Cov Lus Nquag Nug

Medi-Cal yog California lub khoos kas saib xyuas kev noj qab haus huv Medicaid. Nws muab kev pab them fab kev kho mob raws li tsim nyog uas tsis xam nqi los sis tus nqi qis..Txhawm rau kom tau txais Medi-Cal, koj yuav tsum ua kom tau raws li qee cov cai teeb tseg txog kev muaj cai tau txais.

Medi-Cal cov txiaj ntsig suav nrog:

• Cov kev pab cuam kho neeg mob uas tsis tau pw hauv tsev kho mob (neeg mob sab nrauv).
• Cov kev pab cuam xwm txheej ceev.
• Pw hauv tsev kho mob.
• Kev saib xyuas leej niam thiab tus me nyuam mos yug tshiab.
• Cov kev pab cuam kho kev noj qab haus huv fab siab ntsws thiab kev quav yeeb quav tshuaj (Substance Use Disorder, SUD, raws li sau hauv lus Askiv), uas suav nrog kev kho kev noj qab haus huv fab kev coj cwj pwm.
• Cov tshuaj kho mob raws li daim ntawv sau yuav tshuaj.
• Cov khoos kas xws li kev kho mob fab lub cev thiab kev ua hauj lwm (tau hu ua cov kev pab cuam txhim kho kom rov zoo li qub thiab txhim kho kev txawj) thiab cov cuab yeej.
• Cov kev pab cuam hauv chav ntsuam xyuas kab mob.
• Kev pov thaiv thiab saib xyuas kev noj qab nyob zoo thiab kev tswj xyuas tus kab mob uas tsis txawj zoo tu qab.
• Cov me nyuam yaus (kev kho mob me nyuam yaus) cov kev pab cuam, uas suav nrog kev saib xyuas kho qhov ncauj thiab qhov muag pom kev.
• Kev Kho Hniav thiab Qhov Muag.
• Cov Kev Pab Txhawb Nqa Hauv Tsev.

Feem ntau lawm cov neeg uas muaj Medi-Cal ces tau txais cov txiaj ntsig thiab cov kev pab cuam los ntawm lub phiaj xwm saib xyuas kev noj qab haus huv uas raug tswj. Tej zaum kuj yuav muab qee cov khoos kas los ntawm Medi-Cal Nqi-rau-Kev Pab Cuam.

Central California Alliance for Health (lub Alliance) yog txoj kev npaj kho mob rau cov tib neeg uas tau txais Medi-Cal. Lub Alliance ua haujlwm nrog Lub Xeev California los muab kev pab cuam kho mob rau cov tib neeg uas nyob hauv cov cheeb nroog Merced, Monterey thiab Santa Cruz. Peb pab cov tswvcuab pib nrog lawv txoj kev npaj kho mob, nrhiav tus kws kho mob, teb cov lus nug txog lawv cov kev pab cuam saib xyuas kev noj qab haus huv thiab kawm kom paub txog tias yuav ua li cas thiaj muaj txoj kev noj qab haus huv. Peb mob siab saib xyuas txog peb cov tswvcuab!

Medi-Cal yog muaj rau cov neeg uas muaj raws cov theem qib nyiaj. Kom puab ntxiv txog Medi-Cal, lossis saib seb koj puas tsim nyog tau txais qhov kev npaj kho mob no, tiv tauj rau koj lub nroog chaw ua haujlwm:

• Cheeb Nroog Merced
  Lub Chaw Ua Haujlwm Muab Kev Pab Rau Cov Pej Xeem
  209-385-3000
• Cheeb Nroog Monterey
  Lub Tuam Tsev Ua Haujlwm Muab Kev Pab Cuam
  877-410-8823
• Cheeb Nroog Santa Cruz
  Lub Tuam Tsev Ua Haujlwm Muab Kev Pab Rau Cov Pej Xeem
  888-421-8080

Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).

Koj tsim nyog tau txais koj daim BIC thaum koj pib tsim nyog los ua ib tus tswvcuab los ntawm Medi-Cal thawj zaug. Yog tias koj tsis tau txais koj daim npav BIC lossis koj muab uas poob lossis muaj neeg muab nyiag lawm, koj yuav thov tau ib daim npav BIC tshiab los hloov. Thov hu mus rau koj lub cheeb nroog Medi-Cal lub chaw ua haujlwm.

