Thawj Qhov Kev Kho Mob

Cov kev pab cuam uas koj tau txais nrog qhov kev saib xyuas li ib txwm suav nrog:  

• Cov kev kuaj xyuas lub cev.
• Cov kev txhaj tshuaj.
• Cov kev kho mob.
• Cov ntawv sau yuav tshuaj los ntawm kws kho mob.
• Cov kev kuaj thiab cov kev tshuaj xyuas.
• Kev kawm txog kev noj qab haus huv thiab kev pab tswv yim.

Koj yuav tau txais txhua yam ntawm koj qhov kev saib xyuas li ib txwm los ntawm koj kws kho mob ntawm thawj qhov kev saib xyuas (primary care provider; PCP, raws li sau hauv lus Askiv). Koj tus PCP yuav:

• Paub txog cov keeb kwm kev noj qab haus huv ntawm koj thiab koj cov kev pab uas yuav tsum tau.
• Kaws koj cov ntaub ntawv kho mob.
• Muab kev pab tiv thiav kho mob thiab kev saib xyuas li ib txwm uas koj yuav tsum tau.
• Xa (xa) koj mus rau tus kws kho mob tshwj xeeb yog tias koj yuav tsum mus ntsib ib tug.
• Npaj rau kev saib xyuas kho mob hauv tsev kho mob loj rau koj yog tias koj yuav tsum tau txais.

Koj tuaj yeem txais tau qhov thawj kev kho mob sai li sai tau thaum koj qhov kev fajseeb kho mob pib. Raws li yog tus tswv cuab ntawm Alliance tshiab, koj yuav tsum mus ntsib koj Tus PCP rau qhov kev kuaj ntsuas kev noj qab haus huv thaum pib hauv li 120 hnub ntawm kev nkag los ua tus tswv cuab hauv Alliance li ntawd thiaj tuaj yeem kawm paub txog koj thiab koj qhov kev noj qab haus huv.

Nco ntsoov los ua raws li cov hauv qab no thaum koj hu xov tooj mus teem caij rau koj li kev kuaj mob thawj zog rau tus neeg mob tuaj tshiab:

• Qhia rau tus neeg neeg uas teb lub xov tooj tias koj yog ib tus tswvcuab nawm lub Alliance.
• Muab koj tus lej ID ntawm Alliance rau nws.
• Nqa koj daim npav Alliance ID, daim npav BIC thiab lwm cov npav kev fajseeb kho mob nrog koj thaum mus rau koj cov sijhawm teem caij mus ntsib.

Npaj tham nrog koj tus PCP txog cov kev pab saib xyuas kho mob uas koj xav tau thiab cov kev txhawj xeeb. Nws yog ib qhov tswv yim zoo los nqa ib daim ntawv teev koj cov tshuaj noj siv thiab cov lus nug nrog koj thaum mus rau koj lub sijhawm teem caij mus ntsib.

Kev xyaum kev sib txuas lus kom zoo nrog koj tus kws kho mob yog ib qhov tseem ceeb kom paub tseeb tias koj txais tau cov kev pab kho mob uas koj yuav tsum tau. Kev sib txuas lus kom meej thiab ncaj ncees ntawm koj thiab koj tus PCP tuaj yeem pab rau koj kom muaj kev nyab xeeb los tham txog koj cov kev txhawj xeeb thiab ua cov kev xaiv uas paub tseeb.

Peb paub tias kev tham nrog koj tus PCP yeej tsis yooj yim tab sis kev sib txuas lus qhib siab lug yuav ua rau muaj kev txaus siab nrog koj tus kws kho mob. Hauv qab no yog qee cov kev piv txwv ntawm cov ncauj lus los sib tham nrog koj tus PCP yog tias koj muaj cov kev txhawj xeeb txog kev noj qab haus huv rau lub sijhawm koj mus ntsib.

Lwm cov lus qhia rau koj thaum mus ntsib tus kws kho mob:

• Nqa daim ntawv teev npe ntawm txhua cov tshuaj noj uas koj noj.
• Yog tias koj muaj cov kev xav tau txog kev kho mob twg, xws li xav tau ib lub laub thawb neeg mob, lossis xav tau kev pab hais lwm hom lus lossis cov kev pab cuam txhais lus, qhia rau cov neeg ua haujlwm hauv tus kws kho mob lub chaw ua haujlwm paub li ntawd lawv thiaj tuaj yeem pab tau koj.
• Nug seb txoj cai hauv lub chaw haujlwm rau kev tsis tuaj ntsib raws sijhawm yog dab tsi. Lub chaw haujlwm tuaj yeem pab los rov teem sijhawm rau cov kev teem tuaj ntsib dua lossis pab muab lwm cov kev xaiv tuaj ntsib, xws li cov kev teem tuaj ntsib hauv xov tooj, yog tias nws nyuaj mus ntsib tus kws kho mob tim ntsej tim muag.
• Yog tias koj tsis muaj kev thauj mus los mus rau lub sijhawm teem caij mus ntsib, lub Alliance tuaj yeem pab tau nrog cov kev pab cuam thauj mus los. Hu rau Lub Chaw Pab Cuam Tswvcuab ntawm 800-700-3874 (TTY: Ntaus 800-735-2929 lossis 711) yog xav paub ntxiv.

