Cov Lus Qhia Txog Qhov Kev Pab Cuam Medi-Cal Rx
Nyob rau Lub Plaub Hlis Ntuj Tim 1, 2022, Lub Tuam Tsev Haujlwm Saib Xyuas Cov Kev Pab Kho Mob (Department of Health Care Services; DHCS, raws li sau hauv lus Askiv) yuav hloov koj cov kev txais tshuaj noj siv. Koj cov tshuaj noj siv uas yog siv daim ntawv sau yuav tshuaj yuav raug pab them los ntawm ib qho kev pab cuam tshiab uas hu ua Medi-Cal Rx. Qhov kev hloov no yuav tsis hloov koj li kev tsim nyog txais thiab koj cov kev pab kho mob uas txais tau los ntawm Medi-Cal.
Yog koj tsim nyog txais cov kev faj seeb kho mob Medicare thiab Medi-Cal, tej zaum qhov kev pab cuam Medi-Cal Rx yuav pab them rau cov tshuaj noj siv uas yog siv daim ntawv sau yuav tshuaj uas Medicare tsis pab them rau, ua li ntawv koj yuav tsum tau tham nrog koj tus kws kho mob lossis koj lub tsev muag tshuaj yog koj muaj lus nug.