Lub Alliance tab tom npaj rov qab qhib tsev lis hauj lwm dua ra hauv Merced, Monterey thiab Santa Cruz tsis pub dhau Lub Ob Hlis Ntuj Xyoo 2022. Lub Alliance yuav ua raws li chaw saib xyuas zej tsoom kev noj qab haus huv cov lus qhia los mus qhia txog lub sij hawm rov qab npaj qhib peb cov tsev lis hauj lwm, vim tus kab mob COVID-19 muaj tsawg zuj zus lawm thiab ua kom muaj kev noj qab haus huv thiab kev nyab xeeb rau peb cov tswv cuab, cov neeg ua hauj lwm thiab cov qhua tuaj saib xyuas.
Hauv qab no yog ob peb yam uas koj tuaj yeem ua tau hauv ooslais:
- Hloov koj tus ID Tswvcuab Alliance.
- Hloov tshiab rau koj cov xov xwm ntawm tus kheej.
- Thov ib tug kws kho mob tshiab.
Yog tias koj muaj lus nug, thov hu rau lub Chaw Pab Cuam Tswvcuab ntawm 800-700-3874, hnub Monday txog hnub Friday, thaum 8 a.m. txog 5:30 p.m. Yog tias koj xav tau kev pab txhais lus, peb muaj ib tug xov tooj tshwj xeeb los nrhiav neeg txhais lus uas hais tau koj yam lus uas tsis tau them nqi li.
Hais txog tus Xov Tooj Pab Cov Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).
