California Kev Pab Kho Mob Rau Menyuam Yaus (CCS) Qhov Kev Npaj Kho Mob Rau Cov Menyaum Yaus

Lub Alliance pab nrog kev tswj xyuas kev kho mob thiab kev pab saib xyuas kev kho mob los txhawb nqa thiab txhim kho kev saib xyuas kho mob thoob plaws rau cov menyuam yaus uas yog ib feem ntawm txoj kev pab cuam WCM. Cov neeg ua haujlwm ntawm lub Alliance tuaj yeem pab cov tsev neeg ncuv npe nkag hauv CCS los ntawm:

• Kev qhia rau lawv txog qhov kev siv thiab them nyiaj li cas rau kev kho mob thiab cov kev pab cuam los ntawm Qhov Kev Npaj Kho Mob Rau Cov Menyaum Yaus.
• Piav qhia txog lawv tus menyuam cov kev mob thiab muab kev pab xa mus rau cov kws pab kho mob tshwj xeeb uas yuav pab kho tau tus mob.
• Pab cov tsev neeg thov rau cov kev pab cuam rau zej zog xws li Nyiaj Pab Rau Cov Neeg Uas Tsis Taus (Supplemental Security Income; SSI, raws li sau hauv lus Askiv), cov nyiaj pab yuav zaub mov, cov kev pab cuam tsev nyob thiab lwm cov kev pab cuam kho mob.
• Pab cov tsev neeg daws lawv cov kev txhawj xeeb lossis cov kev tsis txaus siab txog lawv tus menyuam li kev kho mob.
• Pab cov tsev neeg siv cov kev pab cuam thiab ua ntawv thov rov txiav txim dua yog tias lawv tus menyuam tsis tau txais kev pom zoo rau kev saib xyuas kho mob.

Cov menyuam yaus uas muaj noob nyug qis dua 21 xyoos uas muaj cov kev yuav tsum tau kev saib xyuas kev noj qab haus huv tshwj xeeb uas yuav tsum tau txais kev kho nrog cov tshuaj, kev phais mob lossis kev rov kho kom zoo tuaj. Txoj kev pab kho CCS ntawm lub cheeb nroog txiav txim siab txog tias leej twg thiaj tsim nyog tau txais CCS.

Yog tias koj xav tias koj tus menyuam yuav tuaj yeem tsim nyog tau txais, tiv tauj rau Alliance pab pawg Tswj Xyuas Kev Tu Xyuas ntawm 800-700-3874, ext. 5512. Peb pab pawg muaj cov kws tu neeg mob, cov neeg ua haujlwm pab zej zog thiab cov neeg pab saib xyuas kev kho mob los pab koj tus menyuam tswj xyuas lawv tus mob thiab txais kev pab saib xyuas kev kho mob. Peb tuaj yeem ua haujlwm nrog koj los tsim ib qho kev npaj uas haum rau koj cov kev xav tau los ntawm kev sib tham nrog koj hauv xov tooj lossis nrog koj tham tim ntsej tim muag ntawm koj tsev lossis koj tus kws kho mob lub chaw haujlwm.

Koj kuj tuaj yeem nug koj tus kws kho mob xa koj mus rau txoj kev pab kho mob CCS hauv koj lub cheeb nroog, lossis koj tuaj yeem mus xyuas hauv koj cheeb nroog lub vev xaib (website) los kawm paub txog qhov los ua koj qhov kev xa mus ntawm koj tus kheej tau li cas:

• Cheeb Nroog Merced
• Cheeb Nroog Monterey
• Cheeb Nroog Santa Cruz

Yog tias koj tus menyuam tsim nyog tau txais qhov kev pab kho CCS Qhov Kev Npaj Kho Mob Rau Cov Menyaum Yaus, koj tus menyuam tus kws kho mob mamli kho nws raws cov kev pab kho mob tshwj xeeb uas nws yuav tsum tau. Koj kuj yuav tau txais kev cob rau pab pawg koom tes saib xyuas kev kho mob los ua kom paub tseeb tias koj tus menyuam tau txais nws qhov kev saib xyuas kho mob uas nws yuav tsum tau.

Yog xav paub ntxiv txog Qhov Kev Npaj Kho Mob Rau Cov Menyaum Yaus, mus xyuas California Lub Tuam Tsev Haujlwm Saib Xyuas Cov Kev Pab Kho Mob (Department of Health Services; DHCS, raws li sau hauv lus Askiv) Daim Ntawv Tshaj Tawm Txog Qhov Kev Npaj Kho Mob Rau Cov Menyuam Yaus.

Qhov kev pab kho CCS Qhov Kev Npaj Kho Mob Rau Cov Menyaum Yaus tuaj yeem pab them rau cov kev pab cuam thiab cov kev kho mob yog tias lawv tsim nyog txais kev kho mob. Qee cov kev piv txwv suav nrog:

• Cov kev mus ntsib kws kho mob thiab cov kws kho mob tshwj xeeb.
• Cov kev mus pw hauv tsev kho mob loj.
• Cov Kev Pab Saib Xyuas Mob Nkeeg Rau Tom Tsev (In-Home Support Services; IHSS, raws li sau hauv lus Askiv).
• Cov khoom siv ntaub pua.
• Cov kev kuaj mob thiab cov kev xoos fais fab.
• Cov khoom siv kho mob, xws li cov laub thauj neeg mob thiab cov khoom ntsaws pob ntseg kom hnov lus.
• Tshuaj noj.
• Cov khoom siv kho mob.
• Cov kev pab kho mob fab kev puass siab puas ntsws.
• Cov khoom pab txheem.
• Kev kho mob lub cev, kho kom ua tau haujlwm thiab kev pab hais lus.
• Cov kev phais mob.

