Medi-Cal

Lub California Lub Tuam Tsev Haujlwm Saib Xyuas Cov Kev Pab Kho Mob (California Department of Health Care Services, DHCS, raws li sau hauv lus Askiv) tsim cov cai rau kev tsim nyog tau txais thiab cov kev txiav txim rau tus uas tsim nyog tau txais Medi-Cal cov kev pab kho mob. Koj tuaj yeem thov tau rau Medi-Cal cov kev pab kho mob yam tsis cais vim yog poj niam los txiv neej, haiv neeg, kev ntseeg, cev nqaij daim tawv, teb chaws yug, kev xav tias yog txiv neej lossis poj niam, kev muaj txij nkawm, noob nyoog, kev tsis taus lossis qub tub rog. Yog tias koj tsim nyog tau txais, koj yuav tau txais Medi-Cal mus ntev tsuav yog koj tseem ua tau raws li cov cai hais txog kev tsim nyog tau txais.

Koj tuaj yeem thov tau Medi-Cal txhua lub sijhawm rau ib lub xyoo twg.

Koj yuav thov tau rau saum internet los ntawm Covered California, lossis hu rau koj lub cheeb nroog lub chaw ua haujlwm hauv koj lub zej zog kom thov rau los ntawm kev xa ntawv, xov tooj, tus xov tooj xa ntawv (fax), email lossis tim ntsej tim muag:

• Lub Ceeb Nroog Merced Lub Chaw Ua Haujlwm Muab Kev Pab Rau Cov Pej Xeem (Human Services Agency)
  Tus xov tooj: 855-421-6770
• Lub Cheeb Nroog Monterey Lub Chaw Ua Haujlwm Muab Cov Kev Pab Cuam (Department of Social Services)
  Tus Xov Tooj: 877-410-8823
• Lub Cheeb Nroog Santa Cruz Lub Chaw Ua Haujlwm Muab Kev Pab Rau Cov Pej Xeem (Human Services Department)
  Tus Xov Tooj: 888-421-8080

Raws li yog ib tus tswvcuab ntawm Alliance, koj yuav txais tau cov kev pab cuam saib xyuas kev noj qab haus huv thiab kev txhawb nqa uas tau piav qhia nyob rau tshooj sau tia Kev Txais Kev Kho Mob ntawm lub vev xaib (website) no.

Koj yuav xaiv ib tus kws kho mob los mus ntsib rau koj cov kev saib xyuas kev noj qab haus huv uas koj xav tau. Peb hu tus kws kho mob ntawd tias yog koj Tus Thawj Kws Kho Mob (Primary Care Provider) lossis tus PCP, raws li sau hauv lus Askiv. Siv Phau Ntawv Teev Npe Cov Kws Kho Mob los nrhiav ib tug PCP.

Koj tus PCP yuav muab tag nrho koj cov kev saib xyaus kev noj qab haus huv raws li ib txwv mus xyuas raws li koj cov kev xav tau. Yog tias koj xav mus ntsib lwm tus kws kho mob, koj tus PCP yuav tau xa daim ntawv thov mus rau lub Alliance. Qhov no tau hu ua tus PCP li kev xa mus. Nws tas yuav tau ib tus PCP li kev xa mus yog tias mus rau ib qho kev saib xyuas mob xwmtxheej ceev thiab cov kev pab cuam npaj rau tsev neeg. Lub Alliance yuav tsum pom zoo rau qee cov kev pab cuam, cov kev pab kho mob, tshuaj noj siv kho mob thiab khoom siv ua ntej koj yuav tau txais. Qhov no muaj npe hu ua kev tau txais kev tso cai ua ntej. Qhov no hu tias kev tso cai ua ntej. Koj tus PCP lossis lwm tus kws kho mob yuav xa cov ntawv thov xa txuas mus ntxiv thiab ntawv thov kev tso cai ua ntej rau lub Alliance kom pom zoo.

Lub Alliance yuav pab them rau feem ntau cov kev pab cuam uas yog muab los ntawm koj tus PCP, cov kws kho mob, cov tsev kho mob loj thiab cov kws pab kho mob uas muaj ntawv tso cai ua haujlwm hauv peb pab pawg kws kho mob. Nws muaj tej cov kev pab cuam uas yuav raug them los ntawm Medi-Cal tab sis tsis yog raug them los ntawm lub Alliance.

Rau cov lus qhia txog qhov kev npaj kho mob cov pab kho mob uas txais tau, nyeem Daim Qhia Txog Cov Kev Kho Mob Uas Pab Them Rau..

Rau cov lus qhia kom meej txhij txhua, nyeem lub Phau Ntawv Rau Tus Tswvcuab.

Qhov Kev Pab Kho Mob Rau Cov Neeg Laus Ntxiv yuav pib thaum Lub Tsib Hlis Ntuj Tim 1, 2022. Qhov kev ntxiv no yuav muaj rau txhua tus neeg uas muaj noog nyoog 50 xyoo lossis laus dua kom tsim nyog txais Medi-Cal tag nrho (full scope), uas ua raws li txhua yam kev tsim nyog txais Medi-Cal. Kev tuaj txawv teb chaws yuav tsis cuam tshuam.

