Cov Zej Zog Kev Pab Txhawb

Cov Zej Zog Kev Pab Txhawb yog lwm cov kev pab cuam rau Medi-Cal cov tswvcuab uas tej zaum yuav tsis muaj feem ntsig txog ncaj qha rau kev saib xyuas mob nkeeg. Lub Alliance muab Zej Zog Kev Pab Txhawb los mus pab rau cov tswvcuab uas muaj teeb meem nyuaj txog kev noj qab haus huv. Tej kev mob noj qab haus huv no mas nquag ua rau lossis tshwm sim tsis zoo vim tsis muaj khoom noj txaus, tsis muaj vaj tse nyob ruaj khov lossis tsis muaj kev thauj mus los.

Zej Zog Kev Pab Txhawb muaj xws li:

• Tej Pluas Mov Noj Uas Npaj Kom Kho Mob.
• Tej Kev Pab Cuam Qhia Txog Kev Hloov Vaj Tsev Nyob.
• Nyiaj Tso Them Vaj Tsev.
• Kev Xauj Vaj Tsev Nyob thiab Kev Pab Cuam Kom Tau Nyob Ruaj Khov.
• Kev Saib Xyuas Kom Rov Qab Zoo Los.
• Qhov Chaw Nyob Tom Qab Tawm Hauv Tsev Kho Mob Loj.
• Cov Kev Pab Kom Nyob Taus Tom Tsev lossis Tsav Tau Tsheb (Environment Accessibility Adaptations; EAA, raws li sau hauv lus Askiv). 
• Cov Chaw Pab Cheem Kom Txhob Qaug ( muaj rau hauv Lub Cheeb Nroog Merced thiab Lub Cheeb Nroog Monterey).

Qhov kev pab cuam Cov Pluas Mov Noj Uas Npaj Tom Qab Tawm Hauv Tsev Kho Mob Loj muab zaub mov rau cov tswvcuab uas:

• Muaj cov mob uas mob mus ntev, xws li ntshav qab zib, kab mob plawv, kev mob cancer, thiab muaj kev pheej hmoo xeebtub.  
• Tsis ntev tawm los ntawm hauv tsev kho mob loj. 
• Muaj kev pheej hmoo mus rau hauv tsev kho mob loj. 
• Xav tau kev pab saib xyuas.  

Cov pluas noj yog tsim rau txhua tus neeg txoj kev xav tau raws li lawv cov mob. Koj kuj tseem yuav tau txais kev pab nrog kev noj zaub mov los pab txawb koj kom noj qab haus huv. 

Tej Kev Pab Cuam Qhia Txog Kev Hloov Vaj Tsev Nyob tuaj yeem pab koj nrhiav thiab thov vaj tsev nyob. Koj kuj tuaj yeem tau txais kev pab npaj txog tej txheej txheem ntawm kev xauj koj lub chaw nyob.

Cov Nyiaj Tso Them Vaj Tsev Nyob pab tau koj kom tau txais ib pob nyiaj los them nqi vaj tsev nyob thiab npaj tej khoom siv tseem ceeb hauv yim neeg. Tej kev pab tso nyiaj them nqi vaj tsev nyob mas tsis zoo ib yam li kev pab chav nyob thiab khoom noj. 

Kev Xauj Vaj Tsev Nyob thiab Kev Pab Cuam Kom Tau Nyob Ruaj Khov tuaj yeem pab ua kom koj muaj kev nyab xeeb thiab muaj vaj tsev nyob ruaj khov thaum koj muaj ib qho chaw nyob ruaj khov lawm. Koj kuj tuaj yeem tau txais kev cob qhia rau fab: 

• Kev nyob tau ywj pheej. 
• Tej txuj ci kev ua neej nyob xws li kev npaj pob nyiaj siv thiab kev paub txog feem nyiaj txiag. 
• Kev txuas rau tej chaw pab cuam hauv zej zos. 

Kev Saib Xyuas Kom Rov Qab Zoo Los muab kev pab ib ntus rau fab vaj tsev nyob, kev saib xyuas mob nkeeg thiab lwm yam kev pab cuam. Qhov khoos kas no yog rau cov tswvcuab uas tsis muaj vaj tsev nyob thiab tab tom nyob tos kom rov qab los zoo ntawm kev muaj mob hnyav lossis kev raug mob. Cov kev pab cuam no muaj suav nrog rau kev tswj teeb meem, kev pab txhawb kev tswj rau yus tus kheej thiab kev pab vaj tsev.

