Mus Txais Kev Kho Mob

Thawj Kev Kho Mob suav nrog kev saib xyuas tiv thaiv kom pab koj nyob noj qab haus huv thiab muab kev pab kho mob thaum koj muaj mob. Koj kws kho mob ntawm thawj qhov kev saib xyuas (primary care provider; PCP, raws li sau hauv lus Askiv) yog koj tus thawj kws kho mob uas tuaj yeem pab koj kom tau txais cov kev pab cuam koj yuav tsum tau. Kom kawm paub ntxiv txog kev xaiv thiab kev ua haujlwm nrog koj tus PCP mus xyuas ntawm nplooj ntawv Thawj Kev Kho Mob.

Kom nkag siab zoo txog cov kev pom zoo thiab yuav ua li cas thiaj tau txais cov kev pab kho mob uas raug pab them los ntawm koj txoj kev npaj kho mob, mus rau nplooj ntawv Cov Kev Tso Cai rau Kev Kho Mob.

Yog tias koj muaj lus nug txog koj li kev noj qab haus huv thiab xav tau kev pab ua dab tsi txuas ntxiv, hu rau Kws Tu Mob Tus Xov Tooj Muab Lus Qhia 24 teev txhua hnub, 7 hnub rau ib asthiv los tham nrog ib tus kws tu neeg mob.

Koj tuaj yeem nrhiav cov lus qhia hais txog yuav ua li cas los tswj thiab mus nqa tau cov tshuaj xaj yuav rau ntawm nplooj ntawv Cov Tshuaj Kws Kho Mob Xaj Yuav.

Yog tias koj muaj ib qho xwmtxheej ceev txog kev phom sij lub neej txoj sia, ntaus ntaus 911 lossis mus rau lub chav xwmtxheej ceev uas nyob ze.

Yog tias koj muaj ib qho mob ceev uas tsis yog kev phom sij txog lub neej txoj sia tab sis koj yuav tsum tau txais kev pab saib xyuas tsis pub dhau 48 teev los tiv thaiv kom tsis txhob muaj kev mob loj lossis raug mob, hu rau koj tus PCP, lub Alliance Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line) thiab Lub Chaw Pab Cuam Tswvcuab kom paub seb yuav mus rau qhov twg.

Yog xav paub ntxiv txog kev sib txawv ntawm kev kho mob xwmtxheej ceev thiab kev kho mob ceev, mus rau nplooj ntawv Kev Kho Mob Ceev. Yog tias koj tseem tsis tau paub meej, hu rau Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line).

Koj tsis tas yuav txais kev tso cai los ntawm lub Alliance thaum mus txais kev kho mob xwmtxheej ceev lossis mus txais kev kho mob ceev.

Koj txoj kev npaj kho mob pab them rau cov kev pab cuam kho kev nyuaj siab lossis puas siab puas ntsws thiab kev quav yeeb tshuaj. Yog xav paub ntxiv, mus rau nplooj ntawv Kev Pab Kho Cwj Pwm.

Alliance tau ua hauj lwm nrog rau rau Carelon Behavioral Health (Carelon) los txuas kom koj muaj cov kev pab cuam thiab kev txhawb nqa rau kev noj haus huv fab puas siab puas ntsws. Hu rau Carelon 24 teev hauv ib hnub, 7 hnub hauv ib lub lim tiam ntawm 855-765-9700 los sis mus saib Carelon lub vev xaib. Koj tsis tas yuav kom tau txais kev pom zoo los ntawm Alliance los sis koj tus PCP hu rau Carelon.

Cov kev pab cuam thauj mus los: yog muab rau cov tswvcuab uas xav tau kev pab mus thiab los ntawm lawv cov kev teem caij mus ntsib tus kws kho mob lossis mus nqa tshuaj noj siv. Kawm ntxiv rau ntawm peb nplooj ntawv nplooj Cov Kev Pab Cuam Thauj Mus Los.

Lub Alliance muab kev pabcuam rau cov tswvcuab uas tsim nyog los ntawm ob qho khoos kas uas hu ua Kev Txhim Kho Kev Pab Tswj Kev Tu Xyuas (Enhanced Care Managment; ECM raws li sau hauv lus Askiv) thiab Zej Zog Kev Pab Txhawb (Community Supports). Tej kev pabcuam no yuav pab cov neeg uas muaj teeb meem nyuaj rau kev noj qab haus huv thiab cov neeg uas xav tau kev pab npaj rau kev saib xyuas mob nkeeg rau lawv.

Kawm paub txog lwm cov kev pab cuam uas muaj nyob rau hauv koj li phiaj xwm pab cuam kev noj qab haus huv:

• Cov kev pab npaj kom muaj menyuam: Cov kev pab cuam no tau muab rau cov tswvcuab uas muaj noob nyoog yug menyuam tau thiab suav qee txoj kev tswj kom tsis txhob muaj menyuam.
• Khoom Siv Kho Mob thiab khoom siv kho mob mus ntev: Lub Alliance pab them rau cov khoom siv kho mob, xws li khoom pab kom hnov lus, uas yog kws kho mob tau xaj yuav.
• Kev pab cuam kho hniav thiab qhov muag: Nrhiav cov lus qhia txog yuav txais tau kev pab kho hniav li cas, cov kev kuaj qhov muag thiab cov tsom iav.
• Kev Pab Cuam Kho Mob Uas Tsis Nyob Hauv Thaj Tsam: Kawm kom paub txog seb koj yuav ua dab tsi thaum koj yuav tsum tau kev saib xyuas sab nraud ntawm lub Alliance cov chaw pab cuam hauv cov cheeb nroog Merced, Monterey thiab Santa Cruz.

Koj kuj tuaj yeem tham nrog koj tus PCP yog xav paub ntxiv lossis kom txais tau kev pom zoo rau cov kev pab cuam no.