Los Pib Tau
Nrhiav ib Tus Kws Kho Mob
Yog tias koj tuaj tshiab rau lub Alliance, koj yuav tau nrhiav ib tus kws kho mob, Peb pab tau koj nrhiav ib tus kws kho mob nyob ze koj. Peb tuaj yeem pab koj nrhiav ib tus kws kho mob haum uas nyob ze ntawm koj. Yog tia koj tus kws kho mob tam sim no tsis nyob rau hauv Alliance pab pawg, muaj tej lub sij hawm thaum twg koj tseem tuaj yeem mus ntsib lawv rau ib lub sijhawm.
Cov xov xwm ntawm nplooj ntawv no yog rau cov Medi-Cal tswvcuab. Yog tías koj nrhaiv cov ntawb ntawv rau IHSS cov tswvcuab, thov mus rau nplooj ntawv IHSS
Puas yog koj teem caij tsis tau mus ntsib koj tus kws kho mob tam sim ntawd?
Hu rauTus Xov Tooj Nug Kev Pab Los Ntawm Tus Kws Tu Neeg Mob24/7 kom tau txais kev pab txog yam yuav ua mus ntxiv rau koj lossis koj tus menyuam.
Mus raukev mus kuaj mob ceevthaum koj muaj mob lossis raug mob uas tsis zoo li yuav ua rau muaj kev phom sij rau txoj sia uas tos tsis taus txog hnub tom ntej.
Ib tus thawj kws kho mob lossis PCP yog ib tus kws saib xyuas kev noj qab haus huv lossis chaw kuaj mob uas muab kev saib xyuas. Koj yuav tsum xaiv ib tug kws kho mob los saib xyuas txhua yam. Nyob ntawm koj lub noob nyoog thiab yog tais koj yog pojniam lossis txiv neej, koj tus kws kho mob tuaj yeem yog ib:
- Ib tus kws kho mob uas kho txhua yam.
- Ib tus kws kho mob uas tseem xyaum haujlwm.
- Ib tus kws kho mob rau cov menyuam yau.
- Ib tus kws kho mob rau tsev neeg.
- OB-GYN (ib tus kws kho mob rau poj niam lub cev thiab thaum xeebtub).
- Ib tus kws tu neeg mob uas muaj ntawv saib xyuas neeg mob.
- Ib tus kws pab tus kws kho mob.
- Lub chaw kuaj mob.
Koj kuj tuaj yeem xaiv Tsoom Fwv Teb Chaw Lub Chaw Saib Xyuas Txoj Kev Noj Qab Haus Huv (Federally Qualified Health Center; FQHC, raws li sau hauv lus Askiv) lossis Lub Chaw Kho Mob Uas Nyob Deb Nroog (Rural Health Clinic; RHC, raws li sau hauv lus Askiv) los ua koj tus kws kho mob. Cov chaw muab kev saib xyuas noj qab haus huv no nyob rau thaj chaw uas tsis muaj kev pab cuam kev saib xyuas mob nkeeg ntau.
Koj yuav tsum xaiv ib tus kws kho mob tsis pub dhau 30 hnub thaum koj muaj npe nkag hauv lub Alliance. Yog koj tsis ua li ntawd, peb yuav muab koj rau ib tus kws kho mob. Kom nrhiav ib tus kws kho mob r uas nyob ze koj, mus rau saum oos lais (online) mus xyuas Cov Chaw Pabcuam lossis hu rau Lub Chaw Pab Cuam Tswvcuab. Peb nyob ntawm no los pab koj.
Koj yuav tsum mus ntsib koj tus kws kho mob los rau tshuaj xyuas tus neeg mob tshiab tsis pub dhau 120 hnub (4 lub hlis) ntawm Alliance kev ua tswvcuab.
Hu lossis teem sijhawm mus ntsib koj tus kws kho mob ua ntej thaum koj xav tau kev saib xyuas rau kev kho mob. Koj tus kws kho mob tuaj yeem ua tau ntau yam rau koj, xws li:
- Muab kev qhia tag nrho koj cov kev kho mob.
- Muab sijhawm mus kuaj mob, koob txhaj tshuaj tiv thaiv thiab kev pab thaum koj muaj mob.
- Muab kev pab tiv thaiv teeb meem txoj kev noj qab haus huv lossis tswj xyuas koj mob uas yuav mob mus ntev, xws li kev mob ntshav qab zib.
- Xa koj mus rau lwm tus kws kho mob, thaum koj xav tau.
