Nrhiav ib Tus Kws Kho Mob

Ib Tus Thawj Kws Kho Mob lossis PCP yog tus tib neeg los yog lub chaw kuaj mob uas muab kev pab cuam saib xyuas rau kev kho mob. Koj yuav tsum tau xav ib tug kws kho mob los saib xyuas tagnrho koj cov kev noj qab haus huv uas koj xav tau. Koj tus PCP tuaj yeem yog:

• Ib tus kws kho mob uas kho txhua yam.
• Ib tus kws kho mob uas tseem xyaum haujlwm.
• Ib tus kws kho mob rau cov menyuam yas.
• Ib tus kws kho mob rau tsev neeg.
• OB-GYN (ib tus kws kho mob poj niam lub cev thiab thaum xeebtub).
• Ib tus kws tu neeg mob uas muaj ntawv saib xyuas neeg mob.
• Ib tus kws pab tus kws kho mob.
• Lub chaw kuaj mob.

Koj kuj tuaj yeem xaiv Tsoom Fwv Lub Chaw Saib Xyuas Txoj Kev Noj Qab Haus Huv (Federally Qualified Health Center; FQHC, raws li sau hauv lus Askiv) lossis Lub Chaw Kho Mob Uas Nyob Deb Nroog (Rural Health Clinic; RHC, raws li sau hauv lus Askiv) los ua koj tus PCP. Cov chaw muab kev saib xyuas noj qab haus huv no nyob rau thaj chaw uas tsis muaj kev pab cuam kev saib xyuas mob nkeeg ntau.

Koj yuav tsum xaiv ib tus PCP tsis pub dhau 30 hnub thaum koj muaj npe nkag hauv lub Alliance. Yog koj tsis ua li ntawd, lub Alliance yuav muab koj rau ib tus PCP. Kom nrhiav ib tus PCP uas nyob ze koj, mus rau saum oos lais (online) mus xyuas Phau Ntawv Teev Npe Cov Kws Kho Mob lossis hu rau Lub Chaw Pab Cuam Tswvcuab. Peb nyob ntawm no los pab koj.

Koj yuav tsum mus ntsib koj tus PCP los rau tshuaj xyuas tus neeg mob tshiab tsis pub dhau 120 hnub (4 lub hlis) ntawm Alliance kev ua tswvcuab.

Hu los sis teem sij hawm mus ntsib koj tus PCP ua ntej thaum koj xav tau kev saib xyuas rau kev kho mob. Koj tus PCP tuaj yeem ua tau ntau yam rau koj, xws li:

• Muab kev qhia tag nrho koj cov kev kho mob.
• Muab sijhawm mus kuaj mob, koob txhaj tshuaj tiv thaiv thiab kev pab thaum koj muaj mob.
• Muab kev pab tiv thaiv teeb meem txoj kev noj qab haus huv lossis tswj xyuas koj mob uas yuav mob mus ntev, xws li kev mob ntshav qab zib.
• Xa koj mus rau lwm tus kws kho mob, raws li yuav tsum tau.

Dhau sijhawm, koj tus PCP yuav tau paub txog koj li keeb kwm kev noj qab haus huv thiab pab koj xaiv qhov zoo kom koj tuaj yeem noj qab nyob zoo.

Siv Phau Ntawv Teev Npe Kws Kho mob mus nrhiav ib tus kws kho mob thiab xaiv koj Tus Thawj Kws Kho Mob (Primary Care Provider; PCP, raws li sau hauv lus Askiv). Tej zaum, koj yuav tsum tau txais kev xa mus los ntawm koj tus PCP ua ntej koj yuav teem sijhawm nrog ib tus kws kho mob uas paub txog ib tus kws kho mob uas paub txog ib yam mob mus ntev rau ib yam mob uas tsis yog xwm txheej ceev. Hu rau koj tus PCP los xyuas seb koj puas yuav tsum tau txais kev xa mus.

Muaj peb txoj hauv kev los nrhiav ib tus kws kho mob:

1. Yuav ua li cas thiaj tshawb nrhiav tau Phau Ntawv Teev Npe Cov Kws Kho Mob saum oos lais (online)
   Mus saib Phau Ntawv Teev Npe Cov Kws Kho saum oos lais (online). 
   • Nco ntsoov xaiv koj txoj kev npaj kho mob hauv qhov chaw uas sau tias Cov Kev Npaj Kho Mob Kho.
   • Xaiv ib hom Kws Kho Mob.
   • Nias lub npov uas sau tias "Kam Txais Cov Neeg Mob Tshiab."

   Yog xav tau kev pab ntau ntxiv los siv Phau Ntawv Teev Npe Cov Kws Kho Mob saum oos lais (online), saib cov lus qhia ib-kauj ruam-zuj zus no.

