Nkag Mus Saib Tau Koj Cov Ntaub Ntawv Hais Txog Kev Noj Qab Haus Huv

Koj yuav xyuas tau cov ntaub ntawv thov them nqi rau koj li kev kho mob thiab kev pab kho cwj pwm saum ooslais. Koj kuj tuaj yeem nkag mus saib tau koj cov ntaub ntawv kuaj mob nkeeg yog tias nws muaj. Qhov no suav txog koj:

• Lub npe.
• Qhov yog txiv neej los yog poj niam.
• Hnub yug.
• Hom lus nyiam hais.
• Qhov haus luam yeeb.
• Cov tshuaj noj siv thiab cov kev phiv tshuaj noj siv.
• Cov kev kuaj ntsuas xyuas thiab kuaj tau los.
• Cov kev tau teem caij mus ntsib thiab cov kev pab kho mob.
• Cov kev tau teem caij mus ntsib thiab cov kev pab kho mob.
• Cov koob tshuaj txhaj tiv thaiv kab mob.

Yog tias koj tsis nco qab koj lub npe siv lossis tus zauv zais (password) lawm ces koj tuaj yeem rov qab muab tau koj cov ntaub ntawv nkag mus nyob rau ntawm peb nplooj ntawv hais txog As Qhauj Oos Lais Rau Tswvcuab (Member Online Account page). Nias rau tab hais tias Recover Account, sau cov ntaub ntawv uas xav tau nkag rau thiab nias Submit.

Koj kuj tseem tuaj yeem hloov koj tus zauv zais (password)nyob rau nplooj ntawv ntawd thiab. Nias rau tab hais tias Change Password, sau koj lub npe siv thiab tus zauv zais (password) thiab nias rau Log In. Nyob rau feem hauv qab ntawm nplooj ntawv, ntaus koj tus zauv zais (password) tshiab hauv ob qho chaw thiab tom qab ntawd ces nias rau Change Password.

Yog hais tias koj yog Alliance ib tus tswvcuab, koj cov ntaub ntawv qhia txog kev noj qab haus huv yeej raug kev txwv tsis pub lwm tus pab txog thiab yuav nyob ruaj ntseg. Nws raug tiv thaiv raws li Cov Ntaub Ntawv Foos Ceeb Toom Qhia Txog Kev Tiv Thaiv Ntaub Ntawv Kho Mob (Health Insurance Portability and Accountability Act; HIPPA, raws li sau hauv lus Askiv).

Thaum koj muab kev tso cai, lub Alliance yuav muab koj cov ntaub ntawv qhia txog kev noj qab haus huv qhia rau qhov app uas koj tau xaiv ntawd. Koj cov ntaub ntawv qhia txog kev noj qab haus huv raug muab sib qhia rau hauv ib qho chaw uas tau raug muab "encrypted", ib hom kev uas txwv tsis pub lwm tau paub. Qhov no txhais tau tias tsuas yog koj qhov app thiaj li nkag siab thiab nkag mus saib tau koj cov ntaub ntawv nkaus xwb nrog rau kev tso cai nkag mus saib tau tej ntaub ntawv ntawd.

Lus Qhia Cia: Yog koj xav muab koj cov ntaub ntawv qhia nrog rau ib qho app, cov ntaub ntawv uas koj muab qhia ntawd yuav tsum siv raws li qhov app txoj cai txwv tsis pub lwm tus paub txog. Cov app yuav tsis ua raws li Cov Ntaub Ntawv Foos Ceeb Toom Qhia Txog Kev Tiv Thaiv Ntaub Ntawv Kho Mob (Health Insurance Portability and Accountability Act; HIPPA, raws li sau hauv lus Askiv) cov kev cai los tiv thaiv koj cov ntaub ntawv. Vim yog qhov no nws thiaj li tseem ceeb rau koj nkag siab txog txoj cai txwv tsis pub lwm tus paub txog ntawm qhov app uas koj tab tom siv no.