Dhau sijhawm, koj thawj tus kws kho mob (PCP) yuav tau paub txog koj li keeb kwm kev noj qab haus huv thiab pab koj xaiv qhov zoo kom koj tuaj yeem noj qab nyob zoo.
Yog tías koj muaj xwm txheej xeev, hu rau 911 lossis mus rau chaw kho mob ceev uas nyob ze koj tshaj plaws.
Siv Phau Ntawv Teev Npe Kws Kho mob mus nrhiav ib tus thawj kws kho mob thiab xaiv koj Tus Thawj Kws Kho Mob (Primary Care Provider; PCP, raws li sau hauv lus Askiv). Tej zaum, koj yuav tsum tau txais kev xa mus los ntawm koj tus PCP ua ntej koj yuav teem sijhawm nrog ib tus kws kho mob uas paub txog ib tus kws kho mob uas paub txog ib yam mob mus ntev rau ib yam mob uas tsis yog xwm txheej ceev. Hu rau koj tus PCP los xyuas seb koj puas yuav tsum tau txais kev xa mus.
Muaj peb txoj hauv kev los nrhiav ib tus kws kho mob:
- Tshawb nrhiav tau Phau Ntawv Teev Npe Cov Kws Kho Mob saum oos lais (online).
Mus saib Phau Ntawv Teev Npe Cov Kws Kho saum oos lais (online).- Nco ntsoov xaiv koj txoj kev npaj kho mob hauv qhov chaw uas sau tias Cov Kev Npaj Kho Mob Kho.
- Xaiv ib hom kws kho mob.
- Nias lub npov uas sau tias "Kam Txais Cov Neeg Mob Tshiab."
Xav paubntxiv ces mus siv Cov Kws Kho Mob Cov Npawb Xov Tooj saun oos lais, mus saib cov lus qhia no ib qho mus rau ib qho.
- Rub tawm Phau Ntawv Teev Npe Cov Kws Kho Mob.
Rub tawm Phau Ntawv Teev Npe Cov Kws Kho Mob rau kojlub cheeb nroog.
- Medi-Cal: cheeb nroog Monterey thiab Santa Cruz (Lus Askiv thiab Lus Mev)
- Medi-Cal: Mariposa thiab Merced County (English, Spanish thiab Hmong)
- Medi-Cal: Lub Nroog San Benito (Lus Askiv thiab Lus Mev)
- Siv Phau Ntawv Teev Npe Rau Cov Kws Kho Mob.
Yog tias koj xav tau ib daim luam rau Phau Ntawv Teev Npe Cov Kws Kho Mob, siv daim foos muab kev pab cuam los mus thov rau ib phau. Koj kuj tuaj yeem hu rau Lub Chaw Pab Cuam Tswvcuab thiab hais kom lawv xa ib phau rau koj. Txhawm nrhiav tus kws kho mob hauv Phau Ntawv Teev Npe Rau Cov Kws Kho Mob
- Tshawb nrhiav kom tau ntu uas sau tias Tus Thawj Tus Kws Kho Mob hauv cov ntu ntawm Cov Txheej Txheem.
- Xaiv lub nroog uas nyob ze koj thiab mus rau nplooj ntawv uas muaj lub npe rau hauv lub nroog ntawd.
- Nco ntsoov saib seb tus kws kho mob lossis lub chaw kuaj mob puas txais cov neeg mob tuaj tshiab. Nyob saum toj ntawd daim duab uas muaj lub laub rau neeg mob zaum yog ib txoj kab uas sau tias Kam Txais Cov Neeg Mob. Yog tias muaj tus cim ntawv uas sau tias ces txhais tau tias lawv kam txais cov neeg mob tuaj tshiab.
Thaum koj nrhiav tau ib tus kws kho mob lawm, sau tiav daim Ntawv Foos Xaiv Thawj Tus Kws Kho Mob saum oos lais. Koj hu tau rau Cov Tswvcuab Pab Cuam ntawm lub Alliance.
Yog tias tus kws kho mob lossis lub chaw kuaj mob kam txais cov neeg mob tuaj tshiab, koj yuav tau txais ib daim tshiab Alliance Tswvcuab Daim Npav ID..
Hloov koj tus kws kho mob, hu rau Cov Kev Pab Cuam Tus Tswvcuab ntawm lub Alliance lossis sau tiav daim Ntawv Foos Xaiv Thawj Tus Kws Kho Mob. Cov kev hloov pauv yuav raug rau thawj hnub ntawm lub hli tom ntej.
Hu rau koj tus kws kho mob lub chaw haujlwm mus teem sijhawm mus ntsib nrog koj tus kws kho mob.
