Cov Lus Qhia Txog Kev Fajseeb Kho Mob
Kev Hloov Kho Dua Tshiab Lwm Qhov Kev Fajseeb Kho Mob
Yog tias koj muaj Medi-Cal thiab lwm yam kev pov hwm kev noj qab haus huv, koj yuav tsum hloov kho koj cov ntaub ntawv pov hwm lwm yam txhua zaus nws hloov. Qhov no txhais tau tias koj yuav tsum qhia rau peb paub yog tias koj ntxiv, tshem tawm lossis hloov lwm yam kev pov hwm kev noj qab haus huv. Koj yuav tsum tshaj tawm cov kev hloov pauv rau ob qho tib si:
- Lub Alliance.
- Koj lub cheeb nroog lub chaw ua haujlwm. Hu rau koj lub cheeb nroog lub chaw ua haujlwm hauv zos los ntawm kev hu xov tooj lossis mus rau saum oos lais (online) rau California Lub Tuam Tsev Haujlwm Saib Xyuas Cov Kev Pab Kho Mob (Department of Health Care Services; DHCS, raws li sau hauv lus Askiv) lub vev xaib (website).
Kom hloov kho dua tshiab nrog rau koj lub cheeb nroog lub chaw ua haujlwm hauv zos los ntawm xov tooj:
- Lub Cheeb Nroog Mariposa: Hu rau 209-966-2000 lossis hu dawb ntawm 800-421-6741.
- Lub Cheeb Nroog Merced: 209-385-3000 lossis 855-421-6770.
- Lub Ceeb Nroog Monterey: 877-410-8823.
- Lub Cheeb Nroog San Benito: Hu rau 831-636-4180.
- Lub Cheeb Nroog Santa Cruz: 888-421-8080.