Kev Txhim Khu Kev Pab Tswj Kev Tu Xyuas thiab Zej Zog Kev Pab Txhawb

Tej Zej Zog Kev Pab Txhawb mas muaj lwm cov kev pab cuam rau Medi-Cal cov tswvcuab uas tej zaum yuav tsis muaj feem ntsig txog ncaj qha rau kev saib xyuas mob nkeeg. Lub Alliance muab Zej Zog Kev Pab Txhawb los mus pab rau cov tswvcuab uas muaj teeb meem nyuaj txog kev noj qab haus huv. Tej kev mob noj qab haus huv no mas nquag ua rau lossis tshwm sim tsis zoo vim tsis muaj khoom noj txaus, tsis muaj vaj tsev nyob ruaj khov lossis tsis muaj kev thauj mus los.

Zej Zog Kev Pab Txhawb muaj xws li:

• Tej Pluas Mov Noj Uas Npaj Kom Kho Mob.
• Tej Kev Pab Cuam Qhia Txog Kev Hloov Vaj Tsev Nyob.
• Nyiaj Tso Them Vaj Tsev.
• Kev Xauj Vaj Tsev Nyob thiab Kev Pab Cuam Kom Tau Nyob Ruaj Khov.
• Kev Saib Xyuas Kom Rov Qab Zoo Los.
• Kev Saib Xyuas Lub Sij Hawm Luv Tom Qab Tawm Hauv Tsev Kho Mob Los.
• Cov Chaw Pab Cheem Kom Txhob Qaug (tsuas muaj rau hauv Cheeb Nroog Monterey xwb).

Qhov khoos kas pab Tej Pluas Mov Noj Uas Npaj Kom Kho Mob rau cov tswvcuab tom qab lawv tawm hauv tsev kho mob lossis tawm hauv lub chaw tu mob los lawm. Cov pluas mov noj no raug kho kom haum rau txhua tus tswvcuab raws li qhov tsim nyog ntawm lawv qhov muaj mob. Tej zaum koj kuj yuav tau txais kev pab tswj qhov xwm txheej thiab kev pab khoom noj khoom haus los mus pab kom koj nyob noj qab haus huv.

Tej Kev Pab Cuam Qhia Txog Kev Hloov Vaj Tsev Nyob tuaj yeem pab koj nrhiav thiab thov vaj tsev nyob. Koj kuj tuaj yeem tau txais kev pab npaj txog tej txheej txheem ntawm kev xauj koj lub chaw nyob.

Cov Nyiaj Tso Them Vaj Tsev Nyob pab tau koj kom tau txais ib pob nyiaj los them nqi vaj tsev nyob thiab npaj tej khoom siv tseem ceeb hauv yim neeg. Tej kev pab tso nyiaj them nqi vaj tsev nyob mas tsis zoo ib yam li kev pab chav nyob thiab khoom noj. 

Kev Xauj Vaj Tsev Nyob thiab Kev Pab Cuam Kom Tau Nyob Ruaj Khov tuaj yeem pab ua kom koj muaj kev nyab xeeb thiab muaj vaj tsev nyob ruaj khov thaum koj muaj ib qho chaw nyob ruaj khov lawm. Koj kuj tuaj yeem tau txais kev cob qhia rau fab: 

• Kev nyob tau ywj pheej. 
• Tej txuj ci kev ua neej nyob xws li kev npaj pob nyiaj siv thiab kev paub txog feem nyiaj txiag. 
• Kev txuas rau tej chaw pab cuam hauv zej zos. 

Kev Saib Xyuas Kom Rov Qab Zoo Los muab kev pab ib ntus rau fab vaj tsev nyob, kev saib xyuas mob nkeeg thiab lwm yam kev pab cuam. Qhov khoos kas no yog rau cov tswvcuab uas tsis muaj vaj tsev nyob thiab tab tom nyob tos kom rov qab los zoo ntawm kev muaj mob hnyav lossis kev raug mob. Cov kev pab cuam no muaj suav nrog rau kev tswj teeb meem, kev pab txhawb kev tswj rau yus tus kheej thiab kev pab vaj tsev.

