Cov Kev Hloov rau Qhov Kev Pab Cuam Rau Pej Xeem Uas Tau Npav Ntsuab Ntawm Tsoom Fwv (Public Charge)

Nyob rau Lub Kaum Ob Hlis Ntuj Tim 23, 2022, Tsoomfwv Meskas tau hloov qee yam txog txoj cai rau qhov kev pab cuam rau pej xeem uas tau npav ntsuab ntawm tsoomfwv. Nws muaj ntau yam kev tiv thaiv ntxiv rau cov neeg tsiv teb tsaws chaw thiab lawv tsev neeg los txhawm kom tau siv cov txiaj ntsig pab rau pej xeem ntawm tsoomfwv yam tsis muaj kev cuam tshuam rau lawv txoj kev nkag teb chaws. Nws kuj muaj teeb meem tsawg dua rau cov neeg tsiv teb tsaws chaw uas khwv tau nyiaj tsawg los mus ua kom tau txais daim npav ntsuab. Peb cia siab tias cov kev hloov no yuav ua rau muaj ntau tsev neeg hauv zos muaj kev nyab xeeb uas tau txais qhov kev pab uas lawv xav tau, xws li kev pab kho mob los ntawm lub Alliance.

Kev pab cuam rau cov pej xeem uas tau npav ntsuab ntawm tsoom fwv (pubic charge) txhais tau li cas?

Yog tias ib tug neeg twg tau txais kev pab ntau dua los ntawm tsoomfwv los mus saib xyuas lawv tus kheej, tsoomfwv hu tus neeg no ua tus neeg nyob rau kev pab cuam rau pej xeem uas tau npav ntsuab ntawm tsoom fwv. Yog hais tias ib tug neeg twg uas tsis yog neeg xam xaj uas ntxim li yuav yog tus neeg uas nyob rau kev pab cuam rau pej xeem uas tau npav ntsuab ntawm tsoomfwv, ces tsoomfwv tuaj yeem:

• Tsis pub lawv tuaj rau hauv Tebchaws Meskas.
• Tsim kev hloov rau lawv txoj kev nkag tebchaws.

Muaj dab tsi uas tab tom yuav hloov?

Txoj cai hais txog kev pab cuam rau pej xeem uas tau npav ntsuab ntawm tsoomfwv uas tau hloov tshiab hais tias ntau yam txiaj ntsig pab cuam rau pej xeem ntawm tsoomfwv yuav tsis muab suav nkag rau kev pab cuam rau pej xeem uas tau npav ntsuab ntawm tsoomfwv ntxiv lawm, xws li kev pab kho mob thiab khoom noj khoom haus. Qhov kev npaj kho mob Medi-Cal/Medicaid tsis muab suav rau hauv txoj cai tshiab hais txog kev pab cuam rau pej xeem uas tau npav ntsuab ntawm tsoomfwv tshwj yog hais tias tus neeg ntawd:

• Nyob rau hauv kev kho mob ntawm chaw kho mob ncua ntev.
• Nyob rau hauv ib lub tsev laus uas pab tu neeg mob.

Yog koj xav kawm paub ntau ntxiv txog ntawm qhov yuav ncu npe thov li cas rau Medi-Cal, thov mus rau ntawm peb nplooj ntawm qhia txog Medi-Cal.

Nws muaj lwm yam txiaj ntsig pab cuam rau pej xeem ntawm tsoomfwv uas koj tuaj yeem siv uas nws yuav tsis hloov koj txoj kev nkag tebchaws, xws li:

• CalFresh (Nyiaj Muas Noj).
• Zauv mov hauv tsev kawm ntawv.
• Cov nyiaj pab ntawm Covered California.
• Medicare.
• Cov koob tshuaj txhaj tiv thaiv kab mob.
• Kev kuaj lossis kev kho tus kab mob COVID-19.
• Cov Kev Pab Txhawb Nqa Hauv Tsev.
• Vaj tsev nyob ntawm tsoomfwv tebchaws thiab kev pab nyob Tshooj 8 (Section 8).
• Kev Pab Rau Cov Pojniam Muaj Menyuam, Cov Mosliab thiab Cov Menyuam Yaus (Women, Infant and Children; WIC, raws li sau hauv lus Askiv).