Yog tias koj tus kws kho mob tam sim no tsis nyob hauv lub Alliance pab pawg kws kho mob, koj kuj tseem tuaj yeem ntsib lawv tau ntev rau ib lub sijhawm. Nyeem daim ntawv hauv qab no rau tej yam uas koj yuav ntsib koj tus kws kho mob uas tsis nyob hauv peb pab pawg, thiab ntev npaum li cas koj yuav pom lawv,
Xwm Txheej Kev Mob Nkeeg |
Ncua Sijhawm |
Cov xwm txheej mob hnyav (qhov teeb meem kho mob uas xav tau kev saib xyuas sai) |
Thaum uas koj tus xwm txheej mob hnyav ntawd tseem muaj nyob |
Cov xwm txheej mob hnyav rau lub cev thiab kev coj tus cwj pwm (ib qho teeb meem kev kho mob hnyav uas koj tau muaj los ntev lawm) |
Hais txog lub sijhawm uas xav tau los mus ua kom tiav koj qhov kev kho mob thiab muab koj tshem yam nyab xeeb lug mus rau ib tug kws kho mob tshiab nyob rau hauv pab pawg kho mob ntawm lub Alliance |
Kev saib xyuas thaum cev xeeb tub thiab ntu tom qab (tom qab yug menyuam tag). |
Nyob rau lub sijhawm uas koj cev xeeb tub thiab mus txog rau 12 lub hlis tom qab cev tsis xeeb tub |
Cov kev pab cuam kho mob kev nyuaj siab lossis puas siab puas ntsws ntawm leej niam |
Mus txog rau 12 lub hlis suav txij thaum muaj kev kuaj mob lossis suav txij thaum tag koj qhov kev xeeb tub, qhov twg yog qhov tshwm sim tom qab ces siv qhov ntawd |
Kev saib xyuas tus menyuam yug tshiab txij thaum yug mus txog rau thaum muaj noob nyoog 36 lub hlis |
Mus txog rau 12 lub hlis suav txij hnub pib ntawm qhov kev fajseeb kho mob lossis hnub uas tus kws kho mob daim ntawv cog lus nrog Alliance xaus |
Tus mob ntu kawg (ib qho teeb meem kev kho mob uas muaj kev phom sij rau lub neej txoj sia) |
Ntev li qhov uas muaj koj tus mob nyob nrog koj. Koj tseem tuaj yeem tau txais kev pab cuam tshaj 12 lub hlis suav txij hnub uas koj tso npe rau hauv Alliance lossis lub sijhawm uas tus kws kho mob tso tseg kev haujlwm nrog Alliance |
Kev ua haujlwm tau zoo ntawm ib qho kev phais mob lossis lwm yam txheej txheem kho mob los ntawm ib tug kws kho mob uas tsis nyob rau peb pab pawg yog tias muaj kev duav nqi rau, yam tsim nyog kho, thiab tau txais kev tso cai los ntawm Alliance raws li yog ib feem ntawm hom kev kho mob uas tau teev ntaub ntawv tseg thiab uas tau pom zoo thiab teev ntaub ntawv tseg los ntawm tus kws kho mob |
Kev phais mob lossis lwm yam txheej txheem kho mob yuav tsum nqis tes ua tsis dhau 180 hnub suav txij hnub tus kws kho mob daim ntawv cog lus xaus lossis 180 hnub suav txij hnub pib muaj koj qhov kev tso npe nrog Alliance |
Koj tus kws kho mob uas nyob sab nraud peb pab pawg kws kho mob yuav tsum kam txais tib cov lus thiab cov cai uas lub Alliance cov kws kho mob pom zoo rau. Koj tus kws kho mob yuav tsum ua raws li Alliance cov qauv ua haujlwm thiab yuav tsum tsis muaj qhov uas tsis tsim nyog tau txais kev saib xyuas zoo.
Yog tias koj tus kws kho mob tsis koom nrog Alliance pawg kws kho mob rau tom qab lub hli 12 kawg, tsis pom zoo rau Alliance cov nqi them, lossis tsis ua raws li cov kev cai saib xyuas zoo, koj yuav tsum tau hloov dhau ib tus kws kho mob ua nyob hauv lub Alliance pab pawg.
Yuav ua li cas yog tias kuv yuav tsum tau hloov kuv qhov kev npaj kho mob lossis pauv Medi-Cal Uas Muaj Nqi Pab Cuam mus ua kev saib xyuas uas muaj kev tswj hwm?