Kev Pab Vaj Tsev Rau Nyob Ib Ntus Tom Qab Tawm Hauv Tsev Kho Mob muab kev pab chaw nyob thiab pab txhawb nqa. Qhov kev pab no mas pab rau cov tswvcuab uas muaj feem yuav ua rau muaj mob lossis xav tau rau kev pab kho tus cwj pwm. Vim qhov kev pab vaj tsev nyob no, cov tswvcuab thiaj li yuav zoo kiag thaum qab tawm hauv ib ntawm cov chaw nyob nram qab no:

• Tsev kho mob uas pw kho hauv tsev kho mob.
• Lub chaw kho kev quav yeeb tshuaj lossis lub chaw saib xyuas kom rov qab zoo los.
• Lub chaw kho kev mob puas siab ntsws uas nyob rau hauv chaw nyob.
• Lub chaw ceev neeg.
• Lub chaw tu mob nkeeg.
• Kev saib xyuas kom rov qab zoo los.

Cov Chaw Pab Cheem Kom Txhob Qaug yog cov chaw rau cov neeg uas pom qaug tas li rau sab nrauv (vim haus dej cawv thiab/lossis haus lwm yam tshuaj). Lawv npaj ib qho chaw nyob rau cov neeg uas yuav tsum tau mus nyob hauv qhov chaw kho mob xwm txheej ceev lossis mus nyob tsev kaw neeg. Cov chaw pab cheem kom txhob qaug ua kom muaj kev nyab xeeb, pab txhawb nqa kom txhob qaug thiab txais kev xa mus kom kho mob. Qhov kev pab cuam no mas tsuas yog muab rau cov neeg uas tsis muaj tsev nyob lossis nyob rau kis xwm txheej uas tsis ruaj khov. 

Koj yuav raug xa mus kho rau hauv Zej Zog Kev Pab Txhawb los ntawm koj tus kws kho mob hauv ECM, thawj tus kws kho mob, cov neeg pab cuam sawv daws thiab lwm cov neeg. Koj lossis koj tsev neeg kuj yuav tau Cov Zej Zog Kev Pab Txhawb thiab.

Cov tswvcuab uas tam sis no muaj nyob rau hauv cov khoos kas xws li nram qab no tseem yuav tau txais cov kev pab cuam los ntawm Cov Zej Zog Kev Pab Txhawb mus ntxiv.

• Khoos Kas Xa Pluas Mov Noj Tuaj Tom Qab Tawm Tsev Kho Mob - Qhov khoos kas no muab cov pluas mov noj rau cov tswvcuab tom qab lawv tawm hauv tsev kho mob lossis tawm hauv lub chaw tu mob los lawm. Tau txib yuav cov pluas mov noj rau cov tswvcuab yuav tau kho mob. Cov tswvcuab kuj yuav tau txais kev pab tswj xyuas teeb meem thiab khoom noj zoo tuaj pab lawv kom noj qab nyob zoo.
• Qhov Khoos Kas Sim Saib Xyuas Kom Rov Qab Zoo Los - Qhov khoos kas no muab kev pab vaj tsev rau nyob ib ntus, kev saib xyuas kev kho mob thiab lwm yam kev pab txhawb nqa. Qhov khoos no yog rau cov tswvcuab uas tsis muaj tsev nyob thiab tab tom nyob tos kom rov qab zoo los ntawm qhov kev muaj mob loj lossis kev raug mob. Yog koj tab tom raug saib xyuas kom rov qab zoo los, ces yuav muaj kev pab txhawb tswj xyuas rau yus tus kheej thiab pab vaj tsev nyob. Yog koj tab tom tej kev pab Sim Saib Xyuas Kom Rov Qab Zoo Los, ces koj tseem yuav tau txais cov kev pab cuam no los ntawm Cov Zej Zog Kev Pab Txhawb uas yuav pib muaj rau thaum lub Xya Hli Ntuj Hnub Tim 1, 2022.

Cov lus hauv qab no qhia tau tías thaum koj tuaj yeem tau txais cov kev Zej Zog Kev Pab Txhawb nyob hauv txhua lub nroog:

Cov tswvcuab yuav tau sau qhov Cov Zej Zog Kev Pab Txhawb (CS) Daim Ntawv Foos Xa Tswv Cuab Mus Kho Mob kom tiav mas thiaj li pib tshuaj xyuas tau. Cov tswvcuab kuj hu tau rau lub Alliance Lub Chaw Pab Cuam Tswvcuab rau ntawm tus xov tooj 800-700-3874 thaum 8 a.m. txog 5:30 p.m. hnub Monday txog Friday. Yog tias koj xav tau kev pab txhais lus, peb muaj tus xov tooj tshwj xeeb kom tau txais tus neeg txhais lus uas paub koj hom lus tsis yuav nqi ntawm koj. Rau tus Xov Tooj Pab Cov Tsis Hnov Lus lossis Hais Lus Tsis Tau, hu rau 800-735-2929 (TTY: Nias 711).