Kws Tu Mob Tus Xov Tooj Muab Lus Qhia
Tus Xov Tooj Nug Kev Pab Los Ntawm Ib Tus Kws Tu Neeg Mob Yog Li Cas?
Tus Xov Tooj Nug Kev Pab Los Ntawm Ib Tus Kws Tu Neeg Mob yog ib qho kev pab cuam rau txhua tus Alliance tswvcuab yam tsis tau them nqi. Koj tuaj yeem hu xov tooj yog tias koj muaj lus nug txog koj li kev noj qab haus huv. lossis koj tus menyuam li kev noj qab haus huv. Ib tus kws tu neeg mob mamli pab koj txog yam yuav ua tom ntej.
Qhov kev pab no muaj nyob rau 24 teev txhua hnub, 7 hnub rau ib asthiv yam tsis tau them nqi rau koj.
Hu rau 844-971-8907 (TTY: Ntaus 711) los tham nrog ib tus kws tu neeg mob.
Yog koj muaj ib qho mob xwmtxheej ceev, hu rau 911 lossis mus rau lub chav xwmtxheej ceev uas nyob ze.
Kuv yuav hu rau Tus Xov Tooj Nug Kev Pab Los Ntawm Ib Tus Kws Tu Neeg Mob thaum twg?
Hu rau Tus Xov Tooj Nug Kev Pab Los Ntawm Ib Tus Kws Tu Neeg Mob thaum:
- Koj lossis koj tus menyuam muaj mob, thiab thaum koj hu lossis mus ntsib nrog koj tus kws kob mob tsis tau.
- Piv txwv li: Koj tus menyuam kub taub hau lossis tawm pob, ntuav, lossis koj tus menyuam mosliab quaj yam uas txawv txav.
- Koj tsis paub meej tias koj yuav tsum mus kho mob tom lub tsev kho mob loj xwmtxheej ceev.
- Koj muaj lus nug txog koj li kev noj qab haus huv lossis koj tus menyuam li kev noj qab haus huv.
- Koj muaj noob nyoog 18 xyoo los qis dua thiab xav tham txog koj tej kev txhawj xeeb txog kev noj qab haus huv yam tsis pub lwm tus paub txog.
Thaum koj hu tuaj:
Muab koj li Alliance Tswvcuab daim npav ID nyob ntawm tes nrog koj. Npaj qhia koj tus lej ID rau tus kws tu neeg mob.
Hu rau 844-971-8907 (TTY: Ntaus 711)
Cov Nqi Zog Rau Kev Nyob Noj Qab Haus Huv thiab Noj Qab Nyob Zoo
Thaum koj hu rau lub Alliance Tus Xov Tooj Nug Kev Pab Los Ntawm Ib Tus Kws Tu Neeg Mob txog koj cov lus nug txog kev noj qab haus huv, koj lub npe yuav raug muab tso rau hauv txoj kev rho npe txhua txhua lub hlis. Tej zaum koj yuav muaj feem yeej ib daim gift card $50 mus rau lub khw Target!
Yog xav paub ntxiv txog yam khoom plig uas peb muab, mus saib peb Nqi Zog Rau Kev Nyob Noj Qab Haus Huv thiab Noj Qab Nyob Zoo..
Hu Rau Lub Chaw Pab Cuam Tswvcuab
Kev Txais Tau Alliance Cov Kev Pab Cuam
Xov Xwm Tseeb
Kev Mus Nrhiav Kev Pab
Kws Tu Mob Tus Xov Tooj Muab Lus Qhia
Kev pab cuam txhais lus
Cov Lus Nquag Nug
Lub Alliance
© 2023 Central California Alliance for Health | Lub vev xaib cov lus taw qhia