Ua ib Daim Ntawv Hais Kev Tsis Txaus Siab
Peb xav kom koj zoo siab nrog koj cov kev pab saib xyuas kev noj qab haus huv thiab peb cov kev pab cuam. Yog koj tsis txaus siab, koj tuaj yeem qhia rau peb uas yog sau tsab ntawv tsis txaus siab. Peb tuaj yeem pab koj daws teeb meem uas tej zaum koj yuav muaj nrog ib tus kws kho mob, nrog rau lub Alliance lossis nrog kev txais tau cov khoom siv kho mob uas koj xav tau.
Koj tuaj yeem xa tau ob hom ntawm cov kev tsis txaus siab: daim ntawv tsis txaus siab los sis daim thov kom rov qab txiav txim dua. Ib qho tsis txaus siab yog thaum koj sau daim ntawv tsis txaus siab koj muaj teeb meem nrog rau Alliance los sis ib tus kws kho mob twg, los sis nrog rau kev saib xyuas mob los sis kev kho mob uas koj tau txais los ntawm ib tus kws kho mob. Daim ntawv thov kom rov qab txiav txim dua yog thaum koj sau daim ntawv kev tsis txaus siab txog ntawm qhov kev txiav txim siab uas lub Alliance ua los hloov los sis tsis kab muab kev pab cuam.
Koj muaj txoj cai sau tiav ib daim ntawv hais kev tsis txaus siab txog tej yam xws li:
- Kev tau tos kom ntev ntev mam li ntsib tau ib tus kws kho mob lossis mamli teem tau sijhawm mus ntsib.
- Hom kev saib xyuas uas koj tau txais los ntawm koj tus kws kho mob lossis txoj kev uas koj tau txais kev kho mob li cas hauv chaw ua haujlwm.
- Kev raug tsub nqi lossis hais kom them rau cov kev pab cuam uas koj xav tias yuav tsum raug them los ntawm lub Alliance.
Koj yuav tsum yog ib tug tswv cuab uas muaj cai nyob rau lub sij hawm thaum muaj qhov teeb meem tshwm sim los sis hnub uas tsis kab muab kev pab cuam rau koj.
Peb xav tiv thaiv koj cov cai. Kev hais tawm qhov kev txhawj xeeb lossis kev sau tiav ib daim ntawv hais kev tsis txaus siab yuav tsis cuam tshuam dabtsi rau koj cov kev txais kev pab kho mob. Koj tus kws kho mob tseem yuav cais tsis tau koj vim koj tau sau tiav ib daim ntawv hais kev tsis txaus siab. Lub Alliance yeej ua raws li lub Xeev thiab Tsoom Fwv Teb Chaws tej kev cai vaj huam sib luagrau ib tsoom pej xeem. Kawm paub ntxiv los ntawm kev nyeem lub Alliance Daim Ntawv Tsis Pub Muaj Kev Ntxub Ntxaug. Lus Cim Tseg.