Cov tshuaj tiv thaiv kab mob tseem ceeb rau cov menyuam yaus thiab cov neeg laus! Kev paub txog cov tshuaj tiv thaiv kab mob yog txoj hauv kev zoo tshaj plaws los tiv thaiv koj tus kheej thiab cov neeg nyob ze koj ntawm cov kab mob uas tiv thaiv tau. Cov tswv cuab ntawm Alliance tuaj yeem tau txais cov tshuaj tiv thaiv kab mob uas lawv xav tau yam tsis tas them nqi.
Cov tshuaj tiv thaiv kab mob tiv thaiv koj los ntawm:
- Pab koj lub cev paub thiab tawm tsam cov kab mob.
- Ua rau koj tsis txhob mob hnyav, muaj teeb meem kev noj qab haus huv mus sij hawm ntev lossis tuag.
Cov Koob Txhaj Tshuaj Tiv Thaiv Kab Mob rau Cov Menyuam Yaus
Nws yooj yim heev rau cov menyuam mos thiab cov menyuam yaus uas muaj mob hnyav los ntawm qee yam kab mob, txawm tias los ntawm mob khaub thuas. Qhov no tuaj yeem ua rau muaj teeb meem kev noj qab haus huv yav tom ntej. Cov menyuam yaus hnub nyoog qis dua 5 xyoos uas tau mob khaub thuas feem ntau yuav tsum mus rau tsev kho mob ntau dua li cov neeg laus.
Kuv tus menyuam xav tau cov tshuaj tiv thaiv kab mob twg?
Lub Koom Haum American Academy of Pediatrics muaj ib qho kev pab cuam cov txheej txheem txhaj tshuaj tiv thaiv kab mob uas pom zoo rau cov menyuam yaus txij thaum yug los txog rau hnub nyoog 18 xyoo.
Tham nrog koj tus menyuam tus kws kho mob txog cov tshuaj tiv thaiv kab mob uas koj tus menyuam xav tau. Kev qhia koj tus menyuam kom paub txog cov tshuaj tiv thaiv kab mob kom zoo yuav tiv thaiv lawv thaum lawv loj hlob tuaj.
Peb muaj ib daim ntawv qhia txog kev noj qab nyob zoo rau cov menyuam moslaib los mus pab kom koj paub txog cov koob txhaj tshuaj tiv thaiv kab mob uas koj tus menyuam mosliab yuav tsum tau thaum muaj noob nyoog 0-12 lub hlis. Nws me thiab haum ntim rau hauv hnab tsos kom koj thiaj li nqa tau nrog koj thaum koj mus ntsib koj tus menyuam mosliab tus kws kho mob. Yog xav tau daim ntawv qhia txog kev noj qab nyob zoo ntawm menyuam moslaib, ces hu rau peb Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580 (TTY: Ntaus 711).
Cov menyuam yaus hnub nyoog 7 txog 24 lub hlis uas tau txhaj tshuaj tiv thaiv kab mob khaub thuas ob zaug ntawm lub Cuaj Hli thiab Tsib Hlis yuav raug xaiv rau hauv kev xaiv tsa txhua hli rau daim npav khoom plig $100 Target. Yog xav paub ntxiv txog cov khoom plig, mus saib peb nplooj ntawv Txoj Kev Pab Cuam Txiaj Ntsig Pab Rau Kev Noj Qab Haus Huv.
Cov Koob Txhaj Tshuaj Tiv Thaiv Kab Mob rau Cov Neeg Laus
Cov neeg laus kuj yuav tsum tau txhaj tshuaj tiv thaiv kab mob kom raws sijhawm thiab. Cov tshuaj tiv thaiv kab mob rau cov neeg laus tuaj yeem tiv thaiv lawv ntawm:
- Cov kab mob sib kis raws caij nyoog (xws li mob khaub thuas, COVID-19 thiab RSV).
- Cov kab mob uas cov neeg laus yuav muaj feem raug (xws li mob pob khaus).
Kuv yuav paub li cas tias kuv xav tau cov tshuaj tiv thaiv kab mob twg?
Lub Koom Haum American Academy of Family Physicians muaj ib qho kev pab cuam teem sijhawm txhaj tshuaj rau cov neeg laus. Muaj cov tshuaj tiv thaiv kab mob uas txhua tus neeg laus xav tau, xws li tshuaj tiv thaiv kab mob khaub thuas txhua xyoo. Muaj lwm cov tshuaj tiv thaiv kab mob uas cov neeg laus yuav tsum tau txhaj raws li:
- Hnub nyoog.
- Cov mob nkeeg.
- Yauj.
- Kev ua neej.
- Cov phiaj xwm mus ncig ua si.
Tham nrog koj tus kws kho mob thiab xyuas kom tseeb tias koj thiab koj cov menyuam tau txais tag nrho koj cov tshuaj tiv thaiv kab mob kom noj qab nyob zoo.
Yog tias koj yog ib tug tswvcuab ntawm Medi-Cal thiab koj xav tau txais kev pab kho mob, peb nyob ntawm no rau koj! Thov hu rau peb Pab Pawg Pab uam Tswvcuab ntawm 800-700-3874, Monday-Friday thaum 8 a.m. txog 5:30 p.m.
Alliance Cov Kev Pab Cuam Txhais Lus
Lub Alliance muaj txhais lus los pab kom koj thiab koj tus kws kho mob sib tham tau. Thaum koj yog Alliance Tus Tswvcuab, koj muaj cai tau txais cov kev pab txhais lus no yam tsis tau them nqi:
- Cov kev pab thiab cov kev pab cuam rau cov neeg uas tsis taus los pab kom lawv txuas lus zoo dua, xws li:
- Cov neeg uas kawm tiav muab kev pab txhais lus piav tes.
- Lwm hom ntaub ntawv xws li cov ntaub ntawv uas sau kom loj, cov suab kaws, cov ntaub ntawv uas saib tau hauv lub computer thiab cov ntaub ntawv uas sau ua lwm hom.
- Cov kev pab txhais lus rau cov neeg uas tsis yog lus Askiv, xws li:
- Cov neeg uas kawm tiav kev pab txhais lus, rau tim ntsej tim muag lossis hauv xov tooj.
- Cov ntaub ntawv uas sau ua lwm hom lus.
Yog xav tau kev pab kom tau ib tus kws pab txhais lus lossis sau cov lus qhia rau koj hom lus, thov hu rau lub Alliance Tus Xov Tooj Pab Qhia Kev Noj Qab Haus Huv ntawm 800-700-3874, ext. 5580.
Yog koj xav tau kev pab txhais lus, peb muaj ib tus xov tooj uas yuav pab nrhiav ib tus kws pab txhais lus uas hais koj hom lus, yam tsis tau them nqi. Rau Tus Xov Tooj Pab Cuam Cov Neeg Uas Tsis Hnov Lus lossis Hais Lus Tsis Tau, hu rau 800-735-2929 (TTY: Ntaus 711).
Qhov chaw rau cov ntawb ntawv qhia txog cov koob tshuaj tiv thaiv kab mob: Lub Koom Haum Kws Kho Mob Tsev Neeg Asmeskas, American Academy of Pediatrics thiab Lub Chaw Pab Tiv Thaiv Kab Mob Thiab Pab Tswj Mob (CDC)
