Yuav Siv Koj Daim Alliance Tswvcuab Npav ID Li Cas

Raws li ib tus tswvcuab ntawm lub Alliance, koj yuav tau txais Alliance Tus Tswvcuab daim npav ID. Koj daim Tswvcuab npav ID muaj cov ntaub ntawv tseem ceeb. Lub Alliance daim npav yog ib daim txawv ntawm koj daim Medi-Cal Npav Qhia Kev Txais Kho Mob (Benefits Identification Card; BIC, raws li sau hauv lus Askiv) tab sis koj yuav tsum tau muaj ob daim. Nco ntsoov nqa ob daim npav nrog koj thiab qhia lawv txhua lub sijhawm koj tau txais kev saib xyuas kev kho mob lossis mus muab tshuaj noj siv. Yog koj muaj lwm daim npav fajseeb kho mob, xws li Medicare, koj yuav tsum qhia tias muaj cov npav ntawd.

Hauv qab no yog ib qho piv txwv qhia tias koj Tus Tswvcuab Daim npav Alliance ID yuav zoo li cas:

Ntawm no yog txhua yam txhais txog koj li Alliance Tswvcuab Daim npav ID:

Central California Alliance for Health (lub Alliance) tus xov tooj: Hu rau tus xov tooj no kom thaum tau nrog Lub Chaw Pab Cuam Tswvcuab ntawm lub Alliance.

Member (Tus Tswvcuab): Tsuas yog tus neeg uas muaj npe nyob hauv Alliance Tus Tswvcuab Daim npav ID tuaj yeem siv tau daim npav no los txais kev pab cuam.

Member ID (Tswvcuab Tus ID): Tus lej no tsuas yog rau koj ib leeg. Koj yuav tsum siv tus lej no thaum hu rau Lub Chaw Pab Cuam Tswvcuab lossis thaum koj teem sijhawm mus ntsib koj tus kws kho mob.

Birth Date (Hnub Yug): Lub hli, hnub thiab xyoo koj yug los.

PCP: Koj tus kws kho mob lub npe, chaw nyob thiab tus xov tooj.

Effective Date (Hnub Pib Siv Tau): Hnub uas koj cov kev pab cuam them nqi kho mob piv.

Program (Kev Pab Cuam): Qhia txog cov kev pab cuam uas koj muaj npe tau txais:

• Medi-Cal.
• Alliance Cov Kev Pab Saib Xyuas Mob Nkeej Rau Tom Tsev (IHSS)

Nyob rau hauv qab ntawm daim npav yog muaj qee tus xov tooj uas tseem ceeb:

24/7 Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line): Yog koj muaj lus nug txog tej yam mob uas tsis yog xwm txheej ceev lossis kev txhawj xeeb txog kev noj qab haus huv, hu rau tus xov tooj no. Ib tus kws tu neeg mob yuav muab kev pab cuam 24 teev txhua hnub, 7 hnub rau ib asthiv los teb koj cov lus nug txog kev noj qab haus huv thiab muab tswv yim tias yuav ua li cas ntxiv.

Mental health (Kev Kho Kev Nyuaj Siab lossis Puas Siab Puas Ntsws): Tus kws kho mob muab kev pab cuam kho kev nyuaj siab lossis puas siab puas ntsws. Cov kev pab cuam no suav nrog kev tawm tswv yim pab, kev kho thiab kev siv tshuaj kho mob.

Vision (Kev Kho Qhov Muag): Tus kws kho qhov muag.

Dental (Kev Kho Hniav): Tus kws saib xyuas kho hniav.

TTY: Yog tias koj tsis hnov lus, hnov lus tsis zoo lossis hais lus tsis tau, tus lej xov tooj no yuav pab koj tham txuas nrog Alliance Lub Chaw Pab Cuam Tswvcuab.

Yog tias koj yog Medi-Cal tus tswvcuab tshiab nrog lub Alliance, koj li Alliance Tswvcuab daim npav ID yuav raug muab xa tuaj rau koj tsis pub dhau 7 hnub txij hnub muaj npe nkag. Tom qab koj nrhiav ib tus kws kho mob thiab ua tiav Foos Hloov Tus Thawj Kws Kho Mob, koj yuav tau txais daim npav tshiab nrog lub npe ntawm koj tus kws kho mob thiab cov ntaub ntawv tiv tauj nyob rau hauv.

Yog tias koj tsis tau txais koj daim npav Alliance Tswvcuab daim npav ID tom qab ob peb lub asthiv uas koj tau muaj npe nkag, lossis yog koj daim npav puas, poob lossis raug nyiag lawm, koj tuaj yeem:

• Thov rau ib daim npav tshiab saum oos lais (online) los ntawm kev sau thiab ua tiav Daim foos Hloov Daim Npav ID.
• Hu rau Lub Chaw Pab Cuam Tswvcuab ntawm Lub Alliance los mus thov rau ib daim npav tshiab.

Koj yuav tsum tau txais koj li Medi-Cal BIC thaum koj pib tsim nyog tau txais Medi-Cal cov kev pab kho mob uas txais tau. Daim npav BIC muaj ob hom sib txawv thiab koj siv ib hom twg los tau. Nyob hauv qab no yog ib co piv txwv qhia tias koj daim BIC yuav zoo li cas:

Piv txwv 1	Piv txwv 2

Yog tias koj tsis tau txais koj daim Medi-Cal BIC lossis daim npav tau poob los yog raug nyiag lawm, thov hu rau Medi-Cal lub chaw ua haujlwm hauv koj lub cheeb nroog los mus thov rau ib daim npav tshiab: