Kuv Puas Tsim Nyog Tau Txais?

Qhov kev pab cuam California Lub Tuam Tsev Haujlwm Saib Xyuas Cov Kev Pab Kho Mob (California Department of Health Care Services, DHCS, raws li sau hauv lus Askiv) tsim cov cai rau kev tsim nyog tau txais thiab cov kev txiav txim rau tus uas tsim nyog tau txais Medi-Cal cov kev pab kho mob. Koj tuaj yeem thov tau rau Medi-Cal cov kev pab kho mob yam tsis cais vim yog poj niam los txiv neej, haiv neeg, kev ntseeg, cev nqaij daim tawv, teb chaws yug, kev xav tias yog txiv neej lossis poj niam, kev muaj txij nkawm, noob nyoog, kev tsis taus lossis qub tub rog. Yog tias koj tsim nyog tau txais, koj yuav tau txais Medi-Cal mus ntev tsuav yog koj tseem ua tau raws li cov cai hais txog kev tsim nyog tau txais.

.