Cov Chaw Haujlwm Muab Kev Kho Mob Ceev hauv Lub Nroog Santa Cruz

Kev kuaj mob ceev yog ib txoj kev pab koj xaiv tau los siv thaum koj tsis xis nyob lossis raug mob uas yuav tsis raug koj txoj sia tiamsis tos tsis tau rau tag kis thiab koj tus thawj kws kho mob ntsib tsis tau koj. Tej lub sijhawm uas koj yuav tau mus ntsib lub chaw kuaj mob ceev yuav nrog rau thaum koj mob khaub thuas lossis mob qa, ua npaws, mob pob ntseg, tawv nqaij tawm ua pob khaus, thiab qes tes taw. Cov kev mob xwmtxheej ceev uas yuav raug tau koj txoj sia, xws li mob plawv nres, hnov mob loj heev lossis raug mob loj heev rau lub taub haus, caj dab lossis nruab qaum yuav tau mus txais kev kho mob xwmtxheej ceev lossis koj yuav tau hu rau 911.

Thaum koj tsis xis nyob lossis raug mob, koj yuav tau hu rau koj tus thawj kws kho mob txhua zaus ua ntej los teem sijhawm mus ntsib nws. Koj kuj hu tau rau Lub Alliance Tus Xov Tooj Nug Kev Pab Los Ntawm Tus Kws Tu Neeg Mob (Nurse Advice Line; NAL, raws li sau hauv lus Askiv) ntawm 844-971-8907 (TTY: Ntau 711) los pab koj txiav txim tias koj yuav ua li cas tom ntej. Tej zaum koj tus kws kho mob lossis Tus Xov Tooj Nug Kev Pab Los Ntawm Tus Kws Tu Neeg Mob yuav pom zoo kom koj mus rau lub Alliance ib lub chaw kuaj mob ceev uas muaj nyob raws hauv qab no. Feem coob cov kws kho mob uas kuaj mob ceev yeej qhib hmo ntuj thiab cov hnub vasxaum. (Muab tus xov tooj NAL tseg rau hauv koj lub xov tooj ntawm teg kom koj nco tau.)