Yog tias koj yuav tsum tau hloov koj qhov kev npaj kho mob lossis ntawm FFS mus rau qhov kev saib xyuas uas muaj kev tswj hwm, lossis koj tau muaj ib tug kws kho mob uas nyob hauv pab pawg kho mob tam sim no uas tsis nyob rau hauv peb pab pawg lawm, koj tuaj yeem ceev tau koj tus kws kho mob txawm hais tias lawv tsis nyob hauv pab pawg kho mob ntawm Alliance lawm uas yog ua raws li kev kho mob txuas ntxiv.
Yog tias koj xav tau txais kev saib xyuas los ntawm ib tug kws kho mob uas tsis nyob rau hauv peb pab pawg, hu rau Alliance txhawm rau thov kev kho mob txuas ntxiv. Koj tuaj yeem tau txais kev kho mob txuas ntxiv mus txog rau 12 lub hlis lossis ntev dua yog tias tag nrho cov hauv qab no muaj tseeb:
- Koj muaj ib qhov kev sib raug zoo tsis tu ncua nrog tus kws kho mob uas tsis nyob hauv peb pab pawg ua ntej qhov kev tso npe rau hauv Alliance.
- Koj tau mus ntsib tus kws kho mob sab uas tsis nyob hauv peb pab pawg tej yam uas tsis yog xwm txheej ceev yam tsawg kawg yog ib zaug nyob rau 12 lub hlis ua ntej koj qhov kev tso npe nrog Alliance.
- Tus kws kho mob uas tsis nyob hauv peb pab pawg txaus siab ua haujlwm nrog Alliance thiab pom zoo rau Alliance cov kev cai ntawm kev cog lus thiab kev them nyiaj rau tej kev pab cuam.
- Tus kws kho mob uas tsis nyob hauv peb pab pawg ua tau raws li Alliance cov qauv kev tsheej kws haujlwm.
- Tus kws kho mob uas tsis nyob hauv peb pab pawg tau tso npe nkag thiab kev koom nrog qhov kev pab cuam Medi-Cal.
Kawm paub ntau ntxiv, hu rau lub Chaw Pab Cuam Tswvcuab rau ntawm 800‑700‑3874 (TTY 800-735-2929 lossis 711).
Kawm paub ntxiv txog kev kho mob hauv zos, tsim nyog thiab nyob tos ntsov cov kev pab cuam, hu tiv tauj rau Cov Tswvcuab Pab Cuam ntawm 800-700-3874hnub Monday txog hnub Friday thaum 8 a.m. txog 5:30 p.m. Yog koj xav tau kev pab hais lus, peb muaj ib tug xov tooj tshwj xeeb kom tau ib tug neeg txhais lus uas hais koj hom lus yam tsis tau them nqi rau koj. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).
Hu Rau Lub Chaw Pab Cuam Tswvcuab
- Hnub Monday txog hnub Friday, thaum 8 am. txog 5:30 p.m.
- Tus Xov Tooj: 800-700-3874
- Kev Pab Rau Neeg Tsis Hnov Lusthiab Cov Hnov Lus Tsis Zoo
Tus Xov Tooj TTY: 800-735-2929 (TTY: Ntaus 711) - Tus Xov Tooj Nug Kev Pab Los Ntawm Tus Kws Tu Neeg Mob
- Hnub Monday txog hnub Friday, thaum 8 am. txog 5:30 p.m.
- Tus Xov Tooj: 800-700-3874
- Kev Pab Rau Neeg Tsis Hnov Lusthiab Cov Hnov Lus Tsis Zoo
TTY: 800-855-3000 (Dial 711) - Tus Xov Tooj Nug Kev Pab Los Ntawm Tus Kws Tu Neeg Mob
Kev Txais Tau Alliance Cov Kev Pab Cuam
Xov Xwm Tseeb
Dawb naloxone ntawm Alliance chaw ua haujlwm
Lub Peb Hlis 2024 - Cov Ntawv Xov Xwm Tus Tswv Cuab
March 2024 – Member Newsletter Alternative Formats
Tus Tswv Cuab Tshiab Txais Tos Pob Khoom Ncua
Lub Kaum Ob Hlis 2023 - Cov Ntawv Xov Xwm Tus Tswv Cuab
Tiv tauj rau peb | Hu Dawb: 800-700-3874
Kev Mus Nrhiav Kev Pab
Tus Xov Tooj Nug Kev Pab Los Ntawm Tus Kws Tu Neeg Mob
Kev pab cuam txhais lus
Cov Lus Nquag Nug
© 2024 Central California Alliance for Health | Lub vev xaib cov lus taw qhia