Tshuaj Xyuas Sab Hauv thiab Kev Soj Ntsuam, Kev Pab Cuam Txog Kev Dawb Huv Ntawm Qhov Kev Pab Cuam, thiab Kev Pab Cuam Saib Xyuas Uas Muaj Neeg Pab.

Cov Kws Paub Tshwj Xeeb Fab Saib Xyuas Txog Kev Ua Raws Cai - Cov Kws Paub Tshwj Xeeb Fab Saib Xyuas Txog Kev Ua Raws Cai muaj lub luag haujlwm rau kev ua haujlwm txhua hnub ntsig txog kev nqis tes ua ntawm Alliance qhov kev pab cuam HIPAA, Kev Pab Cuam Txog Kev Dawb Huv Ntawm Qhov Kev Pab Cuam, Kev Pab Cuam Txog Kev Saib Xyuas Uas Muaj Tus Pab Ua, thiab Kev Pab Cuam Txog Kev Tshuaj Xyuas Sab Hauv thiab Kev Soj Ntsuam. Cov Kws Saib Xyuas Txog Kev Ua Raws Cai kuj tseem muaj lub luag haujlwm rau kev tswj xyuas cov kev tshuaj xyuas raws cai tswj hwm, uas xam muaj cov ntawv thov txog ntaub ntawv ua ntej yuav mus rau ntawm qhov chaw thiab nyob ntawm qhov chaw ua haujlwm thiab kev thauj mus los, thiab kev sib koom tes rau cov CAP uas yuav tsum muaj. Tej zaum kuj yuav muab lwm cov luag haujlwm raws li qhov tsim nyog.

Tus Thawj Saib Xyuas Cai Tswj Hwm- Tus Thawj Saib Xyuas Cai Tswj Hwm yuav ceeb toom rau Tus Thawj Tswj Kev Ua Raws Cai thiab muaj lub luag haujlwm kev saib xyuas cov dejnum txhua hnub ntawm Alliance txoj haujlwm raws txoj cai tswj hwm, uas xam muaj kev tshuaj xyuas thiab kev soj ntsuam txoj cai txhawb, kev tsim cai lijchoj thiab cov cai tswj hwm ntawm lub xeev thiab tsoom fwv tebchaws, uas cuam tshuam rau Alliance; kev tswj cov kab ke thiab cov txheej txheem txhawm rau txais nkag, txheeb xyuas thiab siv cov cai txhawb raws cai tswj hwm thiab cov xov xwm kev tsim cai; thiab kev ua kom ntseeg tau hais tias muaj kev xa kev ceeb toom txog qhov kev pab cuam raws sijhawm thiab yog mus rau cov kws tsim cai tswj hwm.

Cov Kws Saib Xyuas Cai Tswj Hwm - Cov Kws Saib Xyuas Cai Tswj Hwm muaj lub luag hauj lwm rau kev ua cov haujlwm txhua hnub uas ntsig txog kev siv cov kev cai tshiab, kev tsim kho thiab kev tswj hwm txoj cai txhawb, kev ceeb toom raws cai tswj hwm, thiab cov ntaub ntawv raws cai tswj hwm. Tej zaum kuj yuav muab lwm cov luag haujlwm raws qhov tsim nyog.

Tus Thawj Tswj Kev Txuas Lus Nrog Tsoom Fwv - Tus Thawj Tswj Kev Txuas Lus Nrog Tsoom Fwv (Government Relations Director; GRD, raws li sau hauv lus Askiv) yog qhov thawj kev tiv tauj rau cov koom haum saib xyuas cai tswj hwm thiab cov koom haum ntawm tsoom fwv. Tus Thawj Tswj Kev Txuas Lus Nrog Tsoom Fwv soj ntsuam cov kev cai hais txog kev tsim cai lijchoj, cai tswj hwm, thiab kev cog lus txhawm rau txheeb xyuas cov cai txhawb, cov qauv, cov cai lijchoj thiab cov cai tswj hwm tshiab lossis muaj kev hloov pauv uas tej zaum yuav cuam tshuam rau kev ua haujlwm ntawm qhov kev npaj thiab xyuas kom meej tias cov no yuav muab coj mus rau cov chaw saib xyuas haujlwm uas ntsig txog txhawm rau kev ntsuam xyuas thiab kev nqis tes ua.

