Kev Npaj Kom Muaj Menyuam

Cov kev pab cuam npaj kom muaj menyuam tuaj yeem pab koj npaj seb yuav muaj pes tsawg tus menyuam koj tuaj yeem ntxiv rau koj tsev neeg, thiab lub sijhawm sib nrug ntev npaum li cas nruab nrab ntawm txhua tus menyuam. Cov kev pab cuam no tau muab rau cov tswvcuab uas muaj noob nyoog yug menyuam tau thiab suav nrog qee txoj kev tswj tsis pub muaj menyuam uas tau txais kev pom zoo los ntawm Tsoom Fwv Teb Chaw Lub Tuam Tsev Tswj Xyuas Khoom Noj thiab Tshuaj (Food and Drug Administration; FDA, raws li sau hauv lus Askiv).

Koj tuaj yeem tau txais cov kev pab cuam kev npaj kom muaj menyuam los ntawm:

• Lub Alliance pab pawg kws kho mob: cov kws kho mob, cov kws tu neeg mob, cov kws saib xyuas menyuam yaus, cov kws pab kws kho mob thiab cov chaw kuaj mob.
• Cov uas nyob sab nraud ntawm lub Alliance pab pawg kws kho mob: txhua tus kws kho mob uas pab npaj kom muaj menyuam lossis ib lub chaw kuaj mob uas kam txais qhov kev fajseeb kho mob Medi-Cal. Koj tsis tas yuav txais kev pom zoo ua ntej los ntawm lub Alliance.

Cov kev pab cuam npaj kom muaj menyuam tsis muab cov kev pab uas koj yuav tsum tau tom qab koj cev xeebtub. Txawm li cas los xij, lub Alliance muab cov kev kawm qhia thiab txhawb nqa pab saib xyuas ua ntej thiab tom qab yug menyuam tas xws li peb qhov kev pab cuam Txoj Kev Pab Cuam Kom Cov Leej Niam thiab Menyuam Mosliab Noj Qab Haus Huv (Healthy Moms and Healthy Babies program).

Yog xav paub ntxiv txog qhov kev npaj kom muaj menyuam, hu rau Lub Chaw Pab Cuam Tswvcuab.