Tsev > Rau Cov Tswvcuab > Kev Nyob Noj Qab Haus Huv thiab Noj Qab Nyob Zoo > Hu, Thiab Teem Sijhawm Kuaj Mob.

Hu, Thiab Teem Sijhawm Kuaj Mob.

Kev mus ntsib tus kws kho mob nia zaus tseem ceeb rau koj txoj kev noj qab haus huv thiab koj tsev neeg txoj kev noj qab haus huv.

Kev tuaj kuaj rau cov neeg laus

Kev tuaj kuaj nrog koj tus kws kho mob nia zaus yuav pab koj:

Tiv thaiv kab mob.
Nyob noj qab haus huv mus li.
Txais tau lus pab txog kev kho mob.
Txais tau cov koob txhaj tshuaj tiv thaiv kab mob thiab txais tau cov tshuaj noj siv yam xav tau kom raws sijhawm

Alliance cov tswvcuab mus ntsib tau tus kws kho mob rau ib qho kev kuaj mob yam tsis tau them nqi. Hu koj tus kws kho mob hnub no los teem sijhawm mus ntsib.

Kev mus ntsib tus kws kho mob rau cov menyuam thiab cov tub hluas ntxhais hluas (cov kev mus ntsib rau ib qho kev ntsuam xyuas menyuam kev noj qab haus huv)

Cov kev mus ntsib rau ib qho kev ntsuam xyuas menyuam kev noj qab haus huv tseem ceeb rau koj tus menyuam txoj kev noj qab haus huv thiab yuav muaj kev kuaj ib ce, kev txhaj tshuaj tiv thaiv kab mob, thiab lwm cov kev mus kuaj xyuas raws koj tus menyuam lub noob nyoog. Thaum mus ntsib rau ib qho kev ntsuam xyuas menyuam kev noj haus huv, koj tus menyuam tus kws kho mob yuav kuaj nws:

Qhov siab, qhov hnyav, lub plawv dhia thiab kev ua pa.
Ob lub qhov muag, ob lub pob ntseg, lub qhov ncauj thiab caj pa.
Cov kev loj hlob uas yuav tsum ncav cuag rau txhua noob nyoog, xws li mus kev thiab hais lus.
Kev kuaj seb puas muaj hlau txhuas (lead) hauv cov ntshav (thaum muaj noob nyoog 12 thiab 24 lub hlis).

Koj tus menyuam mus ntsib ib tus kws kho mob rau ib qho kev ntsuam xyuas menyuam kev noj qab haus huv yam tsis tau them nqi. Teem sijhawm mus ntsib nrog koj tus menyuam tus kws kho mob hnub no.

Saib Xyuas Koj li Kev Noj Qab Haus Huv

Kev nyob nrog tus kab mob COVID-19

Cov Lus Pab Qhia Txog Cov Tshuaj Tiv Thaiv

Ua zoo kom koj thiab koj cov menyuam txais tau tagnrho cov koob txhaj tshuaj koj muaj kev noj qab haus huv. Cov koob txhaj tshuaj tiv thaiv kab mob muaj kev nyab xeeb thiab tuaj yeem tiv thaiv tau ntau yam kab mob thaum koj tau txhaj tshuaj tiv thaiv kob mob raws li lub sijhawm.

Thaum koj tus menyuam mus txais lawv cov koob txhaj tshuaj tiv thaiv kab mob, tej zaum lawv yuav tsim nyog tau txais Cov Nqi Zog Rau Kev.

Kawm ntxiv txog cov sijhawm mus txais cov koob txhaj tshuaj tiv thaiv kab mob rau cov menyuam yaus thiab cov neeg laus ntawm peb nplooj ntawv Kev Txhaj Tshuaj Tiv Thaiv Kab Mob.

Cov kws kho mob cov chaw ua haujlwm ua li cas thiaj tiv thaiv tau cov neeg mob kom nyab xeeb thaum lub sijhawm uas muaj tus kab mob COVID-19?

Kuv yuav ua li cas thiaj paub tau seb kuv tus menyuam puas yuav tsum txhaj cov koob tshuaj tiv thaiv kab mob?

Peb xav kom koj hu rau koj tus menyuam tus kws kho mob lub chaw ua haujlwm los nug txog qhov no— qhov zoo tshaj tsis txhob tos txog thaum kawg! Tej menyuam yuav tsum txhaj cov koob tshuaj tiv thaiv thaum lub sijhawm lawv yug los mus txog thaum lawv muaj noob nyoog 18 xyoo thiaj tiv thaiv tau ntau yam kab mob. Koj tus kws kho mob yuav paub thaum twg txog sijhawm uas yuav tau txhaj koob tshuaj tiv thaiv kab mob.

Cov neeg laus puas yuav tsum mus ntsib tus kws kho mob?

Yog. Cov neeg laus kuj yuav tau txhaj cov koob tshuaj tiv thaiv kab mob thiab. Cov kev mus ntsib rau ib qho kev ntsuam xyuas kev noj qab haus huv yuav muab sijhawm rau lawv los tham txog tej kev txhawj xeeb ntawm kev noj qab haus huv thiab mus txais kev kuaj thiab soj ntsuam ub no. Qhov uas mus kuaj mob raws sijhawm tseem ceeb heev rau cov neeg uas muaj yam mob nkeeg uas yuav mob mus ntev xws li kev mob ntshav qab zib thiab mob hawb pob, uas ua tau rau yus haj yam muaj feem yuav muaj mob loj los ntawm tus kab mob COVID.

Tsis txhob tos. Hu rau koj tus kws kho mob lub chaw ua haujlwm los nug seb puas tau txog lub sijhawm rau koj lossis koj tus menyuam los txhaj koob tshuaj tiv thaiv kab mob lossis mus ntsib rau ib qho kev ntsuam xyuas kev noj qab haus huv.