Cov txiaj ntsig pab cuam rau pej xeem ntawm tsoomfwv uas koj tsev neeg siv yuav tsis suav rau koj.

Qhov twg ntawm cov txiaj ntsig pab cuam rau pej xeem ntawm tsoomfwv tuaj yeem suav rau kev pab cuam rau cov pej xeem uas tau npav ntsuab ntawm tsoomfwv?

Txoj cai tshiab hais tias ib tug neeg twg tuaj yeem nyob tau rau kev pab cuam rau cov pej xeem uas tau npav ntsuab ntawm tsoomfwv yog tias lawv yog ib tug neeg uas tsis yog neeg xam xaj uas zoo li yuav tau txais kev pab ntau dua los ntawm tsoomfwv rau:

• Kev tau txais kev pab nyiaj ntsuab los txhawm rau lawv cov nyiaj tau los. Qhov no tuaj yeem tau los ntawm Nyiaj Ntsuab (CalWORKs), Nyiaj Xaus Saus Txhawb Ntxiv (Supplemental Security Income) thiab Kev Daws Kev Txom Nyem Txhua Yam/Kev Pab Cuam Txhua Yam (General Relief/General Assistance).
• Kev raug muab tso rau ntawm ib qhov chaw kho mob rau kev kho mob ncua ntev uas tsoomfwv ua tus them.

Txoj cai hais txog kev pab cuam rau cov pej xeem uas tau npav ntsuab ntawm tsoomfwv puas siv tau rau txhua tus neeg tsiv teb tsaws chaw?

Qhov kev pab cuam rau cov pej xeem uas tau npav ntsuab ntawm tsoomfwv yuav siv tsis tau rau txhua leej. Feem ntau cov neeg uas tsiv teb tsaws chaw tsis tas yuav txhawj txog kev pab cuam rau cov pej xeem uas tau npav ntsuab ntawm tsoomfwv. Nyeem ntxiv nyob rau hauv California Lub Tuam Tsev Haujlwm Saib Xyuas Kev Noj Qab Haus Huv thiab Kev Pab Pej Xeem Phau Ntawv Qhia Txog Kev Pab Cuam Rau Cov Pej Xeem Uas Tau Npav Ntsuab Ntawm Tsoomfwv (Health & Human Services Agency Public Charge Guide).

Qhov kev hloov no yuav cuam tshuam li cas rau cov tswvcuab hauv Alliance?

Txhua tsev neeg muaj qhov sib txawv. Nws yog ib qho tseem ceeb uas yuav tau:

• Paub txog koj cov cai.
• Paub qhov tseeb. Nkag siab hais tias seb txoj cai puas cuam tshuam rau koj.

Puas muaj lus nug?

Tham nrog ib tug kws lij choj uas paub txog kev nkag tebchaws lossis cov txiaj ntsig pab cuam rau pej xeem ntawm tsoomfwv. Lawv tuaj yeem muab lus qhia rau koj qhov xwm txheej. Koj tseem tuaj yeem nrhiav tau cov npe ntawm cov koom haum tsis yuav txiaj ntsig uas tuaj yeem pab tau nyob rau saum lub vev xaib ntawm California Lub Tuam Tsev Haujlwm Muab Kev Pab Rau Cov Pej Xeem (Department of Social Services).

Yog tias koj xav nrog ib tus neeg tham hauv xov tooj, koj tuaj yeem hu rau Pab Neeg Muab Kev Pab Txais Tau Kev Npaj Kho Mob (Health Consumer Alliance) ntawm 888-804-3536. Koj hu tau dawb thiab yuav tsis pub lwm tus paub, thiab koj tuaj yeem nug kom paub ntau ntxiv.