Koj yuav tau txiav txim siab seb puas tso cai cia qhov app nkag mus saib tau koj cov ntaub ntawv qhia txog kev noj qab haus huv. Yog koj xav muab koj cov ntaub ntawv qhia nrog ib qho app, lub chaw ntawd yuav tsis tas ua raws li HIPAA cov cai lij choj rau kev txwv tsis pub lwm tus paub txog koj thiab kev ruaj ntseg. Tej zaum koj cov ntaub ntawv yuav raug muab qhia los ntawm qhov app, mus raws li qhov app txoj cai txog kev txwv tsis pub lwm tus paub txog koj. Vim li ntawd nws thiaj li tseem ceeb rau koj los nkag siab txog qhov app txoj cai txwv tsis pub lwm tus paub txog ua ntej koj pom zoo.

Yog hais tias tsis muaj ib txoj cai txwv tsis pub lwm tus paub txog koj, ces peb xav kom koj txhob siv qhov app ntawd. Txhob muab koj cov ntaub ntawv qhia txog kev noj qab haus huv qhia rau ib tug neeg uas koj tsis ntseeg siab.

Nyob rau ntawm lub Alliance, peb txhawj xeeb txog kev tiv thaiv koj cov ntaub ntawv qhia txog kev noj qab haus huv. Thaum koj xaiv ib qho app, peb xav kom koj tshuaj xyuas seb qho app puas nyob ntawd daim ntawv teev cov npe uas ua raws li Txoj Cai Kev Coj Ua ntawm CARIN. Yog ib qho app ua raws li Txoj Cai Kev Coj Ua ntawm CARIN, qhov no txhais tau tias lawv tau pom zoo ua raws li cov cai zoo rau kev txwv tsis pub lwm tus paub txog koj thiab kev ruaj ntseg.

Yog koj xaiv ib qho app rau kev noj qab haus huv uas ua raws li Txoj Cai Kev Coj Ua ntawm CARIN, qhov no txhais tau tias qhov app no yuav:

• Npaj kom nyeem txoj cai txwv tsis pub lwm tus paub txog koj kom tau yooj yim uas piav qhia txog qhov yuav muab koj cov ntaub ntawv coj los siv thiab sib qhia li cas thiab rau thaum twg.
• Nug koj txhua lub sijhawm kom tau kev pom zoo thaum sau cov lus qhia txog koj.
• Tso cai rau koj los saib ib txhua ntaub ntawv ntsig txog koj tus kheej uas qhov app yuav nkag los saib tau.
• Qhia rau koj paub tias yuav qhia li cas rau qhov app tias koj tsis xav kom nkag los saib tau koj tus kheej cov ntaub ntawv mus ntxiv.

Koj yuav tsum qhia tawm koj cov ntaub ntawv qhia txog kev noj qab haus huv nrog cov app uas koj ntseeg siab nkaus xwb. Peb pom zoo tshaj plaws hais tias kom koj tsuas xaiv cov app uas ua raws txoj Cai Dawb Huv ntawm CARIN nkaus xwb.

Koj kuj yuav tsum tsim cov zauv zais (passwords) kom ruaj zoo rau koj tus as qhauj (account) siv ntawm lub Alliance thiab koj tus as qhauj (account) ntawm qhov app rau kev noj qab haus huv. Ib tug zauv zais (password) ruaj zoo:

• Tsawg kawg yog muaj 12 tus niam ntawv.
• Siv cov niam ntawv, cov nab npawb thiab co cim sib txuam ua ke.
• Tsis zoo ib yam li lwm cov zauv zais (passwords) uas koj siv.

Yog koj muaj lus nug txog qhov nkag mus saib tau koj cov ntaub ntawv qhia txog kev noj qab haus huv, thov hu rau lub Alliance Lub Chaw Pab Cuam Tswvcuab ntawm 800-700-3874, hnub Monday-Friday thaum 8 a.m. mus txog 5:30 p.m. Yog koj xav tau kev pab txhais lus, peb muaj ib tug xov tooj uas yuav pab nrhiav ib tug kws pab txhais lus uas hais koj hom lus yam tsis tau them nqi rau koj. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).

Yog koj muaj lus nug txog qhov app uas koj tab tom siv, hu mus rau cov chaw uas tsim qhov app no.