KEV KAWM THIAB KEV COB QHIA

Raws li ib feem ntawm lawv qhov kev taw qhia thiab kev cob qhia, ces Alliance cov neeg ua haujlwm yuav raug qhia kom paub txog Alliance tej kev cog lus tias yuav ua kom tau raws cov qauv ntawm kev cog lus, kev cai tswj hwm thiab kev cai lijchoj. Cov neeg ua haujlwm tshiab tau txais kev cob qhia txog kev ua raws cai hais dav-dav thiab tau txais ib cov ntawv theej qauv ntawm Qhov Kev Npaj Txog Kev Ua Raws Cai, Txoj Cai Kev Coj Ua, thiab cov cai txhawb thiab cov txheej txheem uas cuam tshuam rau tus neeg ntawd cov kev feem xyuam haujlwm, raws qhov tsim nyog.

Cov kev cob qhia txog kev ua raws cai hais dav-dav yog muab ua nyob rau hauv qhov Chaw Kawm Ntawm Alliance (Alliance Learning Center; ALC, raws li sau hauv lus Askiv), ib tug qauv kev cob qhia hauv lub vevxais, rau txhua tus neeg ua haujlwm thaum ntiav ua haujlwm xub thawj. Lub Chaw Haujlwm Saib Xyuas Kev Kawm thiab Kev Tsim Kho kom ntseeg tau hais tias txhua tus neeg ua haujlwm tau txais kev cob qhia txog Alliance Txoj Cai Kev Coj Ua thiab Kev Npaj Txog Kev Ua Raws Cai tsis dhau 90 hnub tom qab hnub nkag ua haujlwm thiab txhua xyoo tom qab ntawd.

Cov neeg ua haujlwm tau txais kev cob qhia txog Alliance Txoj Cai Kev Coj Ua thiab Kev Npaj Txog Kev Ua Raws Cai, uas xam muaj xws li:

• Cov cai txhawb thiab cov txheej txheem cuam tshuam txog lawv txoj haujlwm txhawm kom ua tau raws li cov kev cai;
• Alliance txoj haujlwm Kev Dawb Huv Ntawm Qhov Kev Pab Cuam, uas xam muaj cov xov xwm hais txog Tsab Cai Hais Txog Kev Nqua Thov Txog Kev Ua Tsis Yog thiab Txoj Cai Hais Txog Kev Tiv Thaiv Kev Tuam Rov Qab;
• Kev cob qhia ua raws HIPAA, nrog rau qhov tseem ceeb ntawm kev ceev ntiag tug ntawm PHI;
• Ib qho kev ntsuam xyuas txog cov teeb meem kev ua raws cai thiab kev yuav ceeb toom li cas txog kev tsis ua raws cai uas muaj feem lossis FWA; thiab
• Yuav ua li cas tshaj tawm qhov xav tias tsis ua raws li txoj cai lijchoj lossis txoj cai rau Pab Pawg Siab Xyuas Haujlwm Ua Raws Cai.

Txhawm rau ntsuas qhov ua tau zoo ntawm qhov kev cob qhia no, cov neeg ua haujlwm yuav tsum tau sim ua ntej thaum ua ntej yuav mus rau tus qauv kev cob qhia tshwj xeeb thiab kev sim tom qab uas tiav qhov kev cob qhia. Cov txiaj ntsig ntawm cov kev sim no yuav qhia txog qhov kev nkag siab zoo dua txog ntawm Alliance qhov Kev Pab Cuam Txog Kev Ua Raws Cai los ntawm qhov kev cob qhia uas tau txais txiaj ntsig zoo. Cov neeg ua haujlwm yuav tsum tau qhab nia hla dhau txog 80% hauv qhov kev sim tom qab xeem txhawm rau tiav tus qauv kev cob qhia.

Cov tswvcuab ntawm Pawg Coj tau txais ib cov luam qauv ntawm Kev Npaj Txog Kev Ua Raws Cai, Txoj Cai Kev Coj Ua, thiab cov cai txhawb thiab cov txheej txheem uas cuam tshuam rau lawv qhov kev teem caij uas yog ib feem ntawm lawv qhov kev taw qhia. Ntxiv ntawd, cov tswvcuab ntawm Pawg Coj tau txais kev cob qhia txog kev ua raws cai hais dav-dav, uas xam muaj kev cob qhia txog kev tiv thaiv ntawm FWA, raws li yog ib feem ntawm lawv qhov kev taw qhia thiab nyob rau txhua xyoo tom qab ntawd.