Tom qab koj qhov kev kuaj thawj zaug rau tus neeg mob tuaj tshiab, koj tuaj yeem los txais kev saib xyuas li ib txwm los ntawm koj tus PCP. Thaum koj xav tau qhov kev saib xyuas li ib txwm, hu xov tooj rau koj tus PCP los teem caij mus ntsib.

Nws yog ib qho tseem ceeb los paub tias qhov kev saib xyuas li ib txwm tsis yog kev kho mob ceev lossis kev kho mob xwmtxheej ceev.

Kev pab kho mob ceev yog kev saib xyuas uas koj yuav tsum tau tiv thaiv rau qhov kev puas tshuaj nyhav los ntawm kev muaj mob sai tam sim ntawd, kev raug mob los sis kev nyuaj ntawm qhov mob uas koj twb muaj lawm.

• Rau cov kev txhawj xeeb txog kev kho mob ceev, hu xov tooj rau koj Tus Kws Kho Mob Ntawm Thawj Qhov Kev Saib Xyuas.
• Yog tias koj tsis tuaj yeem hu tsis tau koj tus PCP, hu rau Lub Chaw Pab Cuam Tswvcuab ntawm 800-700-3874 (TTY: Ntaus 800-735-2929 lossis 711).
• Koj kuj tuaj yeem hu rau Tus Xov Tooj Nug Kev Pab Los Ntawm Tus Kws Tu Neeg Mob qhib 24/7 rau ntawm 844-971-8907 (TTY: Ntaus 711).

Kev kho mob xwmtxheej ceev yog rau cov mob xav tau kev kho mob rau uas phom sij rau lub neej.

• Rau ib qho xwmtxheej ceev, ntaus 911 lossis mus rau lub chav xwmtxheej ceev uas nyob ze.
• Yog koj tsis paub meej tias nws puas yog ib qho mob xwmtxheej ceev, hu rau koj tus kws PCP.
• Koj kuj tuaj yeem hu tau rau Tus Xov Tooj Nug Kev Pab Los Ntawm Tus Kws Tu Neeg Mob qhib 24/7 rau ntawm 844-971-8907 (TTY: Ntaus 711).

Cov kev piv txwv ntawm kev kho mob xwmtxheej ceev yuav suav nrog, tab sis tsis txwv txog:

• Yuav yug menyuam mosliab.
• Kev pob txha lov.
• Kev mob nyhav.
• Kev mob hauv siab.
• Kev kub nyiab hnyav.
• Kev siv tshuaj ntau dhau.
• Mob tsis nco qab lawm.
• Los ntshav ntau.
• Kev puas siab puas ntsws xwmtxheej ceev, xws li kev nyuaj siab heev lossis xav tua tus kheej.

Tsis txhob mus rau lub chav xwmtxheej ceev (emergency room; ER, raws li sau hauv lus Askiv) rau qhov kev saib xyuas li ib txwm. Koj yuav tsum txais kev saib xyuas li ib txwm los ntawm koj tus PCP, tus uas paub koj zoo.

Raws li yog ib tus Alliance tswvcuab tshiab, koj tuaj yeem xaiv koj tus PCP los ntawm daim ntawv teev npe ntawm cov kws kho mob hauv lub Alliance pab pawg kws kho mob. Yog tias koj tsis xaiv ib tus PCP rau lub sijhawm tsis pub dhau 30 hnub, lub Alliance yuav xaiv ib tug rau koj.

• Mus xyuas cov lus taw qhia kom meej txog qhov yuav xaiv koj tus PCP li cas. Koj yuav tsum qhia tseeb koj qhov kev xaiv rau lub Alliance.
• Mus xyuas ntawm Phau Ntawv Teev Npe Cov Kws Kho Mob.

Kom hloov tau koj tus PCP, siv daim foos saum oos lais (online) lossis hu rau Lub Chaw Pab Cuam Tswvcuab ntawm 800-700-3874 (TTY: Ntau 711), hnub Monday txog Friday thaum 8 a.m. txog 5:30 p.m. Cov kev hloov yuav pib rau thawj hnub ntawm lub hli tom ntej.