Tsev > Rau Cov Tswvcuab > Cov Kev Pab Cuam Tswvcuab > Ntaub ntawv rau kab mob COVID-19

Cov Lus Qhia Txog Tus Kab Mob COVID-19 rau Cov Tswvcuab

Kab mob COVID-19 muaj cov kev pib mob zoo li cas?

Lub Chaw Pab Tiv Thaiv Kab Mob Thiab Pab Tswj Mob (Centers for Disease Control; CDC, raws li sau huav lus Askiv) tau co lus qhia rau daim ntawv teev cov tsos mob COVID-19 los ntxiv ntau cov tsos mob, uas pib ntawm qhov mob me mus rau qhov mob hnyav. Cov tsos mob yuav pib tshwm sim rau 2-14 hnub tom qab kis tau tus kab mob thiab tej zaum yuav muaj cov tsos mob xws li.

Cov tsos mob ntawm tus kab mob COVID-19 yuav muaj xws li:

Yog tias koj muaj ib co tsos mob xwm txheej ceev raws li hauv qab no, hu rau 9-1-1 lossis mus rau lub chav kho mob xwm txheej ceev uas nyob ze koj tshaj:

Muaj teeb meem ntawm kev ua pa.
Muaj kev mob heev lossis ceev hauv siab.
Kev tsis meej peb
Sawv tsis taus lossis nyob sawv tsis taus.
Tawv nqaij, di ncauj, lossis rau tes rau taw uas dag ntseg, xim tshauv lossis xim xiav (nyob ntawm seb tawv nqaij ib txwm yog xim dab tsi).

Thov hu koj tus kws kho mob yog tias muaj lwm yam tsos mob uas yuav mob hnyav lossis ua rau koj txhawj.

Rau cov neeg uas muaj mob nkeeg yam uas yuav mob mus ntev lossis cov neeg laus, tej zaum yuav muaj tau cov tsos mob phomsij zog yam uas txov tau txoj siab. Cov neeg muaj mob hawb pob thiab lwm yam kev mob nkeeg haj yam muaj feem yauv muaj teeb meem los ntawm tus kab mob COVID-19.

Kuv yuav ua li cas yog tias kuv ntseeg tias kuv raug tus kab mob COVID-19?

Kuv yuav ua li cas yog tias kuv tsim cov tsos mob ntawm COVID-19?

Yog koj muaj COVID-19 cov tsos mob, koj yuav tsum:

Rho tawm tam sim ntawd. Xyuas kom paub tseeb tias yuav tsum ua raws li cov kev cai rau kev cais tawm thiab rho tawm.
Mus kuaj COVID-19. Nyob twj ywm hauv tsev kom txog thaum koj paub qhov tshwm sim. Yog kuaj tau tias kis tau tus kab mob COVID-19, ua raws li cov lus qhia nyob rau seem tom ntej no.
Hu rau koj tus kws kho mob txog kev kho mob tam sim ntawd. Koj yuav kho tau cov kev kho mob me ntsis rau COVID-19 cov tsos mob. Tsis txhob tos saib seb koj puas mob.

Kuv yuav ua li cas yog tias kuv kuaj tau tías kuv kis tau tus kab mob COVID-19?

Yog tais koj kuaj tau tias kis tau tus kab mob COVID-19:

Xyuas kom nyob twj ywm hauv tsev yam tsis dhau 5 hnub. Rho koj tus kheej los ntawm lwm tus neeg hauv koj tsev thiab saib xyuas koj cov tsos mob.
Hu rau koj tus kws kho mob txog kev kho mob tam sim ntawd. Koj yuav kho tau cov kev kho mob me ntsis rau COVID-19 cov tsos mob. Tsis txhob tos saib seb koj puas mob.
Tom qab rho tawm li 5 hnub, koj yuav xaus koj rho tawm yog tias koj ua npaws tsis pub dhau 24 xuab moos thiab koj cov tsos mob yuav zoo tuaj.

Yog koj muaj tej yam xwm txheej ceev heev, xws li ua pa nyuaj, hu rau 911 lossis mus rau. chav xwm txheej ceev.

Cov ntaub ntawv muaj ntxiv txog kev rho tawm nyob hauv CDC lub npooj ntawv.