Kev Pab Vaj Tsev Rau Nyob Ib Ntus Tom Qab Tawm Hauv Tsev Kho Mob muab kev pab chaw nyob thiab pab txhawb nqa. Qhov kev pab no mas pab rau cov tswvcuab uas muaj feem yuav ua rau muaj mob lossis xav tau rau kev pab kho tus cwj pwm. Vim qhov kev pab vaj tsev nyob no, cov tswvcuab thiaj li yuav zoo kiag thaum qab tawm hauv ib ntawm cov chaw nyob nram qab no:

• Tsev kho mob uas pw kho hauv tsev kho mob.
• Lub chaw kho kev quav yeeb tshuaj lossis lub chaw saib xyuas kom rov qab zoo los.
• Lub chaw kho kev mob puas siab ntsws uas nyob rau hauv chaw nyob.
• Lub chaw ceev neeg.
• Lub chaw tu mob nkeeg.
• Kev saib xyuas kom rov qab zoo los.

Cov Kev Pab Kom Nyob Taus Tom Tsev lossis Tsav Tau Tsheb (Environmental Accessibility Adaptations; EAA, raws li sau hauv lus Askiv) yog cov kev txhim pab kho nyob tom tsev kom ib tus tswvcuab twg muaj kev noj qab haus huv, noj qab nyob zoo thiab muaj kev nyab xeeb, lossis ua kom tus tswvcuab muaj kev nyob taus tom tsev ntawm nws tus kheej. Cov kev pab ntawm EAA muaj xws li kev ua ib txoj kev kom ib lub rooj zaum muaj log mus tau thiab kev ua kom muaj cov pas tuav tau kom mus taus kev, kev ua kom lub qhov rooj loj zog kom haum ib lub rooj zaum muaj log, kev ua kom muaj ib lub rooj zaum uas pab nqa mus rau saum tus ntaiv thiab kev ua kom siv tau lub chav dej thiab da dej tau. 

Cov Chaw Pab Cheem Kom Txhob Qaug yog cov chaw rau cov neeg uas pom qaug tas li rau sab nrauv (vim haus dej cawv thiab/lossis haus lwm yam tshuaj). Lawv npaj ib qho chaw nyob rau cov neeg uas yuav tsum tau mus nyob hauv qhov chaw kho mob xwm txheej ceev lossis mus nyob tsev kaw neeg. Cov chaw pab cheem kom txhob qaug ua kom muaj kev nyab xeeb, pab txhawb nqa kom txhob qaug thiab txais kev xa mus kom kho mob. Qhov kev pab cuam no mas tsuas yog muab rau cov neeg uas tsis muaj tsev nyob lossis nyob rau kis xwm txheej uas tsis ruaj khov. 

Koj yuav raug xa mus kho rau hauv Zej Zog Kev Pab Txhawb los ntawm koj tus kws kho mob hauv ECM, thawj tus kws kho mob, cov neeg pab cuam sawv daws thiab lwm cov neeg. Koj lossis koj tsev neeg kuj yuav tau Cov Zej Zog Kev Pab Txhawb thiab.

Txhua qhov kev pab cuam Zej Zog Txhawb uas tau teev nyob rau hauv nplooj ntawv no muaj tam sim no. 

Cov tswvcuab yuav tau sau qhov Cov Zej Zog Kev Pab Txhawb (CS) Daim Ntawv Foos Xa Tswv Cuab Mus Kho Mob kom tiav mas thiaj li pib tshuaj xyuas tau. Cov tswvcuab kuj hu tau rau lub Alliance Lub Chaw Pab Cuam Tswvcuab rau ntawm tus xov tooj 800-700-3874 thaum 8 a.m. txog 5:30 p.m. hnub Monday txog Friday. Yog tias koj xav tau kev pab txhais lus, peb muaj tus xov tooj tshwj xeeb kom tau txais tus neeg txhais lus uas paub koj hom lus tsis yuav nqi ntawm koj. Rau tus Xov Tooj Pab Cov Tsis Hnov Lus lossis Hais Lus Tsis Tau, hu rau 800-735-2929 (TTY: Ntausse hy 711).