Kev mus ntsib tus kws kho mob tsis yog rau thaum koj mob xwb. Cov kev tuaj kuaj yeej pab koj thiab koj tsev neeg kom ua lub neej nyob muaj kev noj qab nyob zoo.
Kev mus ntsib tus kws kho mob tsis yog rau thaum koj mob xwb. Cov kev tuaj kuaj yeej pab koj thiab koj tsev neeg kom ua lub neej nyob muaj kev noj qab nyob zoo. Lawv muab yam tsis them nqi rau Alliance cov tswvcuab!
Qhov kev tuaj kuaj yog dab tsi?
Cov kev tuaj kuaj yog qhov kev mus ntsib tus kws kho mob cuag ncua uas tseem ceeb rau koj li kev noj qab haus huv thiab koj tsev neeg li kev noj qab haus huv.
Cov kev tuaj kuaj yog ib feem tseem ceeb ntawm kev saib xyuas kev noj qab haus huv rau cov neeg txhua phaum noob nyoog, los ntawm cov menyuam mus txog rau cov laus.
Cov kev tuaj kuaj rau cov menyuam
Cov kev tuaj kuaj rau cov menyuam pab koj tus menyuam kom loj hlob muaj zog thiab muaj kev noj qab nyob zoo tuaj. Dhau li ntawd lawm cov kev tuaj kuaj kuj pab tau koj tus menyuam tus kws kho mob nrhiav cov teeb meem kev noj qab haus huv thaum tseem ntxov.
Thaum koj coj koj tus menyuam mus ntsib tus kws kho mob, koj tus menyuam thiaj tau txhaj cov tshuaj tiv thaiv kab mob thiab cov kev kuaj nyob rau lub sijhawm uas tsim nyog. Koj kuj txais tau cov khoom plig xws li cov npav khoom plig mus yuav khoom tom lub khw Target vim tau txhaj tiav koj tus menyuam cov tshuaj tiv thaiv thiab tau mus tag nrho cov kev mus kuaj.
Kev tuaj kuaj rau cov neeg laus
Cov kev tuaj kuaj kev noj qab haus huv muab cib fim rau koj los sib sab laj txog cov kev txhawj xeeb fab kev noj qab haus huv thiab tau txais cov kev kuaj thiab kev soj ntsuam. Dhau li ntawd lawm koj kuj tseem tau txhaj cov tshuaj tiv thaiv neeg laus thiab.
Yog vim li cas cov kev tuaj kuaj thiaj li yog qhov tseem ceeb?
Qhov kev tuaj kuaj cuag ncua nrog koj tus kws kho mob pab tau koj tsim tau qhov kev tso siab thiab kev sib txuas lus zoo xwv koj thiaj li tau txais koj qhov kev saib xyuas kev noj qab haus huv kom zoo tshaj plaws.
Cov kev tuaj kuaj kuj pab tau koj:
- Tiv thaiv tau kab mob.
- Ua kom muaj kev noj qab nyob zoo.
- Tau txais tswv yim ntawm kev kho mob.
- Taug qab txhaj tshuaj tiv thaiv kab mob thiab txais cov ntawv sau yuav tshuaj uas koj xav tau.
Koj tus kws kho mob xa tau koj lossis koj tus menyuam mus rau Kev Noj Qab Haus Huv thiab Kev Noj Qab Nyob Zoo Kev Pabcuam Ntawm Kev Noj Qab Haus Huv thiab Kev Noj Qab Nyob Zoo Kev Pabcuam Ntawm (Health and Wellness Programs) Alliance uas qhib rau koj nkag tsis tsub nqi dabtsi li. Koj mus koom tau cov khoos kas rau kev tswj qhov sib qhov hnyav, cov kev mob uas kav ntev mus, qhov kev pab txhawb ua ntej yug menyuam thiab tom qab yug menyuam, thiab lwm yam ntxiv.
Kuv yuav ua li cas thiaj tau kev pab ntau tau ntawm lub caij tuaj kuaj?
Thaum lub sijhawm tuaj kuaj, koj nug koj tus kws kho mob cov lus uas tej zaum koj yuav muaj nug hais txog koj qhov kev noj qab haus huv thiab koj tus menyuam qhov kev noj qab haus huv. Ua ntej koj yuav mus ntsib, kuj zoo sau cov lus nug rau koj tus kws kho mob cia lossis sau cov lus nco tseg txog yam uas koj xav tham txog ntawd. Koj kuj tseem sau cia tau tej yam uas koj tus kws kho mob qhia rau koj xwv koj thiaj li muab tau cov ntaub ntawv ntawd rov qab coj los saib dua tom qab koj qhov kev mus ntsib tag los.
Kuv teem lub sijhawm tuaj kuaj tau li cas?
Hu koj tus kws kho mob hnub no thiaj teem tau lub sijhawm sib ntsib.
Koj nrhiav tau seb koj tus kws kho mob yog leej twg los ntawm kev saib koj Daim Npav ID Ua Tswv Cuab Ntawm Alliance. Koj hu tau Cov Chaw Muab Kev Pab Cuam Tswv Cuab Ntawm Alliance ntawm 800-700-3874 (TTY: Ntaus 711), hnub Monday txog Friday, 8 a.m. txog 5:30 p.m.