Kuv yuav tsum tau cov kev pab tu COVID-19 li cas?

Kev mus kuaj mob ceev yuav tsum muaj

Yog tias koj muaj COVID-19 cov tsos mob, koj yuav tsum mus rau kev mus kuaj mob ceev. Kev mus kuaj mob ceev yog kev kho mob rau koj xav tau li ntawm 48 teev kom tsis txhob muaj kev puas tsuaj loj rau koj tus mob, raug mob los yog lwm yam teeb meem uas koj twb muaj lawm.

Tsis tau ntsib koj tus kws kho mob? Hu rau Tus Xov Tooj Nug Kev Pab Los Ntawm Tus Kws Tu Neeg Mob.

Yog koj mus ntsib tsis tau koj tus kws kho mob thiab koj muaj COVID-19 cov tsos mob lossis yog kuaj tau tais koj muaj tus kab mob COVID-19, koj hu tau rau Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line; NAL, raws li sau hauv lus Askiv). Tus saib xyuas neeg mob yuav pab koj txiav txim seb yuav ua li cas ntxiv. Lub NAL muaj 24 teev, 7 hnub ib asthiv. Nws ceev, yooj yim thiab tsis them nqi dab tsi rau koj. Hu rau: 844-971-8907. TTY: Ntaus 711.

Thaum mus rau hoob kho mob xwmtxheej ceev

Saib xyuas koj cov tsos mob thiab mus txais kev kho mob tam sim ntawd yog koj muaj tej cim mob uas ceeb toom tias yog xwmtxheej ceev (tej no yog kev ua tsis taus pa, kev mob heev yam tsis txawj ntaug lossis ceev hauv siab, kev tsis meej pem, kev sawv tsis taus lossis nyob sawv tsis taus, lossis muaj daim tawv nqaij, di ncauj thiab/lossis rau tes rau taw xim xiab).

Cov kev kho mob rau tus kab mob COVID-19

Cov kev pab kho tus kab mob COVID-19 yuav pab cov neeg rov qab zoo sai dua lossis yuav tiv thaiv cov neeg uas lawv lub cev tsis muaj zog tua kab mob. Yog tias koj muaj COVID-19 cov tsos mob thiab kuaj tau tias kis tau tus kab mob lawm, koj yuav tau txais kev pab kho tam sim ntawd.

COVID-19 medications are now available through your doctor, local pharmacies and health clinics. Contact your health care provider for more information.

Tsis Txhob Tos: Kev Mus Kuaj Sai thiab Kuaj Ntxov muaj cov lus pab kom koj nco ntsoov mus Kuaj los Kho los ntawm lub CDC.

Kuv yauv ua li cas thiaj saib xyuas tau ib tug ntawm kuv tsev neeg uas muaj tus kab mob COVID-19?

Kev kuaj tus mob COVID-19 muaj rau txhua tus neeg.

Thov nco ntsoov tias tej chaw uas tej zaum yuav raug them rau kev tshuaj ntsuam los yog kho. Mus xyuas California Department of Public Health lub vevxais mus nrhiav ib qhov chaw kuaj tau. Koj siv tau daim "Filter results" dropdown mus nrhiav qhov chaw uas muaj kev kuaj dawb thiab/lossis kho. Nyem "Kawm ntxiv" mus xyuas seb ib qhov chaw twg muaj kev kuaj ntawd, yuav tsum tau teem sijhawm los yog tsub rau cov nqi tes.

Nws muaj cov khoom kuaj seb puas muaj tus kab mob COVID-19 tom tsev.

Koj tuaj yeem yuav cov kauj seb puas muaj tus kab mob saum ooslais lossis hauv khw muag tshuaj thiab kwh muag khoom. Tej xaum koj kuj tuaj yeem tau txais cov khoom kuaj tsis them nqi rau koj los ntawm lub chaw saib xyuas kev noj qab haus huv hauv zos.

Kawm ntxiv kom paub txog cov khoom sim kuaj seb puas muaj tus kab mob tom tsev saum lub CDC nplooj ntawv qhia txog Kev Sim Kuaj Tus Kheej Tom Tsev lossis Ib Qho Chaw Twg.