• Cheeb Nroog Merced
  Lub Chaw Ua Haujlwm Muab Kev Pab Rau Cov Pej Xeem
  209-385-3000
• Cheeb Nroog Monterey
  Lub Tuam Tsev Ua Haujlwm Muab Kev Pab Cuam
  877-410-8823
• Cheeb Nroog Santa Cruz
  Lub Tuam Tsev Ua Haujlwm Muab Kev Pab Rau Cov Pej Xeem
  888-421-8080

Lub Alliance tuaj yeem muab tau Alliance Tswvcuab Daim npav ID tshiab rau koj. Koj tuaj yeem thov rau ib daim npav tshiab saum oos lais (online) los ntawm kev sau tiav daim Daim foos Hloov Daim Npav ID lossis hu rau Lub Chaw Pab Tswvcuab ntawm lub Alliance.

Koj qhov kev fajseeb kho mob ntiag tug yog koj thawj qhov kev fajseeb kho mob thiab qhov kev faj seeb kho mob los ntawm lub Alliance yog koj qhov faj seeb kho mob thib ob. Thaum koj mus ntsib tus kws kho mob, muab koj daim npav kev fajseeb kho mob ntiag tug thiab koj li Alliance Tus Tswvcuab Daim Npav ID qhia rau lawv.

Hu rau Lub Chaw Pab Cuam Tswvcuab ntawm lub Alliance.

Medicare yog txoj kev npaj kho mob rau cov neeg uas muaj noob nyoog 65 xyoos thiab laus dua. Cov neeg uas tsis tuaj yeem ua haujlwm vim tias lawv tsis tus taus kuj tseem tuaj yeem tau txais qhov kev npaj kho mob Medicare. Thaum koj mus ntsib tus kws kho mob, muab koj li Alliance Tus Tswvcuab Daim npav ID thiab daim npav Medicare qhia rau lawv.

Nws muaj peb ntu qhia txog qhov kev npaj kho mob Medicare:

1. Medicare Tshooj A them rau kev nyob lossis tau pw hauv tsev kho mob loj.
2. Medicare Tshooj B them rau kev mus ntsib tus kws kho mob, kev kuaj ntshav thiab kev thaij duab hluav taws xob (x-ray).
3. Medicare Tshooj D them rau cov tshuaj noj siv.

Yog tias koj muaj Medicare Tshooj A, B & D thiab Medi-Cal:

Koj li tshuaj noj siv yuav raug pab them los ntawm koj txoj kev npaj yuav tshuaj Medicare. Koj yuav tsum tau them tus nqi sib koom them tsawg rau ib qho tshuaj twg.

Lub Alliance yuav pab them rau ib co tshuaj uas tsis raug pab them los ntawm Medicare.

Yog, koj tuaj yeem hloov koj tus PCP thaum koj hu rau Lub Chaw Pab Tswvcuab ntawm lub Alliance.

Koj kuj tuaj yeem mus xyuas peb nplooj ntawv nplooj ntawv Nrhiav Ib Tus Kws Kho Mob los xaiv ib tug PCP tshiab saum ooslais.

Yog tias tus kws kho mob uas koj xav muab rau koj tus menyuam kam txais cov tswvcuab tuaj tshiab, tej zaum koj tus menyuam yuav raug muab rau tus kws kho mob ntawd. Hu rau Lub Chaw Pab Cuam Tswvcuab ntawm lub Alliance txhawm los xyuas seb puas ua tau.

Koj tuaj yeem thov hais kev tsis txaus siab (tsis txaus siab) rau ib lub sijhawm twg los tau hauv xov tooj, kev xa ntawv lossis saum oos lais (online).

• Hu xov tooj: Hu rau lub Alliance ntawm 800-700-3874 (TTY 800-735-2929 lossis 711) Hnub Monday txog hnub Friday, thaum 8 a.m. txog 5:30 p.m
• Los ntawm sau ntawv: Hu rau lub Alliance ntawm 800-700-3874 (TTY 800-735-2929 lossis 711) thiab nug kom lawv xa ib daim foos tuaj rau koj. Thaum koj tau txais daim foos, sau tiav nws. Nco ntsoov sau koj lub npe, Alliance Tswvcuab Tus lej ID thiab yog vim li cas rau koj tsis txaus siab. Qhia rau peb tias muaj dab tsi tshwm sim thiab peb tuaj yeem pab koj li cas.

