Nyob ib kauj ruam ua ntej kom tsis txhob kis tau tus kab mob COVID-19

Mus txais koob txhaj tshuaj txhawb zog tiv thaiv thiab tiv thaiv koj tus kheej los ntawm tus kab mob COVID-19. Txais tau ib daim npav khoom plig $50.

Lub Alliance muaj ib qho nqi zog tshiab rau cov tswvcuab thaum mus txais koob txhaj tshuaj txhawb zog tiv thaiv kab mob COVID-19! Alliance Medi-Cal cov tswvcuab uas txais tau lawv koob txhaj tshuaj txhawb zog tiv thaiv kab mob COVID-19 thaum lawv tsim nyog txais ces yuav txais tau ib daim npav khoom plig. Cov koob txhaj tshuaj txhawb zog yeej pub txoj hmoo zoo tshaj kom txhob raug mob hnyav, tau nyob hauv tsev kho mob loj thiab muaj teeb meem ntawm kev noj qab haus huv thaum muaj kab mob COVID-19.

Thaum koj txais tau koj koob txhaj tshuaj txhawb zog tiv thaiv kab mob COVID-19, koj yuav txais tau ib daim npav khoom plig $50 mus rau lub khw Target!

Yuav txais koj daim npav khoom plig tau zoo li cas?

Lub Alliance cov tswvcuab uas muaj 12 xyoos rov saud uas tau txais ib koob txhaj tshuaj txhawb zog tiv thaiv kab mob COVID-19 txij thaum Lub Peb Hlis Ntuj Tim 1, 2022 mus txog Lub Tsib Hlis Ntuj Tim 31, 2022 yuav raug xa ib daim npav khoom plig $50 mus rau lub khw Target.

Qhov nqi zog no tsuas yog rau lub Alliance Medi-Cal cov tswvcuab uas txais tau lawv koob txhaj tshuaj txhawb zog tiv thaiv kab mob xwb. Cov tswvcuab uas muaj lwm yam kev faj seeb kho mob, uas tsis yog Medi-Cal, yuav tsis tsim nyog txais tau ib daim npav khoom plig. Yog tias koj xav paub seb koj puas tsim nyog txais tau Medi-Cal, mus xyuas ntawm pebKev Npaj Kho Mob nplooj ntawv kom paub ntxiv.

Qhov nqi zog rau cov tswvcuab uas tau txais koob txhaj tshuaj tiv thaiv kab mob COVID-19 thib ib thiab thib ob twb xaus lawm. Cov tswvcuab uas tau txais lawv koob txhaj tshuaj tiv thaiv kab mob COVID-19 thib ib lossis thib ob txij thaum Lub Cuaj Hlis Ntuj Tim 1, 2021 mus txog Lub Ob Hlis Ntuj Tim 28, 2022, yuav tau txais ib daim npav khoom plig $50 mus rau lub khw Target los ntawm kev xa ntawv.

Nws yuav tsis muaj ib tus nqi them thaum mus txais koob txhaj tshuaj txhawb zog tiv thaiv kab mob COVID-19, thiab txhua tus neeg uas muaj noob nyoog 12 xyoos rov saud yuav txais tau koob txhaj tshuaj tiv thaiv kab mob.

Qhov kev pab cuam CDC nplooj ntawv qhia txog koob txhaj tshuaj txhawb zog tiv thaiv kab mob qhia txog cov sijhawm mus txais koob txhaj tshuaj txhawb zog tiv thaiv kab mob thiab cov kev pom zoo rau tib neeg mus txais koob txhaj tshuaj txhawb zog tiv thaiv kab mob raws li muaj noob nyoog li cas.

Nws muaj ob peb txoj kev rau koj los txais tau koj koob txhaj tshuaj txhawb zog tiv thaiv kab mob COVID-19. Xaiv txoj kev uas zoo tshaj rau koj raws li muaj nram qab no:

• Teem ib lub sij hawm mus ntsib
  Koj tuaj yeem teem sij hawm mus ntsib rau online (oos lais) saum California MyTurn website. Lub vevxais no tsuas muab sau ua lus Askiv thiab Mev xwb. Koj kuj tuaj yeem hu rau 833-422-4255.
  KEV TEEM SIJHAWM RAU KUV KOOB TXHAJ TSHUAJ TIV THAIV KAB MOB
• Mus saib tom ib lub hoob kuaj mob
  Koj tsis tas yuav teem sijhawm kom tau txais koob txhaj tshuaj txhawb zog tiv thaiv kab mob COVID-19. Koj tuaj yeem mus rau ib lub chaw kuaj mob uas nyob ze koj.
• Mus cuag tom ib lub tsev muag tshauj
  Mus rau ib lub tsev muag tshuaj los txais koob txhaj tshuaj txhawb zog tiv thaiv kab mob COVID-19. Tej zaum koj txais tau ib koob txhaj tshuaj txhawb zog tiv thaiv kab mob rau ntawm cov khw hauv zej zog CVS, Walgreens, Rite Aid los sis lwm lub qhov chaw tsev muag tshuaj. Nrhiav cov qhov chaw uas nyob zes koj ntawm vaccines.gov.
• Hu rau koj tus kws kho mob
  Koj hu tau rau koj tus kws kho mob lub chaw ua haujlwm los teem sijhawm mus txais koob txhaj tshuaj txhawb zog tiv thaiv kab mob COVID-19.

Puas muaj lus nug?

Nwg tsis ua li cas yog hais tias koj muaj lus nug. Nrhiav cov lus pab qhia ntxiv txog tus kab mob COVID-19, cov koob txhaj tshuaj tiv thaiv kab mob COVID-19 thiab cov kev nyob kom nyab xeeb rau ntawm pebnplooj ntawv qhia txog tus kab mob COVID-19 rau cov tswvcuab.

Koj kuj tuaj yeem hu rau Lub Chaw Pab Cuam Tswvcuab ntawm 800-700-3874 (TTY: Ntaus 800-735-2929 lossis 711).