Kuv yauv ua li cas thiaj saib xyuas tau ib tug ntawm kuv tsev neeg uas muaj tus kab mob COVID-19?

Thaum twg kuv mam li tawm tau hauv tsev mus rau sab nraum tom qab muaj tus kab mob COVID-19 lawm?

Lus Qhia Txog Koob Txhaj Tshuaj Tiv Thaiv Kab Mob COVID-19 rau Cov Tswvcuab Medi-Cal

Leej twg tuaj yeem txhaj tshuaj tau vav xees COVID-19?

Txhua tus neeg uas muaj noob nyoog 6 lub hli thiab laus dua los txais tau koob tshuaj txhaj tiv thaiv kab mob COVID-19 los tau. Yog tias koj muaj lus nug txog koob tshuaj txhaj tiv thaiv kab mob COVID-19 rau koj tus kheej lossis rau koj tus menyuam, ces nrog koj tus kws kho mob tham lossis mus xyuas lub CDC lub vevxaib.

Kuv yuav tsum tau txais koob tshuaj txhaj tiv thaiv kab mob COVID-19 twg thiab thaum twg?

Yog xav paub ntxiv txog seb koob tshuaj txhaj tiv thaiv kab mob COVID-19 twg zoo rau koj thiab koj tsev neeg, mus xyuas daim ntawv Qhia Txog Cov Sijhawm Mus Txais Koob Tshuaj Txhaj Tiv Thaiv Kab Mob COVID-19. Nws qhia txog seb hom koob tshuaj txhaj tiv thaiv kab mob twg zoo nyob ntawd cov noob nyoog thiab thaum twg yuav tau mus txais ib koob tshuaj txhaj tiv thaiv kab mob. Nws muaj lus qhia txog cov kev mus txais kom raws sijhawm thiab ib daim duab qhia rau cov neeg uas muaj pheej hmoo nyob ntawd nruab nrab lossis siab vim lawv lub cev tsis muaj zog tua kab mob.

Ceev Maj No Cov Koob Tshuaj Tiv Thaiv

Cov koob tshuaj txhaj txhawb zog tiv thaiv kab mob COVID-19 raug pom zoo los ntawm Lub Chaw Pab Tiv Thaiv Kab Mob Thiab Pab Tswj Mob (Centers for Disease Control; CDC, raws li sau hauv lus Askiv). Cov koob tshuaj txhaj txhawb zog pom zoo rau cov neeg laus thiab cov menyuam uas muaj noob nyoog txij li 5 xyoo.

Xwv kom muaj xov xwm ntxiv txog kev xaiv koob tshuaj txhawb zog tiv thaiv kab mob COVID-19 thiab seb leej twg txais tau koob tshuaj txhawb zog, thov mus saib CDC qhov vevxais txog koob tshuaj txhawb zog.

CDC yuav muab lus qhia tshwj xeeb txog tej koob tshuaj txhaj thawj zaug ntxiv thiab koob tshuaj txhawb zog rau cov neeg uas lawv lub cev rab peev xwm ntaus kab mob raug txo lawm. Kom tau xov xwm ntxiv, mus saib CDC qhov vevxais txog Tej Koob Tshuaj Tiv Thaiv Kab Mob COVID-19 rau Cov Neeg uas Lawv lub Cev Rab Peev Xwm Ntaus Kab Mob Raug Txo Hauj Sim lossis Raug Txo Heev.

Koj tuaj yeem npaj sij hawm mus txhaj tshuaj tiv thaiv kab mob sai li sai sau Myturn lub vevxais lossis hu rau 833-422-4255. Koj kuj tuaj yeem hu xoov tooj rau koj tus kws kho mob teem sijhawm mus txhaj ib koob tshuaj tiv thaiv kab mob sai li sai.

Lus qhia tshiab txog cov tshuaj txhaj txhab ntxiv khub tshiab tiv thaiv kab mob COVID-19

Lub CDC cov lus qhia tshiab txog cov tshuaj txhaj txhab ntxiv khub tshiab tiv thaiv kab mob COVID-19 rau cov neeg uas muaj feem tau txais koob tshuaj txhab ntxiv.