Xa daim ntawv foos mus rau:

Grievance Department
1600 Green Hills Road, Suite 101,
Scotts Valley, CA 95066

Koj tus kws kho mob lub chaw ua hauj lwm yuav muaj cov ntawv qhia tias muaj.

• Saum oos lais (online): Mus rau Ua ib Daim Ntawv Hais Kev Tsis Txaus Siab.

Yog tais koj xav tau kev pab sau tiav diam foos tsis txaus saib, peb pab tau koj. Yog hais tias koj hais lwm hom lus uas tsis yog lus Askiv, peb muaj kev pab txhais lus rau koj yam tsis tau them nqi. Hu rau Lub Chaw Pab Cuam Tswvcuab ntawm 800-700-3874. (TTY 800-735-2929 lossis 711).

Koj yuav tau hu rau lub Alliance thiab koj lub nroog lus chaw ua haujlwm ntawm Medi-Cal yog tias koj tsiv lossis hloov koj tus xov tooj. Kom qhia tau rau lub Alliance, siv daim foos Hloov Koj Cov Ntaub Ntawv Qhia Txog Koj lossis hu rau Lub Chaw Pab Cuam Tswvcuab ntawm lub Alliance. Hu rau cov xov tooj nyob hauv koj lub cheeb nroog Medi-Cal chaw ua haujlwm:

Hu rau Lub Chaw Pab Cuam Tswvcuab ntawm lub Alliance.

Lub Alliance tuaj yeem muab txoj hauv kev rau koj kom tau txais kev thauj mus los rau cov kev pab saib xyuas mob uas raug pab them los ntawm Medi-Cal lossis cov kev pab saib xyuas kho mob uas koj yuav tsum tau txais. Qhov kev pab cuam no hu ua Kev Pab Thauj Mus Los Rau Tej Co Sijhawm Teem Mus Kho Mob (Non-Medical Transportation; NMT, raws li sau hauv lus Askiv)

Kom thov tau rau cov kev pab cuam NMT, thov hu rau Lub Chaw Pab Cuam Tswvcuab ntawm 800-700-3874 (TTY 800-735-2929 lossis 711) tsawg kawg yog 5 txog 7 hnub ua haujlwm (hnub Monday txog hnub Friday) ua ntej koj lub sijhawm teem caij mus ntsib. Yog tias koj muaj ib qho sijhawm teem caij mus ntsib ceev, hu rau peb sai li sai tau. Thov npaj koj li Alliance Tswvcuab daim npav thaum koj hu tuaj.

Medi-Cal yuav them rau qee cov kev pab kho hniav. Yog tias koj muaj lus nug lossis xav paub ntxiv txog cov kev pab cuam kho hniav, hu rau Medi-Cal Qhov Kev Pab Cuam Kho Hniav ntawm 800-322-6384 (TTY: Ntaus 711). Koj kuj tuaj yeem mus xyuas tau Medi-Cal Qhov Kev Pab Cuam Kho Hniav lub vev xaib (website).

Koj tuaj yeem kuaj qhov muag ib zaug nyob hauv txhua ob xyoos. Cov kev pab them rau suav nrog ib tsom iav (tsom iav thiab daim iav lens) ib zaug txhua ob xyoos lossis cov iav lens rau qee yam mob. Tsis tas yuav tau kev xa mus kom cuag tau cov kev pab kho qhov muag li niaj zaus.

Kom paub ntxiv txog koj cov kev pab kho qho muag uas tsim nyog tau txais lossis kom nrhiav ib tus kws kho mob uas nyob ze koj, ru rau Qhov Kev Npaj Pab Cuam Kho Qhov Muag (Vision Service Provider; VSP, raws li sau hauv lus Askiv) ntawm 800-877-7195.

Lub Alliance ua haujlwm nrog lub chaw Beacon Health Options (Beacon) los muab cov kev pab cuam kho kev nyuaj siab lossis puas siab puas ntsws thiab kev pab cuam kho cwj pwm. Koj tuaj yeem hu Beacon ncaj qha ntawm 855-765-9700 (TTY: Ntaus 711). Beacon yuav tuaj yeem pab koj 24 teev txhua hnub, 7 hnub rau ib asthiv. Lawv yuav pab koj nrhiav ib tus kws kho mob kev nyuaj siab lossis puas siab puas ntsws raws li koj xav tau, xws li cov lus hais, qhov chaw lossis thaj chaw tshwj xeeb.