Cov neeg ua haujlwm txog kev ua raws cai kuj tseem soj ntsuam cov ntawv ceeb toom yam tsis tu ncua kom ntseeg tau tias muaj qhov kev cob qhia hauv qab no:

• Hais txog cov neeg ua haujlwm ntawm lub Chaw Pab Cuam Tswvcuab, kev cob qhia yuav tsum duav txog Alliance cov cai txhawb thiab cov txheej txheem; cov kev pab cuam uas yuav tsum muaj raws kev cog lus rau txhua tus tswvcuab; yuav siv cov kev pab cuam hauv Medi-Cal li cas; yuav nkag mus tau rau cov kev pab cuam uas tsis duav nqi tau li cas; yuav ua kom tau txais cov ntawv xa mus rau cov peev txheej hauv zej zog tau li cas; yuav pab cov tswvcuab uas muaj kev tsis taus thiab muaj mob ncua ntev tau li cas; thiab kev cob qhia txog kev nyob nrog ntau haiv neeg, kev ncaj ncees thiab kev xam nrog (diversity, equity and inclusion; DEI, raws li sau hauv lus Askiv).
• Hais txog cov neeg ua haujlwm ua cov luag haujlwm raws li cov Ntawv Tuav Tseg txog Kev Sib Nkag Siab (Memorandum of Understanding; MOU, raws li sau hauv lus Askiv), kev cob qhia yuav tsum hais txog qhov yuav muab cov kev tsis txaus siab los hais li cas thiab kev yuav daws kev tsis sib haum xeeb ntawm ob tog hauv MOU li cas.
• Hais txog Cov Kws Kho Mob Hauv Pab Pawg, ces kev cob qhia yuav xam muaj ib qhov kev muab lub ntsiab txog ntawm qhov kev pab cuam txog Kev Saib Xyuas Uas Muaj Kev Tswj Hwm ntawm Medi-Cal; cov kev pab cuam uas duav nqi, cov cai txhawb thiab cov txheej txheem rau cov qauv kev kho mob uas tswj hwm kev tso cai ua ntej thiab kev tswj hwm txog kev siv; yuav xa mus rau thiab tham txog cov kev pab cuam tsis duav nqi li cas; cov kev pab cuam kho mob tiv thaiv uas xam muaj Kev Kuaj Xyuas Thaum Ntxov, Kev Kuaj Mob thiab Kev Sim (Early Periodic Screening, Diagnosis and Testing; EPSDT, raws li sau hauv lus Askiv); cov ntaub ntawv kho mob thiab cov kev cai teev zauv; cov kev cai ntawm qhov kev pab cuam Kev Tswj Hwm Kev Kho Mob Rau Pej Xeem; hauv kev nkag ntawm cov tswvcuab, uas xam muaj cov qauv rau lub sijhawm nyob tos ntawm kev teem caij, kev siv xov tooj, kev pab txhais lus thiab kev siv hom lus; cov tswv yim nthuav qhia ntaub ntawv uas muaj kev nyab xeeb; cov cai ntawm tswvcuab; kev cob qhia DEI; thiab cov lus qhia txog kev kho mob txheej siab.