Cov koob tshuaj txhab ntxiv yog hu ua "khub tshiab" vim nws pab pov thaiv koj tawm tsam tus vais lav thaum xub thawj nrog rau hom mob Omicron tawm tshiab. Rau lub qhia txog kev xaiv koj koob tshuaj txhaj txhab ntxiv khub tshiab tiv thaiv kab mob COVID-19 thiab seb leej twg txais tau koob tshuaj txhab ntxiv, thov mus saib CDC qhov vev xaib.

Rau lub qhia txog kev xaiv koj koob tshuaj txhaj txhab ntxiv khub tshiab tiv thaiv kab mob COVID-19 thiab seb leej twg txais tau koob tshuaj txhab ntxiv, thov mus saib CDC qhov vev xaib. koob tshuaj txhaj thawj zaug webpage.

Koj tuaj yeem teem sij hawm txog koob tshuaj txhab ntxiv nyob hauv lub vev xaib Vaccines.gov Nrhiav qhov chaw txhaj koob tshuaj txhab ntxiv khub tshiab, xaiv cov npov “Newly Authorized Bivalent (Tso Cai Koob Tshuaj Txhab Ntxiv Khub Tshiab)” nyob hauv qab qhov xaiv “Show COVID19 Vaccines and Boosters (Tso Saib Cov Tshuaj Tiv Thaiv Kab Mob COVID-19 thiab Cov Koob Tshuaj Txhab Ntxiv).”

Koob tshuaj txhaj tiv thaiv kab mob COVID-19 yog ib hom tshuaj uas muaj kev nyab xeeb thiab zoo.

Cov koob tshuaj txhaj tiv thaiv kab mob COVID-19 yeej muaj kev nyab xeeb thiab yuav pab tau. Lus qhia pab txog kev nyab xeeb ntawm kev tshuaj txhaj tiv thaiv kab mob COVID-19 muaj nyob ntawm lub CDC vevxais nplooj ntawv.

Cov tswvcuab Medi-Cal tuaj yeem tau txais koob txhaj tshuaj tiv thaiv kab mob COVID-19 yam tsis tas them nqi.

Hom koob tshuaj txhaj tiv thaiv kab mob COVID-19 uas tau tawm tshiab yog ib txoj hauv kev uas yuav muab kev nyab xeeb rau peb cov zej zog thiab lub neej kom peb tig tau rov qab nrawm dua kom mus zoo li ib txwm muaj.
Lub Alliance tau cog lus los txhawb nqa koj thiab koj tsev neeg li kev noj qab haus huv.

Koj pab tiv thaiv tau koj tus kheej thiab cov neeg uas nyob ib ncig ntawm koj thaum koj txais koob tshuaj txhaj tiv thaiv kab mob.

Pab tiv thaiv koj tsev neeg tag nrho thaum koj thiab koj cov menyuam uas muaj noob nyoog 6 lub hli thiab laus dua txais koob tshuaj txhaj tiv thaiv COVID-19.
Qhov kev pheej hmoo yuav muaj mob heev los ntawm tus kab mob COVID-19 yeej loj zuj zus thaum yus laus dua.

Qhov kev pheej hmoo yuav muaj mob heev los ntawm tus kab mob COVID-19 yeej loj zuj zus thaum yus laus dua.
Kev txais koob tshuaj txhaj tiv thaiv tus kab mob COVID-19 yog ib kauj ruam tseem ceeb kom pab tiv thaiv kev raug mob los ntawm tus kab mob COVID-19.

Tom qab txais koob tshuaj txhaj tiv thaiv kab mob COVID-19, tej zaum koj yuav muaj lwm yam mob tshwm sim los ntawm cov tshuaj. Tej co mob no qhia tias koj lub cev tab tom tsim kev pov hwm los tiv thaiv koj.
Yog tias koj tau txais koob tshuaj txhaj tiv thaiv kab mob tag nrho lawm, koj tseem yuav tsum ua raws li tej kev cai ua los ntawm lub tsoom fwv teb chaws, lub xeev, thiab zej zog cov thawj coj, lossis nyob hauv koj qhov chaw ua haujlwm thiab tej lub lag luam hauv zej zog.
Cov tswvcuab uas yuav tsum nyob hauv tsev muaj cov kev pab ntau uas lawv siv tau yog lawv xav txais koob tshuaj txhaj tiv thaiv kab mob nyob ntawm lawv tsev los ntawm myturn.gov lub vev xaib (website).

