Cov Kev Pom Zoo rau Kev Kho Mob

Nws yuav muaj ntau zaus uas tej zaum koj yuav mus ntsib koj tus thawj kws kho mob yam tsis tas txais kev tso cai ua ntej los txais kev pab saib xyuas. Tab sis, nws yuav muaj tej co kev pab cuam uas koj yuav tsum tau txais kev tso cai ua ntej mamli txais tau. Tej zaum koj yuav tsuam tau txais kev xa mus lossis tau txais kev pom zoo ua ntej. 

Koj tsis tas yuav txais kev xa mus lossis kev tso cai ua ntej los txais kev pab kho mob xwmtxheej ceev. 

Kev Xa Mus

Yog tias koj raug muab rau ib tus Alliance thawj kws kho mob (primary care provider; PCP, raws li sau hauv lus Askiv), koj yuav tsum tau txais kev xa mus thaum mus ntsib lwm tus kws kho mob. Nws muaj qee qhov kev zam. Yog xav paub cov npe teev tag nrho thiab kom paub ntxiv, mus xyuas koj Phau Ntau Rau Tus Tswv Cuab.

Yog tias koj tus PCP xav tias koj yuav tsum tau mus ntsib lwm tus kws kho mob, lawv mamli sau ib Daim Foos Xa Mus (Referral Consultation Form). Koj tus PCP yuav xa ib daim ntawv luam mus rau tus kws kho mob uas koj raug xa mus ntsib thiab ib daim luam rau lub Alliance. Kev xa mus yog txoj kev uas lwm tus kws kho mob thiab Alliance paub tias koj tus PCP tau pom zoo rau koj mus ntsib. Peb yuav tsum tau txoj kev xa mus peb thiaj li them tus nqi thov kom them los ntawm lwm tus kws kho mob.

kev xa mus uas tau txais kev tso cai

Feem ntau, koj tus thawj kws kho mob (primary care provider; PCP, raws li sau hauv lus Askiv) yuav xa koj mus ntsib ib tus kws kho mob uas nyob hauv peb cheeb tsam muab kev pab cuam: cov cheeb nroog Santa Cruz, Monterey thiab Merced. Yog tias koj tus PCP xa koj mus rau ib tus kws kho mob uas tsis nyob hauv peb cheeb tsam muab kev pab cuam, nws yuav tsum tau txais kev pom zoo los ntawm peb ua ntej. Qhov no hu ua kev xa mus uas tau txais kev tso cai, vim tias peb yuav tsum tso cai (pom zoo) txoj kev xa mus ua ntej koj tuaj yeem ntsib lwm tus kws kho mob tau.

Yog tias koj yog Alliance Cov Kev Pab Saib Xyuas Mob Nkeeg Rau Tom Tsev (In-Home Support Services; IHSS, raws li sau hauv lus Askiv) ib tus tswvcuab, koj tseem yuav tsum tau txais kev tso cai xa mus yog tias koj tus PCP xa koj mus rau ib tus kws kho mob uas tsis ua haujlwm nrog lub Alliance - txawm tias tus kws kho mob nyob hauv peb cheeb tsam muab kev pab cuam.

Cov Alliance tswvcuab uas tau koom nrog nyob rau hauv California Kev Pab Kho Mob Rau Menyuam Yaus (California Children’s Services; CCS, raws li sau hauv lus Askiv) tseem yuav tsum tau txais kev tso cai xa mus rau kev kho mob tshwj xeeb.

Kev tso cai ua ntej

Lub Alliance yuav tsum pom zoo rau qee cov kev pab cuam, cov kev pab kho mob, tshuaj noj siv kho mob thiab khoom siv ua ntej koj yuav tau txais. Qhov no muaj npe hu ua kev tso cai ua ntej. Tus kws kho mob uas yuav muab qhov kev pab cuam yuav tsum xa ib qho kev thov kev tso cai ua ntej, los qhia rau peb paub yam koj yuav tsum tau thiab vim li cas. Lub Alliance yuav tshuaj xyuas qhov kev thov thiab cov ntaub ntawv kho mob uas tus kws kho mob xa tuaj. Yog tias qhov kev pab cuam, kev pab kho mob, tshuaj noj siv lossis khoom siv yog ib qho kev kho mob tsim nyog thiab yog ib qho kev mob ua raug pab them rau, peb mamli pom zoo rau qhov kev thov. Peb kuj yuav qhia rau tus kws muab kev pab kho mob paub, thiab tom qab ntawd koj tuaj yeem txais tau cov kev pab cuam.

Yog tias peb tsis pom zoo rau ib qho kev thov, peb yuav qhia koj thiab tus kws pab kho mob paub. Koj tuaj yeem sau ntawv thov kom rov qab txiav txim dua yog tias koj tsis pom zoo nrog peb qhov kev txiav txim siab.

Qhov kev pom zoo yuav siv sijhawm ntev npaum li cas?

Rau cov kev pab cuam tsis yog maj nrawm, peb txiav txim siab tsis pub dhau 14 hnub txij hnub peb tau txais cov lus thov.

Yog tias koj tus kws kho mob lossis tus neeg saib xyuas kev kho mob qhia rau peb tias lub sijhawm uas peb siv los tshuaj xyuas rau qhov kev pom zoo yuav cuam tshuam rau koj lub neej lossis kev noj qab nyob zoo, peb mamli txiav txim siab rau lub sijhawm tsis pub dhau 72 teev.

Kuv yuav paub tau li cas yog tias kuv tau txais kev pom zoo?

Koj yuav tau txais ib tsab ntawv uas tuaj yeem qhia koj paub txog peb qhov kev txiav txim siab. Nws muaj qee zau, tej zaum peb yuav hu xov tooj tuaj rau koj. Yog tias cov kev pab cuam raug kev tsis pom zoo, peb yuav xa ib Daim Ntawv Ceeb Toom Txog Kev Txiav Txim (Notice of Action; NOA, raws li sau hauv lus Askiv), tuaj rau koj thiab koj tus kws kho mob. Daim ntawv NOA no yuav qhia rau koj tias vim li cas peb tsis pom zoo muab cov kev pab cuam thiab koj yuav ua li cas thiaj tuaj yeem thov kom rov qab txiav txim dua yog tias koj tsis pom zoo rau peb qhov kev txiav txim.

Yog xav paub ntxiv, thov mus xyuas Phau Ntau Rau Tus Tswv Cuab.