Cov Lus Qhia Txog Qhov Kev Pab Cuam Medi-Cal Rx

Pib Lub Plaub Hlis Ntuj Tim 1, 2022, koj cov tshuaj noj siv ntawv yuav uas tau mus nqa ntawm lub tsev muag tshuaj yuav tau txais kev pab them los ntawm Medi-Cal Rx yuav tsis yog los ntawm lub Alliance. Medi-Cal Rx yog ib qho kev pab cuam tshiab uas tau muab los ntawm lub chaw DHCS los pab koj rau koj cov tshuaj noj siv uas koj yuav tsum tau. Lub chaw DHCS yuav ua haujlwm nrog lub koom haum tshiab hu ua Magellan los muab cov kev pab cuam Medi-Cal Rx.

Nws yuav tsis muaj kev hloov rau qhov kev uas yuav them rau koj cov tshuaj noj siv. Rau feem ntau cov neeg uas txais Medi-Cal, nws yuav tas them nqi.

Feem ntau Alliance cov tswvcuab yuav siv tau lub tsev muag tshuaj uas lawv tab tom siv tam sim no nyob rau Lub Plaub Hlis Ntuj Tim 1, 2022. Yog koj lub tsev muag tshuaj tsis ua haujlwm nrog qhov kev pab cuam Medi-Cal Rx, koj yuav tsum tau xaiv lwm lub tsev muag tshuaj.

Thaum koj mus rau ntawm lub tsev muag tshuaj, koj yuav tsum tau nqa koj Daim Npav Qhia Kev Txais Kho Mob (Benefits Identification Card; BIC, raws li sau hauv lus Askiv). Koj tsim nyog yuav tsum tau txais koj daim npav BIC thaum koj pib tsim nyog txais cov kev pab kho mob uas txais tau los ntawm Medi-Cal. Daim npav BIC muaj ob (2) hom uas sib txawv thiab koj siv daim twg los tau. Nyob hauv qab no yog ib co piv txwv uas qhia kom koj pom tias koj daim npav BIC yuav tsum zoo li cas:

Piv txwv 1	Piv txwv 2

Yog tias koj tsis tau txais koj daim npav BIC lossis koj muab uas poob lossis muaj neeg muab nyiag lawm, koj yuav thov tau ib daim npav BIC tshiab los hloov. Thov hu mus rau koj lub cheeb nroog Medi-Cal lub chaw ua haujlwm uas nyob hauv qab no:

• Lub Cheeb Nroog Merced: 209-385-3000
• Lub Ceeb Nroog Monterey: 877-410-8823
• Lub Cheeb Nroog Santa Cruz: 888-421-8080

Feem ntau cov neeg tsis tas yuav hloov lawv cov tshuaj noj siv. Daim ntawv teev cov tshuaj ua yuav tau txais kev pom zoo ua ntej tej zaum kuj yuav txawv daim ntawv teev uas lub Alliance siv. Tej zaum koj tus kws kho mob yuav tsum tau txais kev pom zoo muab tshuaj ntxiv. Tej zaum nws yuav nrog koj tham txog ntawm kev hloov tshuaj mus rau lwm yam uas tsis tas yuav tau txais kev pom zoo ua ntej.

Pib Lub Plaub Hlis Ntuj Tim 1, 2022, yog tias koj muaj lus nug txog koj cov tshuaj noj siv ntawv yuav lossis cov kev pab uas txais tau tshuaj noj siv, koj tuaj yeem hu tau rau qhov kev pab cuam Medi-Cal Rx Lub Chaw Pab Cuam Txais Xov Tooj ntawm 800-977-2273 (TTY: Ntaus 7-1-1) ces ib tus neeg sawv cev ntawm qhov kev pab cuam Medi-Cal Rx pawg neeg ua haujlwm yuav pab tau koj 7 hnub rau ib asthiv, 24 teev txhua hnub.

Koj li kev noj qab haus huv tseem ceeb rau peb! Yog tias koj muaj lus nug ua ntej Lub Plaub Hlis Ntuj Tim 1, 2022, thov hu rau lub Alliance Lub Chaw Pab Cuam Tswvcuab, hnub Monday mus txog Friday, 8:00 a.m. txog 5:30 p.m. ntawm 800-700-3874. Yog koj xav tau kev pab txhais lus, peb muaj ib tug xov tooj uas yuav pab nrhiav ib tug kws pab txhais lus uas hais koj hom lus. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711). 

1. Cov tswvcuab xa tau ib qho kev tsis txaus siab los ntawm kev sau tiav Medi-Cal Rx Daim Ntawv Foos Thov Hais Kev Tsis Txaus Siab.
2. Cov tswvcuab kuj tiv tauj tau rau Lub Tuam Tsev Haujlwm Pab Daws Teeb Meem (Office of Ombudsman Office) nyob ntawm Lub Tuam Tsev Haujlwm Saib Xyuas Cov Kev Pab Kho Mob (Department of Health Care Services), hnub Monday txog Friday, 8 a.m. 5 p.m., tsis suav txog cov hnub so.
   • Kev hu xov tooj: 888-452-8609.
   • Kev xa email: [email protected].
     Yog tias koj xaiv txoj kev xa email rau koj qhov kev tsis txaus siab, koj yuav tsum paub tias yuav tsis muaj txoj kev kam lav yuav tsis pub lwm tus twg paub txog. Koj yuav tsum tsis txhob qhia ntau txog cov ntaub ntawv kuaj mob nkeeg txwv tsis pub qhia tawm yog tsis tau kev tso cai (protected health information, PHI, raws li sau hauv lus Askiv) uas qhia txog koj tus kheej. Cov ntaub ntawv PHI muaj cov lus qhia los ntawm koj cov ntaub ntawv kho mob, xws li koj tej kev mob, cov tshuaj noj siv thiab lwm yam ntaub ntawv.

Yog xav paub ntxiv txog qhov kev pab cuam Medi-Cal Rx thiab koj cov kev pab txais tau tshuaj noj siv, nias rau cov kab txuas nyob hauv qab no:

• Cov Lus Nquag Nug (Frequently Asked Questions; FAQ, raws li sau hauv lus Askiv)
• Daim Ntawv Tshawj Tawm Qhia
• Qhov Kev Pab Cuam Medi-Cal Rx DHCS Lub Website
• Kev nkag siab txog qhov kev pab cuam Medi-Cal Rx rau Cov Uas Txais Tau