Nram qab no yog ob peb yam uas koj yuav tau ua kom thiaj paub txog kev teem caij mus txhaj tshuaj tiv thaiv kab mob COVID-19:

Sau npe saum ooslais rau ntawm California lub vev xaib (vevxais) sau npe teem caij txhaj tshuaj tiv thaiv kab mob COVID-19.
Hu rau California tus xov tooj qhia xov xwm ceev txog COVID-19. Ib tug neeg uas muaj sia nyob yuav pab koj sau npe teem caij txhaj tshuaj tiv thaiv kab mob. Kom siv tau qhov kev pab no:
- Hu rau 833-422-4255.
- Koj yuav hnov 7 qhov uas koj xaiv tau. Nyob rau ntawm koj lub xov tooj cov leb uas nias tau, nias tus 1 kom hnov tau lus Askiv, nias tus 2 kom tau lus Mev., lossis nias tus leb 3 yog koj xav tau lwm hom lus.
- Qhov kev pab no yeej muaj hnub Monday txog hnub Friday thaum 8 a.m. mus txog 8 p.m. thiab hnub Saturday thiab hnub Sunday thaum 8 a.m. mus txog 5 p.m.
Yog tias koj muaj lus nug txog cov koob txhaj tshuaj tiv thaiv kab mob, mus xyuas hauv koj lub nroog qhov chaw saib xyuas kev noj qab haus huv rau pej xeem lub vevxais:

Lus Qhia Rau Cov Pojniam Xeebtub thiab Kev Pub Mis Niam Thaum Lub Sijhawm Muaj Tus Kab Mob COVID-19 Sib Kis

Cov pojniam uas xeebtub feem ntau ntsib kev phom sij uas yuav ua rau lawv mob heev thaum raug tus kab mob COVID-19 ntau tshaj dua cov neeg uas tsis xeebtub. Yog tias koj xeebtub thiab kis tau tus kab mob COVID-19, koj yuav ntsib kev phom sij rau koj lub cev xws li kev mob ntshav siab, kev kub ntxhov nrog koj li ntshav, kev tuag tau thiab menyuam tuag tau hauv plab.

Yog tias koj xeebtub lossis pub mis niam, koj kuj tuaj yeem mus txais koob txhaj tshuaj tiv thaiv tus kab mob COVID-19 tau. Kev mus txais koob txhaj tshuaj tiv thaiv kab mob thaum koj xeebtub tuaj yeem pab tiv thaiv rau koj tej yam mob los ntawm tus kab mob COVID-19.

Yog tias koj muaj lus nug dab tsi txog koob txhaj tshuaj tiv thaiv kab mob, nrog koj tus kws kho mob tham. Koj kuj tuaj yeem nyeem Lub Chaw Pab Tiv Thaiv Kab Mob Thiab Pab Tswj Mob (Centers for Disease Control; CDC, raws li sau huav lus Askiv) cov ntaub ntawv qhia txog Cov Koob Txhaj Tshuaj Tiv Thaiv Tus Kab Mob COVID-19 Thaum Xeebtub lossis Pub Niam Mis kom paub ntxiv. (Lus Qhia Cia: Lub vevxais no tsuas muab sau uas lus Askiv thiab Mev xwb.)

Yog koj muaj lus nug txog koob tshuaj txhaj tiv thaiv kab mob no, mus xyuas koj lub cheeb nroog lub chaw muab kev pab saib xyuas kev noj qab haus huv rau pej xeem lub vevxais lossis hu tus xov tooj muab kev pab qhia rau koj lub cheeb nroog.

Merced

Cheeb Nroog Meced Lub Chaw Pej Xeem Kev Noj Qab Haus Huv

Tus xov tooj muab kev pab qhia: 209-381-1200 (Hnub Monday-Friday, 8 a.m. mus txog 6 p.m.)

Cheeb Nroog Monterey

Cheeb Nroog MonterLub Chaw Kev Pab Kho mob

Tus xov tooj muab kev pab qhia: 831-769-8700 (Hnub Monday-Friday, 8 a.m. mus txog 5 p.m.)