COV KAB KEV SIB TXUAS LUS UAS TAU TXAIS TXIAJ NTSIM ZOO

Lub Alliance muaj cov kab ke raws cai thiab ib txwm ua ntawm kev sib txuas lus rau cov neeg ua haujlwm, cov neeg ua haujlwm raws kev cog lus, thiab cov tswvcuab. Lub Alliance txhawb kev sib txuas lus los ntawm ntau lub rooj sib tham thiab ntau tus txheej txheem, uas xam muaj cov rooj sib tham hauv Pawg Coj, cov rooj sib tham hauv Pab Pawg Saib Xyuas Kev Ua Raws Cai, Pab Pawg Saib Xyuas Kev Khiav Haujlwm, Tus Txheej Txheem Ntsuam Xyuas Ntawv Cog Lus Raws Kev Tswj Hwm, tus txheej txheem ntawm Txoj Cai Nkag Txhawb, kev sib sau ua ke ntawm txhua leej neeg ua haujlwm, cov rooj sib tham hauv chaw saib xyuas haujlwm raws li ib txwm, cov rooj sib tham ntawm pab pawg saib xyuas sab haud, thiab cov kev sib txuas lus ntawm cov kws kho mob thiab cov tswvcuab uas tsis tau npaj siab ua ntej. Tsis tas li ntawd, muab cov xov xwm tham mus rau cov tswvcuab ntawm Pawg Coj, cov neeg ua haujlwm, cov neeg ua haujlwm raws kev cog lus, thiab cov tswvcuab los ntawm kev xa email tseb tawm, cov vevxais sab haud thiab sab nraud, cov ntawv ceeb toom, ntawv xov xwm, thiab cov phau ntawv qhia.

Txoj cai txhawb thiab cov txheej txheem ua kom ntseeg tau tias cov neeg ua haujlwm nkag siab thiab ua lawv cov luag haujlwm raws li lawv txoj haujlwm thiab txoj cai lijchoj uas siv tau. Cov neeg ua haujlwm muaj lub luag haujlwm rau kev ua raws li cov cai txhawb thiab cov txheej txheem uas cuam tshuam rau cov lus piav qhia txog txoj haujlwm thiab cov neeg ua haujlwm raws kev cog lus uas muaj lub luag haujlwm rau kev ua raws li lawv cov luag haujlwm raws kev cog lus.

Lub Alliance cia siab tias txhua tus tswvcuab ntawm Pawg Coj, cov neeg ua haujlwm, thiab cov neeg ua haujlwm raws kev cog lus yuav ceeb toom txog cov teeb meem kev ua raws cai uas xam muaj kev ua tsis raws cai, kev tsis ncaj ncees thiab/lossis tus cwj pwm tsis raug cai. Tag nrho cov teeb meem kev ua raws cai hais txog qhov muaj peev xwm FWA lossis HIPAA kev txhawj xeeb yuav tsum tau tshaj tawm tam sim ntawd rau lub Chaw Haujlwm Saib Xyuas Kev Ua Raws Cai rau kev tshawb xyuas los ntawm Pab Pawg Saib Xyuas Kev Ua Raws Cai.Cov ntawv ceeb toom txog ntawm kev tsis ua raws li cov qauv yuav raug muab tshuaj xyuas los ntawm cov thawj saib xyuasthiab/lossis cov neeg ua haujlwm and cov thawj coj hauv lub Chaw Haujlwm Saib Xyuas Kev Ua Raws Cai, raws li qhov tsim nyog, thiab yuav muab xa mus rau Pab Pawg Saib Xyuas Kev Ua Raws Cai raws li qhov tsim nyog. Pab Pawg Saib Xyuas Kev Ua Raws Cai yuav ntsuam xyuas cov ntawv ceeb toom no thiab ua kom ntseeg tau hais tias tau nqis tes ua thiab soj ntsuam txog kev kho kom yog txhawm rau ua kom tau txais txiaj ntsig zoo.

Lub Alliance txhawb kom cov neeg ua haujlwm sib tham txog cov teeb meem ncaj qha nrog lawv tus thawj saib xyuas lossis tus thawj tswj hwm, cov neeg ua haujlwm hauv lub Chaw Haujlwm Saib Xyuas Kev Ua Raws Cai, Tus Thawj Tswj Neeg Ua Haujlwm, lossis Tus Thawj Kws Ceev Xwm Txog Kev Tswj Hwm. Yog tias cov neeg ua haujlwm mloog tau hais tias tsis xav ceeb toom cov kev txhawj xeeb ncaj qha, ces lawv tuaj yeem ua qhov tsis qhia npe los ntawm Tus Xov Tooj Tham Lus Tsis Pub Paub Txog Tus Kheej. Cov neeg ua haujlwm tuaj yeem ua kom paub tseeb tias lawv tuaj yeem ceeb toom cov teeb meem lossis kev txhawj xeeb txog kev ua raws cai yam tsis muaj kev pheej hmoo txog kev ua pauj. Alliance muaj txoj cai txhawb uas tsis muaj kev zam txim rau kev ua pauj lossis ua pauj rov qab rau tus neeg ua haujlwm uas muaj lub siab dawb ceeb toom txog kev ua txhaum cai uas muaj feem.

