Kev Saib Xyuas Me Nyuam Zoo
Raws li koj tus menyuam loj hlob, nws tseem ceeb rau lawv mus ntsib ib tus kws kho mob rau lawv cov kev ntsuam xyuas menyuam kev noj qab haus huv. Thaum mus rau ib qho kev ntsuam xyuas menyuam kev noj qab haus huv, koj tus menyuam tuaj yeem txais tau lawv li Kev Kuaj Mob Raws Caij Nyoog thiab Kuaj Thaum Tseem Yaus, Kev Tshuaj Ntsuam Xyuas Kab Mob thiab Kev Kho Mob (Early and Periodic Screening, Diagnostic and Treatment; EPSDT, raws li sau hauv lus Askiv). Cov ev mus ntsib rau cov kev ntsuam xyuas menyuam kev noj qab haus huv yuav tsum tshwm sim yam tsawg kawg yog ib xyoos ib zaug, txawm tias koj tus menyuam tsis mob los xij.
Yog tias koj yog tus tswv cuab, lub Alliance yuav xa cov ntaub ntawv ntsig txog EPDST cov kev pab cuam, kev mus ntsib kws kho mob thiab kev kuaj tsis tu ncua. Qhov no yog pab xyuas kom koj tus me nyuam tau txais kev saib xyuas zoo raug sij hawm.
Txhawm rau los teem sij hawm rau koj tus me nyuam, hu rau koj tus kws kho mob.
Cov Nqi Zog Rau Kev Nyob Noj Qab Haus Huv thiab Noj Qab Nyob Zoo
Txhuas zaum koj tus menyuam mus rau ib qho kev ntsuam xyuas menyuam kev noj qab haus huv thaum thawj 15 lub hlis, koj tus menyuam lub npe yuav raug muab tso rau hauv ib qho kev rho npe los saib seb nws puas muaj feem yeej ib daim gift card $25 mus rau lub khw Target.
Thaum koj tus menyuam ua tiav 6 lossis ntau dua cov kev ntsuam xyuas menyuam kev noj qab haus huv ua ntej koj tus menyuam yuav muaj 15 lub hlis, lawv lub npe yuav raug muab tso rau hauv ib qho kev rho npe los saib seb nws puas muaj feem yeej ib daim gift card $150 mus rau lub khw Target.
Yog xav paub ntxiv txog cov nqi zog, mus xyuas peb nplooj ntawv hu ua Cov Nqi Zog Rau Kev Nyob Noj Qab Haus Huv thiab Noj Qab Nyob Zoo..
Leej twg tuaj yeem tau txais EPSDT cov kev pab cuam?
Lub Alliance cov tswv cuab hauv Medi-Cal txij thaum yug txog thaum muaj hnub nyoog 21 xyoos.
Vim li cas EPSDT cov kev pab cuam thiaj li tseem ceeb rau kuv tus me nyuam?
Cov kev pab cuam no yuav:
- Pab tiv thaiv koj tus me nyuam kom txhob mob.
- Pab koj tus me nyuam tus PCP nrhiav cov teeb meem kev noj qab haus huv thaum ntxov.
- Tshuaj soj xyuas koj tus me nyuam kev loj hlob.
- Nco ntsoov tias kom koj tus me nyuam tau txhaj tshuaj thiab kuaj mob raws sij hawm.
Yuav ua li cas yog tias kuv muaj lus nug txog kuv tus menyuam li kev noj qab haus huv thaum kuv tus kws kho mob tsis nyob rau cov sijhawm qhib?
Yog tias koj tus menyuam muaj mob thiab koj mus ntsib tus kws kho mob tsis tau, hu rau Tus Xov Tooj Nug Kev Pab Los Ntawm Tus Kws Tu Neeg Mob. Ib tus kws tu neeg mob mamli pab koj txog yam yuav ua tom ntej. Qhov kev pab no muaj nyob rau 24 teev txhua hnub, 7 hnub rau ib asthiv yam tsis tau them nqi rau koj.
Hu rau 844-971-8907 (TTY: Ntaus 711).
Muab koj li Alliance Tswvcuab daim npav ID nyob ntawm tes nrog koj. Npaj qhia koj tus lej ID rau tus kws tu neeg mob.
Hu Rau Lub Chaw Pab Cuam Tswvcuab
Tus Xov Tooj Pab Qhia Kev Noj Qab Haus Huv
- Tus Xov Tooj: 800-700-3874, ext. 5580
Kev Txais Tau Alliance Cov Kev Pab Cuam
Kev Mus Nrhiav Kev Pab
Tus Xov Tooj Nug Kev Pab Los Ntawm Tus Kws Tu Neeg Mob
Kev pab cuam txhais lus
Cov Lus Uas Nquag Nug
Lub Alliance
© 2023 Central California Alliance for Health | Lub vev xaib cov lus taw qhia