Cheeb Nroog Santa Cruz

Lub Cheeb Nroog Santa Cruz Lub Chaw Muab Kev Pab Cuam Saib Xyuas Kev Noj Qab Haus Huv (Santa Cruz County Health Services)

Tus xov tooj muab kev pab qhia: 831-454-4242 (Hnub Monday-Friday, 8 a.m. mus txog 5 p.m.)

Tiv thaiv koj tus kheej: zam cov kev dag ntxias rau koob tshuaj txhaj tiv thaiv tus kab mob COVID-19.

Tsis txhob qhia koj cov ntaub ntawv kev noj qab haus huv ntiag tug lossis cov ntaub ntawv qhia txog koj tus Lej Xaus Saus, cov lej credit card lossis tus as khauj (account) tuam nyiaj nrog cov tib neeg uas koj tsis paub.

Nco ntsoov, Medi-Cal cov tswvcuab yuav tau txais cov tshuaj txhaj tiv thaiv kab mob COVID-19 yam tsis tau them nqi.

Yog koj ntseeg tias koj tau raug kev tsim txom vim qhov kev dag ntxias los ntawm tus kab mob COVID-19, thov qhia txog qhov uas tau tshwm sim saum Internet mus rau Tsoom Fwv Pab Pawg Tswj Xyuas Lag Luam (Federal Trade Commission).

Koj kuj tuaj yeem hu xov tooj tau rau Teb Chaws Mekas Lub Tuam Tsev Haujlwm Saib Xyuas Kev Noj Qab Haus Huv thiab Kev Pab Pej Xeem Lub Chaw Ua Haujlwm Soj Ntsuam Txog Kev Ua Raws Txoj Cai (U.S. Department of Health and Human Services Office of Inspector) ntawm 800- HHS-TIPS (800-447-8477).

Paub Qhov Tseeb Hais Txog Cov Koob Txhaj Tshuaj Tiv Thaiv Kab Mob COVID-19

Tej zaum koj tau hnov cov lus xaiv hais txog koob tshuaj txhaj tiv thaiv kab mob COVID-19, thiab tej zaum koj muaj lus nug. Nws yog ib qho tseem ceeb kom tau txais cov lus qhia txog koob tshuaj txhaj tiv thaiv kab mob los ntawm cov chaw ua tuaj yeem ntseeg siab tau. Cov no suav nrog rau:

Lub Chaw Tiv Thaiv Kab Mob Thiab Pab Tswj Mob (CDC, raws li sau hauv lus Askiv)..
Koj lub cheeb nroog lub chaw muab kev pab saib xyuas kev noj qab haus huv rau pej xeem ( Merced | Cheeb Nroog Monterey | Cheeb Nroog Santa Cruz).
Koj tus thawj tus kws kho mob (primary care provider; PCP, raws li sau hauv lus Askiv).

Xya Yam Qhia Tseeb Kom Paub Txog Koob Txhaj Tshuaj Tiv Thaiv Kab Mob

Kev tiv thaiv kom txhob muaj mob

Kuv yuav ua tau li cas kuv thiaj nyob zoo?

Ua raws li lub cheeb nroog tej lus qhia txog cov ntaub npog qhov ncauj qhov ntswg.

Txhua lub cheeb nroog tej zaum nyias muaj nyias tej lus qhia txog kev coj daim ntaub npog qhov ncauj qhov ntswg. Mus xyuas lub cheeb nroog lub vevxais qhia txog tus kab mob COVID-19 yuav tsum siv daim ntaub npog qhov ncauj qhov ntswg lossis xav txhawb kom siv daim ntaub npog qhov ncauj qhov ntswg.
Txhua lub sijhawm yuav tsum ua raws li cov lus ceeb toom qhia los ntawm tsoom fwv teb chaws, lub xeev, zej zos, haiv neeg, lossis thaj chaw covcai, suav nrog kev ua lag luam hauv zej zos thiab chaw ua haujlwm.

Koj tau txais kev txhaj tshuaj tiav tas rau ob lub lim tiam tom qab koj txais kev txhaj tshuaj zaum ob lossis thaum muaj ob lub lim tiam tom qab koj txais kev txhaj tshuaj thawj zaug.