Qhov kev pab kho CCS Qhov Kev Npaj Kho Mob Rau Cov Menyaum Yaus yog ib feem ntawm lub Alliance Medi-Cal qhov kev pab cuam. Nws yuav tsis muaj tus nqi ntxiv. Yog tias koj tus menyuam tau txais kev pab them hauv Medi-Cal, lub Alliance yuav them rau cov kev pab cuam uas koj tus menyuam yuav tsum tau, txawm hais tias koj tus menyuam tsis tsim nyog tau txais Qhov kev pab kho CCS Qhov Kev Npaj Kho Mob Rau Cov Menyaum Yaus.

Thaum cov menyuam yaus hauv txoj qhov kev pab kho CCS Qhov Kev Npaj Kho Mob Rau Cov Menyaum Yaus muaj 21 xyoo, lawv tsis tau txais kev pab them los ntawm CCS ntxiv lawm. Lawv yuav hloov mus rau qhov kev pab them rau kev noj qab haus huv los Alliance Medi-Cal qhov kev npaj kho mob. Qhov kev hloov no hu ua kev npaj kev hloov. Qhov kev npaj hloov yuav pab cov hluas uas muaj noob nyoog 18-21 kom:

• Kawm paub cov kev pab hauv lub neej thiab hauv zej zoj los nyob yam ywj pheej.
• Tsim ib qhov kev npaj nrog tsev neeg thiab lwm cov neeg uas ntseeg siab.
• Tsom rau lawv cov kev txaus siab thiab npaj rau lub neej yav tom ntej.
• Hloov los ntawm kev saib xyuas kev noj qab haus huv ntawm rau menyuam yaus mus rau kev saib xyuas kev noj qab haus huv rau neeg laus.

Kev npaj kev hloov tuaj yeem pab cov hluas nrog kev teeb thiab mus cuag lawv cov hom phiaj ntawm:

• Kev saib xyuas kev noj qab haus huv.
• Kev kawm tom qab-kev tawm tiav tsev kawm theem siab.
• Kev xyaum txog kev ua haujlwm thiab kev kawm los ua haujlwm.
• Kev nrhiav txoj haujlwm.
• Koom hauv cov haujlwm hauv zej zog.
• Nyob ib yam li yog ib tug neeg laus.
• Lwm cov kev pab cuam txhawb nqa nyob ntawm koj yuav tsum tau.

Rau kev pab nrog kev npaj kev hloov, tiv hu rau peb pab pawg Tswj Xyuas Kev Tu Xyuas ntawm 800-700-3874, ext. 5512.

Pawg Tawm Pab Tswv Yim Rau Tsev Neeg Qhov Ua Qauv Rau Me Nyuam Yaus Tag Nrho (WCMFAC, raws li sau hauv lus Askiv) sawv cev rau cov kev xav tau thiab cov kev txhawj xeeb ntawm cov tsev neeg ntawm cov me nyuam yaus uas tsim nyog tau txais ntawm-CCS. Pab pawg neeg no ua hauj lwm los tsim qhov kev saib xyuas rau tsev neeg uas yog chaw nruab nrab thiab ua cov kev taw qhia hauv qhov yauv ua kom tau raws li cov hom phiaj ntawm Kev Ua Qauv Rau Me Nyuam Yaus Tag Nrho tau li cas.

Pab neeg no yog tsim los ntawm cov tsev neeg uas muaj cov menyuam uas yuav tsum tau kev pab kho mob tshwj xeeb, lub Alliance cov neeg ua haujlwm, CCS cov neeg ua haujlwm hauv lub cheeb nroog, Pab Pawg Neeg Uas Kav lub Alliance, thiab cov neeg sawv cev los ntawm cov koom haum hauv zej zog.

Lub WCMFAC pab muab tswv yim los rau Txoj Hauj Lwm Kev Kho Mob Uas Muaj Kev Tswj Hwm Hauv Santa Cruz-Monterey-Merced ntawm lub Alliance, kuj hu tias yog Pab Pawg Thawj Coj Ntawm lub Alliance, txog cov kev pab cuam uas tau muab los ntawm qhov phiaj xwm kev noj qab haus huv thiab kev koom tes kev saib xyuas kev noj qab haus huv. WCMFAC lub hom phiaj yog xav hnov los ntawm cov tsev neeg ntawm cov me nyuam yaus uas muaj cov kev xav tau kev saib xyuas kev noj qab haus huv tshwj xeeb thiab muab kev txhawb nqa.

WCMFAC cov tswv cuab yuav:

• Pab tswv yim rau Cov Thawj Coj Ntawm lub Alliance txog cov teeb meem thiab cov kev txhawj xeeb ntawm cov tswv cuab thiab lawv cov tsev neeg raws li lawv cuam tshuam txog txoj kev pab cuam ntawm Kev Ua Qauv Rau Me Nyuam Yaus Tag Nrho.
• Sawv cev ntawm cov tswvcuab ntawm lub Alliance uas tej zaum twb twb tsis muaj leej twg hnov lawv cov lus li.
• Muab kev kawm paub rau cov tsev neeg txog cov kev pab cuam uas tau pab muab rau cov me nyuam yaus nrog cov kev xav tau txog kev saib xyuas kev noj qab haus huv tshwj xeeb.
• Pab txhim kho cov kev pab cuam rau cov CCS Alliance tswvcuab rau tam sim no thiab yav tom ntej.

WCMFAC lub rooj sib tham sib ntsib dhau ntawm lub rooj sib tham hauv vib dis aus. Lub rooj sib tham siv sij hawm 90 feeb.

Yog tias koj xav tuaj koom hauv pab pawg, ua kom tiav daim ntawv thov saum oos lais (online) lossis xa email tuaj rau [email protected] yog xav paub ntau ntxiv.