Lub Alliance tus Xov Tooj Tham Lus Tsis Pub Paub Txog Tus Kheej tuaj yeem siv tau ib hnub 24 xuab moos txhawm rau ceeb toom txog kev ua txhaum cai, lossis tej ua txhaum cai uas muaj feem rau txoj cai lijchoj thiab/lossis qhov Kev Pab Cuam Txog Kev Ua Raws Cai nrog rau cov kev txhawj xeeb ntawm cov kev coj ua ntawm Alliance cov neeg ua haujlwm, xws li kev iab liam txog ntawm kev sib cais, kev tsim txog lossis kev kho mob tsis zoo. Tsis tas li ntawd, cov neeg ua haujlwm tuaj yeem siv Alliance lub vevxais uas Tsis Qhia Txog Tus Kheej.

TUS XOV TOOJ HU CEEV TXOG KEV NTHUAV QHIA TXOG YAM ZAIS CIA UAS YOG XOV TOOJ HU DAWB

844-910-4228

LUB VEVXAIS UAS TSIS QHIA TXOG TUS KHEEJ

https://ccah.ethicspoint.com

Cov xov xwm ntawm kev ceeb toom ntxiv yog nyob rau ntawm peb nplooj ntawv hauv Intranet Hais Txog Kev Ua Raws Cai. Alliance yuav muab txhua yam lus ceeb toom txog kev ua txhaum cai, lossis tej kev ua txhaum cai uas muaj feem coj los taug kom zoo thiab muaj lub siab tshuaj xyuas txhua yam kev txhawj xeeb uas tau ceeb toom tam sim ntawd thiab tsis pub leej twg paub txog qhov yuav ua tau.

Lub Alliance tseem tswj hwm cov kab ke ceeb toom hauv nws lub vevxais rau sawv daws uas tso cai rau cov tswvcuab, cov Kws Kho Mob Hauv Pab Pawg, Cov Neeg Ua Haujlwm Raws Kev Cog Lus Txuas Ntxiv, lossis lwm tus neeg lossis lwm lub koom haum xa cov lus ceeb toom txog kev tsis ua raws cai, uas xam muaj cov lus ceeb toom tsis qhia npe yog tias xav tau.

KEV SOJ NTSUAM THIAB KEV TSHUAJ NTSUAM LOS TXHEEB XYUAS TXOG KEV PHEEJ HMOO NTAWM KEV UA RAWS CAI

Lub Alliance ua cov dejnum kev soj ntsuam thiab kev tshuaj xyuas cov dejnum txhawm rau sim thiab qhia tseeb txog kev tau txais txiaj ntsig zoo ntawm qhov Kev Pab Cuam Txog Kev Ua Raws Cai, kom ntseeg tau tias cov kev khiav haujlwm raws qhov kev npaj mus raws li cov kev cai ntawm kev cog lus, kev cai lijchoj, thiab kev cai tswj hwm, thiab txheeb xyuas Alliance cov cheeb tsam uas muaj kev pheej hmoo hauv lub koom haum. Qhov no xam muaj kev ntsuam xyuas txog cov chaw ua haujlwm uas pab ua - Cov Neeg Ua Haujlwm Raws Kev Cog Lus Txuas Ntxiv thiab Cov Neeg Ua Haujlwm Raws Kev Cog Lus Txuas Ntxiv Tom Ntsis - rau kev ua raws li cov qauv, uas mus raws li qhov Kev Npaj Txog Kev Ceeb Toom thiab Kev Ua Raws Cai Uas Muab Rau Lwm Tus Pab.

Txhawm rau ua raws li cov kev cai ntawm cai tswj hwm thiab kev cog lus, Alliance yuav ua cov kev tshuaj xyuas sab hauv ib txwm hauv cov cheeb tsam muaj kev pheej hmoo uas txheeb pom thiab soj ntsuam yam xwm yeem txog kev ua haujlwm raws qhov kev npaj los ntawm Alliance Daim Phiaj Tshaj Tawm. Alliance kuj tseem yuav raug tshuaj xyuas sab nrauv los ntawm cov koom haum ntawm tsoomfwv thiab lub xeev raws kev koom tes nrog qhov Kev Pab Cuam Medi-Cal thiab nws txoj kev lag luam hais txog Kev Pab Tu Neeg Hauv Tsev (In-Home Supportive Services; IHSS, raws li sau hauv lus Askiv).