Ntxuav koj ob txhais tes.
Tiv thaiv kev sib kis cov kab mob thaum koj ntxuav koj ob txhais tes tas li. Siv tshuaj tua kab mob ntawm tes thaum koj tsis muaj dej ntxuav tes thiab xab npum.
Nyob hauv tsev yog tias koj muaj mob thiab zam kev nyob ze tej tus neeg uas ntxim li muaj mob.
Nrhiav kev pab kho mob yog tias koj muaj cov tsos mob COVID-19.

Yog tias koj lossis leej twg uas nrog koj nyob muaj feem pheej hmoo siab, ces yuav tsum ceev faj ntxiv. Cov kev ceev faj no muaj tej yam xws li txhob sib khawm, sib hnia lossis sib faib khoom noj lossis cov khoom haus.

Yog xav paub ntxiv txog yuav ua li cas kom txwv cov kev pheej hmoo thaum nyob nrog lwm tus neeg, mus xyuas CDC lub vevxaib.

Kev Sib tham Hauv Vis Dis Aus (Video) lossis Hu Xov Tooj Nrog Kws Kho Mob (Telehealth)

Muaj qee cov kws pab kho mob tuaj yeem muab tau ib co kev pab cuam los ntawm kev mus kuaj mob uas yog siv xov tooj lossis vis dis aus (telehealth, raws li sau hauv lus Askiv) los sib tham nrog koj. Cov kev mus kuaj no yuav muab kev saib xyuas tau zoo rau koj yam uas koj tsis tas tawm hauv tsev mus thiab yog ib txoj hauv kev nyab xeeb los txais kev pab saib xyuas kho mob yam tsis tas mus rau ntawm koj tus kws kho mob lub chaw ua haujlwm. Tej zaum cov kev mus kuaj mob uas yog siv xov tooj lossis vis dis aus los sib tham yuav siv qhov tso vis dis aus los sib tham kom pom ntsej muag lossis sib tham hauv xov tooj nrog koj tus kws pab kho mob.

Tej zaum nyob rau lwm cov kev mus kuaj uas siv xov tooj lossis vis dia aus koj yuav tau qhia txog koj tus kheej rau koj tus kws pab kho mob yam tsis tas sib vis dis aus los sib tham pom ntsej muag. Nws yog ib qho tseem ceeb uas koj thiab koj tus kws pab kho mob neb pom zoo tias qhov kev siv xov tooj lossis vis dis aus los sib tham txog ib qho kev pab kuaj mob yuav haum rau koj.

Kuv puas tuaj yeem tham nrog kuv tus kws kho mob hauv xov tooj? Kuv puas yuav tau siv internet lossis siv lub khoos pis tawj (computer)?

Kuj yuav tsis tau siv internet lossis khoos pis thawj txhua zaus, tab sis koj yuav tau siv ib lub xov tooj ntawm tes uas hu tau vis dis aus lossis ib lub tablet los ua kom txais tau qhov kev mus kuaj uas siv xov tooj lossis vis dis aus. Yog tias koj tsis muaj lub khoos pis tawj lossis tsis muaj internet, tej zaum koj yuav teem caij mus kuaj mob uas siv lub xov tooj lossis vis dis aus nrog koj tus kws kho mob hauv xov tooj. Yog tias koj xav tau kev pab saib xyuas, hu rau koj tus kws kho mob los saib seb lawv puas muab txoj hauv kev kuaj mob uas siv xov tooj lossis vis dis aus.

Kuv mus ntsib tsis tau kuv tus kws kho mob. Kuv yuav ua tau dab tsi li cas?

Cov Vis Dis Aus (Video) Hais Txog Tus Kab Mob COVID-19

Cov Vis Dis Aus (Video) Hais Txog Tus Kab Mob COVID-19

COVID-19 Cov Kev Pab

Kev Ntxhov Siab thiab Kev Pab Tswj

Lub Alliance muaj ntawv cog lus ua haujlwm nrog lub tuam txhab hu ua Beacon Health Options (Beacon) los pab kom koj tau txais cov kev pab cuam kev nyuaj siab raws li koj yuav tsum tau. Hu rau Beacon ntawm 855-765-9700 los sib tham nrog ib tus neeg uas yuav pab tau koj.