Yog tias koj muaj Medi-Cal uas txwv ib feem (restricted scope) kev pab kho mob thaum Lub Tsib Hlis Ntuj 2022, ces koj yuav raug muab hloov kom txais tau Medi-Cal tag nrho (full scope) yam tsis tas yuav ua dab tsi. Yog tias koj txais ib daim ntawv ceeb toom txog kev rov thov dua tshiab, thov sau tiav kom tas thiab xa rov qab mus rau lub cheeb nroog thiaj li yuav tsis muaj kev ncua sijhawm los ua tiav koj daim ntawv. Yog koj tsis muaj Medi-Cal uas txwv ib feem (restricted scope) kev pab kho mob tam sim no, koj ua ntawv thov los tau kom txais Medi-Cal los ntawm kev thov saum ooslais, kev xa ntawv, hu xov tooj, lossis mus rau koj lub cheeb nroog chaw ua haujlwm muab kev pab rau pej xeem, tus xov tooj xa ntawv (fax) lossis kev mus ntsim tim ntsej tim muag. Yog koj tsim nyog txais Medi-Cal tag nrho vim yuav muaj Cov Kev Pab Kho Mob Ntxiv Rau Cov Neeg Laus, ces koj yuav txais ib daim ntawv ceeb toom los qhia koj tias koj tsim nyog txais Medi-Cal tag nrho thiab hnub pib, uas yuav yog Lub Tsib Hlis Ntuj Tim 1, 2022, lossis tom qab ntawd.

Thaum Lub Xya Hli Ntuj Tim 1, 2022, qhov kev pub muaj nyiaj txiag, thaj av lossis vaj tse ua ntej txais tau Medi-Cal cov kev pab cuam rau cov neeg uas muaj noog nyoog 65 xyoo lossis laus dua lossis tsis taus yuav nce. Cov kev hloov no yuav suav nrog cov khoom, nyiaj txiag, thaj av lossis vaj tse uas koj muaj lawm uas yuav siv los txiav txim seb puas tsim nyog txais tau Medi-Cal. Cov no muaj xws li tej avkhauj hauv lub tsev ceev nyiaj, nyiaj ntsuab, lub tsheb thiab tsev thib ob, thiab lwm yam pab khwv nyiaj txiag. Cov nyiaj txwv tsis pub muaj dhau los yog $2,000 mus rau ib tug neeg, thiab $3,000 rau ib khub niam txiv. Cov nyiaj txwv tsis pub muaj tshiab yog $130,000 rau ib tug neeg, thiab $65,000 ntxiv rau txhua tus hauv tsev neeg.

Yog tias koj ntseeg tias koj tsim yog txais tau Medi-Cal thaum twg cov nyiaj txwv tsis pub muaj tshiab yuav pib, ces peb xav txhawb kom koj ua ib daim ntawv thov. Yog tias koj nyob hauv ib qho Medi-Cal kev pab cuam uas muaj cov nyiaj txwv tsis pub muaj lawm, ces koj yuav muaj tau ntau dua yav tas los. Thov hu rau koj lub cheeb nroog chaw ua haujlwm Medi-Cal hauv zos yog tias koj muaj lus nug dab tsi.

Cov lus nug?

Yog koj muaj lus nug dab tsi, lossis yog koj daim ntawv thov Medi-Cal raug tsis pom zoo, thov hu rau koj lub cheeb nroog chaw ua haujlwm hauv zos.

• Lub Cheeb Nroog Merced
  Lub Cheeb Nroog Merced Lub Chaw Haujlwm Saib Xyuas Kev Pab Pej Xeem (Merced County Human Services Agency)
  2115 West Wardrobe Avenue, Merced, CA 95341
  855-421-6770
  www.co.merced.ca.us/458/Medi-Cal
• Lub Cheeb Nroog Monterey
  Lub Cheeb Nroog Monterey Lub Chaw Ua Haujlwm Muab Cov Kev Pab Cuam (Department of Social Services)
  1000 South Main Street, Salinas, CA 93901
  Tus xov tooj rau Medi-Cal cov tswvcuab tam sim no: 877-410-8823
  Tus xov tooj rau cov neeg thov tshiab rau Medi-Cal: 866-323-1953
  www.co.monterey.ca.us/government/departments-i-z/social-services
• Lub Cheeb Nroog Santa Cruz
  Lub Cheeb Nroog Santa Cruz Lub Chaw Ua Haujlwm Muab Kev Pab Rau Cov Pej Xeem (Human Services Department)
  1020 Emeline Ave., Santa Cruz, CA 95060
  18 W. Beach Street, Watsonville, CA 95076
  888-421-8080
  www.santacruzhumanservices.org