Txhua xyoo, cov neeg ua haujlwm ntawm lub Chaw Ua Haujlwm Saib Xyuas Kev Ua Raws Cai yuav ua qhov Kev Ntsuam Xyuas Txog Kev Pheej Hmoo Ntawm Kev Ua Raws Cai thiab tsim ib qho Kev Npaj Txog Kev Tshuaj Xyuas Sab Hauv thiab Haujlwm Kev Soj Ntsuam uas teev txog cov cheeb tsam kev pheej hmoo uas txheeb pom rau kev tshuaj xyuas sab hauv. Tus Thawj Tswj Xyuas Kev Ua Raws Cai yuav saib xyuas qhov Kev Npaj Txog Kev Tshuaj Xyuas Sab Hauv thiab Haujlwm Kev Soj Ntsuam, kev ua kom ntseeg tau tias muaj kev tshuaj xyuas sab hauv, tau txheeb xyuas qhov tsis txaus, tau tsim cov ntawv ceeb toom, thiab kev nqis tes kho kom yog, raws li qhov tsim nyog.

COV QAUV NTAWM TXOJ CAI QHUAB QHIA

Lub Alliance tsis tso cai rau ib qho kev coj ua uas cuam tshuam tsis zoo rau kev ua haujlwm, lub luag haujlwm, lossis lub koob npe ntawm Alliance. Alliance yuav ua kom ntseeg tau hais tias cov qauv thiab cov cai txhawb thiab cov txheej txheem raug muab siv yam zoo sib xws los ntawm cov kab ke qhuab qhia. Ib tug neeg ua haujlwm lossis ib tug neeg ua haujlwm raws kev cog lus uas ua txhaum cai lijchoj lossis cai tswj hwm (nce raws qhov loj me ntawm qhov ua txhaum cai) yuav raug qhuab qhia mus txog, thiab xam muaj, kev tshem tawm haujlwm lossis tshem lawv daim ntawv cog lus ua haujlwm.

Nyob rau hauv qhov kev tshwm sim ntawm kev nrhiav tau ntawm txoj dejnum ntawd, Alliance yuav muaj kev nqis tes ua tam sim ntawd txhawm rau kho qhov teeb meem thiab tej zaum yuav muaj kev qhuab qhia raws li qhov tseeb thiab cov xwm txheej ntawd.

KEV DAWS COV TEEB MEEM HAIS TXOG KEV UA RAWS CAI

Raws li kev txheeb xyuas txog qhov kev tsis ua raws li tus qauv tshwj xeeb lossis txoj kev cai, Alliance yuav siv cov kauj ruam kev nqis tes ua uas tsim nyog txhawm rau kho thiab tiv thaiv kev tsis ua raws li txoj cai uas tswm sim ntau zaus. Cov kauj ruam no yuav xam muaj kev nthuav qhov xwm txheej rau cov koom haum tuav cai tswj hwm uas tsim nyog, kev rov cob qhia cov neeg ua haujlwm, thiab kev hloov kho Alliance cov cai tswj hwm thiab cov txheej txheem hauv kev mob siab ua kom tsis txhob rov muaj dua nyob rau yav tom ntej. Cov neeg ua haujlwm txog kev ua raws cai yuav nqis tes ua thiab teev ntaub ntawv saib xyuas qhov kev kho kom yog kom ntseeg tau tias qhov kev tsis ua raws cai tau muaj tsawg zuj zus yam tau txais txiaj ntsig zoo lawm. Tej teeb meem yuav raug muab coj mus rau Pab Pawg Saib Xyuas Kev Ua Raws Cai txhawm rau muab sib tham, thiab Pab Pawg Saib Xyuas Kev Ua Raws Cai muaj lub luag haujlwm rau kev ua kom ntseeg tau hais tias tau muab cov teeb meem kho lawm.

Keeb Kwm Kho Dua:

APPENDIX A – UA TSAUG NTAU TSHAJ PLAWS thiab txheej txheem