2. Yuav rub tawm Phau Ntawv Teev Npe Cov Kws Kho Mob li cas
   Nias rau kab ntawv txuas mus rau hauv qab no los rub tawm Phau Ntawv Teev Npe Cov Kws Kho Mob rau koj txoj kev npaj kho mob.
   • Medi-Cal: cheeb nroog Santa Cruz thiab Monterey (Lus Askiv thiab Lus Mev)
   • Medi-Cal: Lub Cheeb Nroog Merced (Lus Askiv thiab Lus Hmong)
   • Alliance Care In-Home Supportive Services (IHSS): Monterey County (English and Spanish)
3. Yuav siv Phau Ntawv Teev Npe Cov Kws Kho Mob li cas
   Yog tias koj xav tau ib daim luam rau Phau Ntawv Teev Npe Cov Kws Kho Mob, siv qhov daim foos muab kev pab cuam saum oos lais (online) los mus thov rau ib phau. Koj kuj tuaj yeem hu rau Lub Chaw Pab Cuam Tswvcuab thiab hais kom lawv xa ib phau rau koj.
   • Tshawb nrhiav kom tau ntu uas sau tias Tus Thawj Tus Kws Kho Mob (Primary Care Provider; PCP, raws li sau hauv lus ASkiv) hauv cov ntu ntawm Cov Txheej Txheem.
   • Xaiv lub nroog uas nyob ze koj thiab mus rau nplooj ntawv uas muaj lub npe rau hauv lub nroog ntawd.
   • Nco ntsoov saib seb tus kws kho mob lossis lub chaw kuaj mob puas txais cov neeg mob tuaj tshiab. Nyob saum toj ntawd daim duab uas muaj lub laub rau neeg mob zaum yog ib txoj kab uas sau tias Kam Txais Cov Neeg Mob. Yog tias muaj tus cim ntawv uas sau tias Y ces txhais tau tias lawv kam txais cov neeg mob tuaj tshiab.

Thaum koj pom muaj PCP lawm, ces sau thiab ua tiav rau daim Foos Hloov Tus Thawj Kws Kho Mob saum oos lais (online) lossis hu rau Lub Chaw Pab Cuam Tswvcuab ntawm lub Alliance.

Yog tias tus kws kho mob lossis lub chaw kuaj mob kam txais cov neeg mob tuaj tshiab, koj yuav tau txais ib daim tshiab Alliance Tus Tswvcuab Daim Npav ID.

Kom hloov koj tus PCP, hu rau Lub Chaw Pab Tswvcuab ntawm Lub Alliance lossis sau thiab ua tiav Foos Hloov Tus Thawj Kws Kho Mob. Cov kev hloov no yuav pib rau thawj hnub ntawm lub hli tom ntej.

Hu rau koj tus PCP lub chav haujlwm mus teem caij mus ntsib nrog koj tus kws kho mob.

Saib cov lus qhia txog yuav ua li cas npaj rau koj lub sijhawm teem caij mus ntsib koj tus kws kho mob.

Yog tias koj tus PCP tam sim no tsis nyob hauv Alliance pab pawg kws kho mob, koj kuj tseem tuaj yeem ntsib lawv tau ntev txog 12 lub hlis. Nov yog cov lus qhia vim li cas koj tseem tuaj yeem mus ntsib lawv tau:

• Tus mob hnyav. Kev ua tiav thiab cov kev pab cuam uas tau them nyiaj rau yuav tsum muab rau lub sijhawm uas tus tseem mob.
• Ib tug mob mus ntev. Kev ua tiav cov kev pab them nyiaj yuav tsis pub dhau kaum ob (12) lub hlis txij li hnub koj muaj npe nkag nrog lub Alliance.
• Cev xeeb tub, suav nrog kev saib xyuas tom qab yug me nyuam tas. Ua tiav cov kev pab cuam uas tau them nyiaj yuav tsum muab rau lub sijhawm uas xeeb tub.
• Kev mob nkeeg rau ntu kawg. Kev ua tiav cov kev pab cuam yuav tsum muab rau lub sij hawm ua haujlwm rau kev mob nkeeg rau ntu kawg.
• Ib txoj kev phais lossis lwm qhov kev kho mob uas koj txoj kev npaj kho mob yav dhau los tau tso cai uas yog ib feem ntawm cov ntaub ntawv sau tseg txoj kev kho mob uas tshwm sim nyob rau hauv ib puas yim caum (180) hnub ntawm lub sijhawm koj muaj npe nkag nrog lub Alliance.
• Ib tus menyuam uas muaj noob nyoog 0–36 hlis uas niam txiv xav ua kom tus menyuam mus ntsib tus kws kho mob uas lawv tau mus ntsib kom txog kaum ob (12) lub hlis.

Koj tus kws kho mob uas nyob sab nraud peb pab pawg kws kho mob yuav tsum kam txais tib cov lus thiab cov cai uas lub Alliance cov kws kho mob pom zoo rau. Koj tus kws kho mob yuav tsum ua raws li Alliance cov qauv ua haujlwm thiab yuav tsum tsis muaj qhov uas tsis tsim nyog tau txais kev saib xyuas zoo.

Yog tias koj cov chaw muab kev pab cuam tsis koom nrog lub pab pawg kws kho mob ua ntej 12 lub hlis, koj yuav tsum hloov mus rau ib tus kws kho mob uas nyob hauv lub Alliance pab pawg kws kho mob.

Yog xav paub ntau ntxiv txog kev saib xyuas txuas ntxiv thiab cov kev tsim nyog tau txais kev pab, thiab tag nrho cov kev pab cuam uas muaj, hu rau Lub Chaw Pab Tswvcuab ntawm 800-700-3874, hnub Monday txog hnub Friday txij thaum 8 a.m. txog 5:30 p.m. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).