Cov Ntaub Ntawv Pab Qhia rau Cov Menyuam Yaus thiab Cov Tub Ntxhais Hluas

CDC cov xov xwm rau tsev neeg thiab cov me nyuam
Kev tswj xyuas kev nyuaj siab rau cov niam txiv/pab saib xyuas thiab cov menyuam
Yog xav paub ntxiv txog cov tshuaj tiv thaiv COVID-19 rau cov menyuam thiab cov tub ntxhais hluas, mus xyuas lub CDC vevxais (website).

Cov Kev Pab rau cov Neeg Laus

Lub Xeev California Tus Xov Tooj Qhia Kev Paub Rau Cov Laus Uas Muaj Noob Nyoog Siab thiab Cov Neeg Laus yuav pab txuas koj mus rau Cov Koom Haum Hauv Zej Zog Uas Muab Kev Pab rau Cov Neeg Laus (Area Agencies of Aging). Hu rau 800-510-2020 (tsuas yog hais ua lus Askiv thiab lus Mev). Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 7-1-1).
Lub xeev California Lub Tuam Tsev Muab Kev Pab Saib Xyuas Rau Cov Neeg Laus (California Department of Aging) tau tsim ib phau ntawv qhia txog kev ua haujlwm ub no tshiab thiab txoj kev npaj ua ub no rau ib asthiv, "Kev Hnov Nyob Zoo thiab Nyob Kom Sib Txuas Tau Ua Ke".

Daim ntawv qhia

COVID-19 cov lus qhia rau cov tswvcuab (rub tawm)

Cov Kev Pab Cuam Tswvcuab

Cov Lus Qhia Txog Tus Kab Mob COVID-19 rau Cov Tswvcuab

Kev mus kuaj mob ceev yuav tsum muaj

Tsis tau ntsib koj tus kws kho mob? Hu rau Tus Xov Tooj Nug Kev Pab Los Ntawm Tus Kws Tu Neeg Mob.

Thaum mus rau hoob kho mob xwmtxheej ceev

Kev kuaj tus mob COVID-19 muaj rau txhua tus neeg.

Nws muaj cov khoom kuaj seb puas muaj tus kab mob COVID-19 tom tsev.

Lus Qhia Txog Koob Txhaj Tshuaj Tiv Thaiv Kab Mob COVID-19 rau Cov Tswvcuab Medi-Cal

Leej twg tuaj yeem txhaj tshuaj tau vav xees COVID-19?

Kuv yuav tsum tau txais koob tshuaj txhaj tiv thaiv kab mob COVID-19 twg thiab thaum twg?

Lus qhia tshiab txog cov tshuaj txhaj txhab ntxiv khub tshiab tiv thaiv kab mob COVID-19

Koob tshuaj txhaj tiv thaiv kab mob COVID-19 yog ib hom tshuaj uas muaj kev nyab xeeb thiab zoo.

Cov tswvcuab Medi-Cal tuaj yeem tau txais koob txhaj tshuaj tiv thaiv kab mob COVID-19 yam tsis tas them nqi.

Koj pab tiv thaiv tau koj tus kheej thiab cov neeg uas nyob ib ncig ntawm koj thaum koj txais koob tshuaj txhaj tiv thaiv kab mob.

Merced

Cheeb Nroog Monterey

Cheeb Nroog Santa Cruz

Kev tiv thaiv kom txhob muaj mob

Kev Sib tham Hauv Vis Dis Aus (Video) lossis Hu Xov Tooj Nrog Kws Kho Mob (Telehealth)

Cov Vis Dis Aus (Video) Hais Txog Tus Kab Mob COVID-19

COVID-19 Cov Kev Pab

Daim ntawv qhia

Xov Xwm Tseeb

Physicians Advisory Group

Provider Digest | Issue 25

Deprescribing of benzodiazepines in older adults

DSA Signatory Grants available

May 2023 Board Meeting

Kev Mus Nrhiav Kev Pab

Kev Pab Rau Cov Tswvcuab

Lub Alliance

Kev Mus Cuag lossis Saib Xyuas Tau